Connect with us

Истражување

По евалуација на состојбата од викендов, можно е нов пакет мерки во понеделник

Published

on

Министерот за здравство, доц. д-р Венко Филипче и претседателот на Комисијата за заразни болести, д-р Жарко Караџовски, денеска во изјава за медиумите информираа за заклучоците од состанокот на Комисијата за состојбата во која во моментов се наоѓаме со пандемијата од Ковид-19, бројот на новодијагностицираните случаи, како и капацитетите на болниците.

– Целосно е подготвена модуларната болница до Инфективната клиника. Се уште таму нема сместено пациенти, пристигнати се лекарите од останатите клиники кои што треба таму да работат, заедно со колегите инфектолози и медицинските сестри од сите интерни и хируршки клиники, согласно вчерашните распореди кои ги направивме со сите директори на овие институции. Во однос на бројките, еве гледаме и насекаде во регионот се зголемуваат новодијагностицираните случаи. Ова е нешто што сите го очекувавме. Согласно очекуваниот есенски бран, зголемена концентрација на случаи во смисла на зголемен број на дијагностицирани од вкупниот број на направени тестови во сите земји во регионот, во Европа, исто така, практично и во сите овие земји се воведуваат некаква форма на рестриктивни мерки”, потенцираше Филипче.

Тој потенцираше дека еден пакет на рестриктивни мерки до Владата е веќе предложен и согласно важечките уредби со законска сила потребно е да се направат тие законски измени. „Законот е веќе во собраниска процедура и очекуваме следната недела Собранието да го изгласа, за предложениот пакет за задолжително носење маски на отворено, забраната за групирање после 22 часот и забраната за домашни посети, согласно искуствата коишто ги имаме, веќе да стапат на сила и да може инспекторите и Министерството за внатрешни работи да бидат подготвени да постапуваат во контрола и санкции. Утрово разговаравме и за дополнителен пакет рестриктивни мерки коишто после евалуацијата на ситуацијата во следните денови и викендот, доколку има потреба, до Владата ќе биде предложен нов пакет мерки во понеделник. Тоа би вклучувало прво ограничување на капацитетот на луѓе во јавниот превоз, до 50 проценти како што беше претходно, понатаму целосна забрана за секакви настани и крај на работното време на сите економски оператори, субјекти во 23 часот. Доколку продолжи овој тренд на зголемување на случаите, овој пакет мерки заедно со оној што треба да помине во Собрание мислам дека сериозно ќе го забави, ќе ја редуцира можноста за трансмисија на вирусот“, истакна Филипче.

Менаџирањето на болничките капацитети е еден од најбитните параметри што се следи. Лекарите по системот на ротација се веќе прераспределени на работните места, останатите од листите се подготвени да бидат на помош на своите колеги. Тоа е нешто што секојдневно се координира со директорите на клиниките и болниците и прераспределба на пациенти ширум државата. „Една јавна благодарност до студентите од шеста година на Медицинскиот факултет коишто се вклучија од денес со работа и дел од стажот го поминуваат во центрите за јавно здравје, Институтот за јавно здравје, Државниот санитарен и здравствен инспекторат, каде што на своите колеги ќе им помагаат во изготвувањето на анкетните листови и следењето на контактите на заразените“, изјави Филипче.

Претседателот на Комисијата за заразни болести д-р Жарко Караџовски информираше дека анализата на епидемиолошките податоци во последниве три дена кога имаме драстично зголемен број позитивни лица укажува дека одредени настани се главната прилина за поголемиот број на случаи, како на пример, настаните – концертите, журките, се тоа што беше видено на телевизија.

„Причина се групирањата и непочитувањето на мерките или непочитување во таа смисла што никој не носеше маска. Значи, тоа што постојано го кажуваме како наша препорака е дека држење дистанца од два метра, носење заштитна маска и дезинфекција на рацете се основните мерки за да нема случаи. Очигледно, во периодот што е позади нас, тоа не се почитуваше и тоа е факт. Голем дел од овие анкети со самиот факт што инфицираните се на возраст меѓу 20 и 39 години, ни кажува дека тоа се луѓе коишто биле таму каде што може да се направи журка, настан, промоција, во некој локал во којшто не се почитуваат мерките. На прашањето, што се случува во Европа, не треба ние да бидеме премногу паметни да речеме дека имаме типичен есенски бран на ковид. Ние ова го предвидовме уште пред 4-5 месеци, и министерот и комисијата, неколку пати кажувавме дека ќе дојде тој есенски бран. Ако ме прашате епидемиолошки, јас мислам дека есенскиот бран малку подрани, во смисол временските услови не се такви да имаме групирање строго во затворен простор, меѓутоа со доаѓањето на сезонскиот грип, оваа шанса за зголемување на бројот поради групирање, ќе биде поголема. Заради сето тоа и заради ова што беше речено претходно предложи до главниот кризен штаб, до министерот и до Владата предложи да се усвојат два сета на мерки. Едните би се усвоиле во текот на следната недела преку собраниски измени на Законот за заштита на населението од заразни болести, и втор сет на мерки коишто во понеделник ќе му ги презентираме на главниот кризен штаб на премиерот и на Владата“, потенцираше д-р Караџовски и додаде дека не се исцрпени сите мерки кои може да бидат предложени на министерот.
Д-р Караџовски апелираше на почитување на мерките.

„Ве молам и медиуми и население, самите ако не си помогнеме на себе, не може да ни помогнат уште 500 доктори, 500 сестри, 20 болници. Сето тоа ќе се исполни брзо, ние како што знаете работиме од март месец па наваму. Бараме помош од сите, медиуми, политички партии, широко население. Јас би апелирал на широкото население. Да ги почитуваме мерките заради фактот дека тоа го правиме заради нас, нашите најблиски, нашите фамилии. Непочитување на мерките ќе не одведе до огромен број на заболени, ќе не одведе до преполнување на болничките капацитети. Ние може да правиме ротации, и колегите да ги правиме од една установа во друга, меѓутоа бројот на тие луѓе е ограничен. Ние не можеме да измислуваме нови епидемиолози, нови инфектолози. Треба 4,5,6 години да се направи тоа. Дајте да се здружиме сите заедно, како мерка која може сите заеднички да ја спроведеме. Ние може да предложиме уште сет на 10 мерки, меѓутоа за некои од нив не размислуваме во моментов на денешен ден. Затоа што, чекаме да видиме овие два, три дена како ќе се развива актуелната состојба и да видиме на министерот да му предложиме, од понеделник натаму ако состојбата не се подобри и ако овие мерки кои ги предлагаме не успееме да допрат до населението, секако стојат сите мерки на расположение. Меѓутоа, во моментов на прашањето дали размислуваме за полициски час, вонредни состојби, нешто друго, одговорот би бил не“, истакна д-р Караџовски.

Continue Reading

Истражување

После Исус и Гоце Делчев, бугарите ги земаа и Актерите Владо Јовановски и Николина

Published

on

Како во бугарската јавност се манипулира систематски со македонската историја и како за Бугарите се е бугарско, покажува и оваа фотографија која ја објави порталот off.net.mk

Имено Фејсбук страница насловена „Бугарски национализам“ не само што ја бара за себе македонската историја, туку се оди дотаму што во обид да бугаризираат се што е од македонската историја, па не забележале дека ги „крадат“ улогите на македонките актери Николина Кујача и Владо Јовановски.

Фотографијата која е објавена на Фејсбук страницата е дел од филмот на македонскиот автор Милчо Манчевски “Прашина”.


Continue Reading

Истражување

Познатиот вирусолог, д-р Ана Глигиќ, тврди: Коронавирусот ќе исчезне кога ќе се зарази повеќе од 50 отсто од населението!

Published

on

одека секојдневно се регистрираат голем број нови случаи во регионот, епидемиолозите во Србија предупредуваат на можно нагло влошување на епидемиолошката состојба и повикуваат на почитување на мерките – носење маска и држење дистанца. Искусниот вирусолог Ана Глигиќ за Нова.рс проценува дека треба да се почитува мерката, но дека „од оваа лоша состојба“ има само два правилни излеза – вакцина или инфекција на населението.

Д-р Глигиќ, која беше раководител на Националната референтна лабораторија за сипаници во времето на епидемијата на вариола во Србија, изјави дека појавата на третиот бран на коронавирус воопшто не е изненадувачки, со оглед на она што го научивме досега. за неговото пренесување.

„Се пренесува преку воздух и контакт и аеросоли. Пред некој ден прочитав дека тоа може да се направи преку пари. Останува само некој да направи истражување за да може да се пренесува преку храна, а потоа ќе бидат претставени сите познати начини на пренесување“, вели Глигиќ.

Таа додава дека по логика не е исклучено ниту пренесувањето преку храна, но дека тоа не може да се тврди само врз основа на логиката.

„Одам во супермаркет, имам вирус и потоа кашлам и разговарам со некого, капките паѓаат на јаболкото, потоа некој што ќе купи јаболко, не го мие убаво и го внесува вирусот. Може да падне и врз месото, а потоа не се обработува доволно термички или се допира со рацете при подготовката“, објаснува Глигиќ како тоа може да изгледа хипотетички.

Тврди дека поради таквата лесна преносливост, мерките во форма на носење маски и одржување на физичката дистанца не можат да ја потиснат епидемијата.

Исто така смета дека воведувањето построги мерки не би било корисно.

„Мислам дека училиштата и универзитетите не треба да се затвораат, ќе добиеме полоши последици од тоа за културата отколку што ќе направи короната“, вели вирусологот.

Сугерира дека дефинитивно треба да носиме маски, затоа што тоа „не е тешко“.

„Иако вирусот може да помине низ маски, не можат капките, што е многу важно“, посочува таа и им сугерира на оние кои велат дека купувањето маски е преголема ставка во буџетот: „Да речеме, јас ставам во маската хартиена марама и потоа ја менувам, а ја користам истата маска. Особено сега, можеби имате течење на носот“.

Нема лек за короната

Вирусологот објаснува дека смртноста од коронавирус не е преголема, но дека не значи дека нема страв за пациентите, затоа што нема лек за коронавирус.

Таа забележува дека не е во ред да се рекламира ремдесивир, или кој било друг лек, како нешто што ги лекува заразените.

„Не е докажано дека лекот што го користи Трамп лечи пациенти со корона. Докажано е дека е корисно, но не е познато зошто – може да го зајакне клеточниот систем, да предизвика ензимски реакции“, објаснува таа и додава: „Нема лек за вирусот. Има само вакцина. Таа не е гаранција дека нема да се разболите, но може да имате поблага болест, нема да има смртност“.

Решение – имунитет или инфекција на населението

Глигиќ тврди дека „постојат само два вистински начина за излез од оваа лоша состојба – вакцина или инфекција на населението“.

Потсетува дека епидемиологот Предраг Кон неодамна изјавил дека од 15 до 20 проценти од граѓаните во Србија ја прележале короната.

„Треба да притиснеме до 60 за да се стави крај на епидемијата во Србија, а државата не и оди во прилог тоа затоа што на многу голем број пациенти им е потребна болница“, вели таа.

Затоа, вакцинацијата на населението ќе биде далеку подобар начин за колективен имунитет.

Јас се вакцинирав многу пати „па еве ме сега на 87 години“

Смета дека она што го прават Русите во однос на развојот на вакцината против Ковид-19 е добар пристап, но дека Србија ќе мора да ги чека долго време.

„Вакцинацијата на населението започна во Русија, но нема доволно од таа вакцина и бројот на пациенти расте. Нема да се вакцинираме барем до средината на следната година“, проценува вирусологот.

Посочува дека не ја промовира руската вакцина, ниту задолжителната вакцинација.

„Јас сум против задолжителна вакцинација, таа мора да биде доброволна, секој има право да одлучи“, вели таа, одговарајќи на обвинувањата против неа, за кои вели дека доаѓаат од анти-ваксерите.

Таа нагласува дека била вакцинирана против сипаници дури четири пати во една година, со забелешката „па еве ме сега на 87-годишна возраст“.

„Знаете што ме лути? Ќе земеме неколку лекови и нема да се запрашаме какви се последиците. А, кога станува збор за вакцината, штом кажете нешто, тие веднаш ве обвинуваат дека сте земале пари. Немам лична корист од ова што го зборувам, само жалам што не го кажувам она што го знам, не го споделувам искуството“, вели Глигиќ и додава:

„Не ја промовирам руската вакцина, ќе бидам вакцинирана со вакцината одобрена од државата“

Continue Reading

Истражување

Корона мерки-Bелика Британија 3абрани cекc за секој што не живее заедно

Published

on

Во Англија, новиот закон е во сила од 1 јуни поради пандемијата на коронавирусот Забранува собирање на две или повеќе лица од различни домаќинства во затворени простории. Локалните медиуми наскоро почнаа да го нарекуваат законот „забрана за секс“ затоа што, според законот, две лица кои живеат во различни домаќинства не можат технички да имаат секс во затворено.

Се разбира, сексот на јавни места е забранет подолго време, па дури и таа опција отпаѓа. Самиот секс не е експлицитно споменат во новиот закон, но Машабл го истражуваше малку подобро: излегува дека две лица, без разлика колку долго биле во врска, ако не живеат заедно навистина би го прекршиле законот доколку се најдат за водење љубов.



Технички, пишува порталот, законот ќе го прекршат сите што не живеат со своите партнери и ќе се состанат за сексуални односи. Тие исто така додаваат дека според новиот закон е забрането да се спие со некого, освен ако не е потребно за работа, погреб или да се избегне некоја опасност.

На кратко, нелегално е да ги посетувате пријателите, семејството или партнерите во нивниот дом или да поминувате време во затворено со некој со кој не живеете.

КОЈА Е РАЗЛИКАТА МЕЃУ МЕРКИТЕ И ЗАКОНИТЕ?
Со оглед на фактот дека во Англија карантинот трае веќе 10 недели, за многумина веќе стана логично дека не е дозволен сексуален однос со некој од друго домаќинство. Па, што точно е разликата помеѓу мерките и новиот закон?

Досега, луѓето едноставно би ја прекршиле мерката и со оглед на тоа што сексот со личност од друго домаќинство сега е забранет со закон, кога се спроведуваше навистина слепо, сите учесници може да бидат гонети. Досега, луѓето мораа да излезат со некоја оправдана причина да ја напуштат куќата, а сега им е јасно пропишано што не смеат да прават. Сепак, добрата вест е дека полицијата не смее да влегува во спалните соби на луѓето и да ги апси. Ако, сепак, некако ги фатат луѓето како го кршат новиот закон, можат веднаш да ги казнат со 100 фунти, односно 850 фунти или да ги уапсат.

Continue Reading
Advertisement
Advertisement

Трендинг

Copyright © 2020 Булевар.мк

error: