Connect with us

Приказни

Ах тато, неправедно си ја препишав целата тага на мене..

Published

on

Сосема неправедно си ја препишав целата тага на мене, иако ти си најголемата тага, ти си раната која секогаш ја чепкам. Никогаш не го преболив фактот дека те нема повеќе. Можеби затоа што морав многу работи да правам сама. Не можам да тврдам, но убедена сум дека немаше да морам да ги правам ако беше ти тука. Некој ќе дојдеше по мене ако надвор врнеше дожд. Некој би ме однел во град или на матура. Некој можеби би ме научил како да возам. Некој би ми рекол: Немој, тоа не е добро. Некој би ми бил авторитет. Некој можеби би ми покажал како да ја решам писмената по математика. Некој можеби би се гордеел со моите текстови и дипломи. 
Некој би дошол да го погледне станот пред да го купам. Некој би ми помогнал да се преселам. Некој би ми направил полица за книги. Некој би ми кажал анегдота од студентските денови. Би можела со некого да играм шах. Со некого би зборувала за книгите кои ги читам. Некому би му купила подарок со парите од првата плата. Некој би ми рекол да не се преработувам. Некој би ми рекол: Не се грижи јас сум тука. Некој би стоел до мене. 
Некому би му била најважна на светот. Јас се сееќавам дека еднаш бев. Кога го пропушташе најважниот натпревар за да ме заспиеш, кога те викав да ми ја измиеш косата затоа што тоа го правеше понежно од мама. Кога уморен доаѓаше од работа и го јадеше она што јас, мало дете, ќе ти го оставев на маса. Јас не се сеќавам дека некогаш викаше, ниту дека ми се дереше. Се сеќавам на тебе како некој засекогаш мој. Како столб. Како бестрашен штит пред кој би паднале сите мои стравови. 

Да беше тука, можеби би ти купила џемпер, наместо розите кои ги ставам во пластична вазна. Да беше тука ќе бев похрабра. Да беше тука, не би дозволил да се карам со брат ми. Можеби и ќе ме искараше што се расправам со него. Да беше тука, очите на баба не би изгледале како бунар полн со тага. Да беше тука, јас не би направила толку грешки. Да беше тука, не би имала толку стравови. Да беше тука немаше да можам секоја тага ја ти ја препишам на тебе, како некоја кукавица. Да беше тука, сигурно ќе бев поинаква.

Да беше, ама не си

Continue Reading

Приказни

4-годишно момче од Скопје ја скрати косата за да ја донира плетенката за деца болни од рак

Published

on

Имено, 4-годишното момче за првпат ја скрати својата коса и плетенката ја донираше за изработка на перики за деца болни од рак.

Неговиот татко Александар Донев сподели фотографии на Instagram од моментите на кратењето на косата.

„Дарин реши да се шиша за прв пат од кога е роден и ја донира косата за изработка на перики за деца болни од рак“ – напиша тој во описот.

Continue Reading

Приказни

“Убавината ќе згасне со времето, но срцето и душата секогаш ќе бидат исти”

Published

on

Маж се оженил со убава девојка. Многу ја сакал. Еден ден ѝ се појавила ретка кожна болест и таа полека почнала да ја губи убавината. Само што се случило ова, нејзиниот сопруг заминал на турнеја. По враќањето, кога ја погледнал го изгубил видот. Сепак, нивниот брачен живот продолжил како и обично. Како што поминувале деновите, таа ја губела убавината, ама слепиот сопруг не го знаел тоа и немало разлика во нивниот заеднички живот. Тој продолжил да ја сака.
Еден ден таа починала. По погребот, го прашале тажниот сопруг како сега ќе се движи сам кога повеќе не е неговата сопруга на овој свет да го придржува и да му помага?
Тој одговорил: „Не сум слеп. Глумев затоа што ако знаеше дека можам да ја гледам ќе беше уште потешко за неа. Не ја сакав само поради нејзината убавина, се заљубив во нејзината грижлива и сакана природа. Затоа се преправав дека сум слеп. Само сакав таа да биде среќна”.
Наравоучение: Кога вистински сакате некого, одите до крај за да го задржите вашиот сакан среќен. Понекогаш е добро за нас да се правиме слепи и да ги игнорираме работите.Убавината ќе згасне со времето, но срцето и душата секогаш ќе бидат исти.Сакајте ја личноста поради она што е внатре, а не поради надворешната убавина.

Ако го читате ова до крај, споделете ја во некоја група оваа прекрасна приказна ❤

Continue Reading

Приказни

Дело за поздравување: “Денес на паркинг ми ја изгребаа колата. Пријатно се изненадив“

Published

on

Денес на паркинг ми ја изгребаа колата. Пријатно се изненадив кога го најдов ливчето. Се уште има поштени луѓе. П. С. Се слушнав со дечкото. Нема штета голема. Така да.. Све е ок. Ќе части едно кафе некогаш

Continue Reading
Advertisement
Advertisement

Трендинг

Copyright © 2020 Булевар.мк

error: