Connect with us

Инфо +

Следуваат законски измени : Платежни картички од 6.000 денари за три категории граѓани

Published

on

Потребни се Законски измени и ребалансот на Буџетот  за да се изготват списоците на физички лица кои ќе треба да  добијат платежна картичка.

Платежни картички од четвртиот сет на економски мерки ќе бидат во изност  од 6.000 денари и ќе бидат наменети за  пензионери, самохрани мајки и баратели на работа.

Од владејачката партија велат дека измените и дополнувањата на Буџетот за 2020 година треба да бидат усвоени во Собранието за да можат 283.000 граѓани да добијат домашни платежни картички.

„Домашни платежни картички ќе добијат 5.726 самохрани родители, како поддршка во справувањето со последиците од економската криза. Тоа ќе значи зајакнување на семејните буџети на над 5.700 семејства и поттикнување на приватната потрошувачка. Платежни картички ќе добијат и пензионерите со пензии пониски од 15.000 денари, пасивните баратели на работа, самостојни уметници, филмски работници, културни работници и естрадни уметници, како и 540 студенти, но и граѓаните кои се над 64 години, а немаат пензија, ниту државна социјална пензија и се со приходи пониски од 15.000 денари, или воопшто немаат приходи.“

Continue Reading

Инфо +

„Ние не можеме да да молчиме додека Вие ја прeдaвате и продавате Македонија“: Отворено писмо на припадниците на АРМ до власта

Published

on

Припадниците на Армијата на Република Македонија испратија писмо до претседателот на државата, Стево Пендаровски, премиерот Зоран Заев и министерот за одбрана, Радмила Шекеринска.

Писмото, припадниците на АРМ го започнаа со заклетвата која сите припадници на армијата, од 1991 година, до денес ја даваат кога ќе ја облечат униформата.

„Се колнам дека ќе ги бранам слободата, сувереноста, самостојноста и територијалниот интегритет на Република Македонија. Дисциплинирано, совесно и одговорно ќе ги извршувам обврските и должностите како бранител на мојата татковина Република Македонија и ќе се борам за нејзината слобода и чест!“

Со заклетвата, припадниците на АРМ се колнат на Македонија, а не на претседателот, премиерот, министерот за одбрана…Без разлика дали власта е од СДСМ, ВМРО, ДУИ, ЛДП, ДПА..


„Без разлика на сите можни поделби по кои можеме да се делиме и да бидеме различни меѓу себе, Ние се колнеме на Македонија“

Претседателот, премиерот, министрите, исто така даваат свечена заклетва и излава кога ќе стапат на функција и се колнат дека должностите ќе ги извршуваат совесно и одговорно, ќе ги почитуваат Уставот и законите, ќе го штитат територијалниот интегритет, суверенитет и независноста на Република Македонија.

Изјавуваат дека ќе работат во интерес на граѓаните и за доброто на земјата. Дека ќе ја оправдаат довербата која им ја дал народот.

„Значи, да заклучиме до овде: и Ние и Вие, сите се колнеме дека ќе ги правиме истите работи за Македонија, секој од својата функција, должност, позиција, во склад со своите надлежности, своите можности ….“, велат припадниците на АРМ во своето писмо до власта.

„Меѓутоа, во последно време Вие направивте чекори и постапки кои раѓаат сомнеж кај многумина од Нас. Ни го сменивте името на државата, ни ја зедовте Македонија од униформата и ни забранивте да ја носиме, не разоружувате од оружјето и орудијата кои имаат респективна огнена моќ, ни ги „трансформирате“ специјалните и тенковските единици, ни наметнувате да градиме капацитети само како лесна пешадија, ни ги приземјувате воздухопловите,….“ обвинуваат тие.

Но најважно е дека ни ја менувате историјата (а не сакате да ги слушате историчарите), ни ги распродавате хероите кај соседите, се обидувате да го продадете јазикот, идентитетот,….. Што ќе биде следно? Религијата, територијата,….? Има ли крај?

Сето ова не тера да се посомневаме дека Вие како да не ги почитувате заклетвите и изјавите кои свечено ги дадовте и потпишавте. Мислиме дека не ги извршувате Вашите обврски и должности за да ги заштитите интересите на Македонија и дека искрено работите во интерес на граѓаните и татковината. Црвот на сомнежот сé повеќе ги разјадува нашите убедувања дека Вашите намери за живот во мир и благосостојба на народот во Македонија се чесни и искрени. Вие не сте искрени и не ја говорите вистината.

Припадниците на АРМ нагласуваат дека нема да го прифатат понижувањето дека бугарската фашистичка окупација била администрација, а и барањето на министерката Шекеринска да ја заборавиме историјата.

„Тоа така не може! Ние во АРМ за наш ден го имаме 18 Август, свет ден кога во Втората Светска Војна 1943 година е формиран македонскиот антифашистички баталјон “Мирче Ацев”. Министерке, тоа не може да ни го негирате, не можете да ни ги негирате традициите од војната во која Македонците се бореле против бугарскиот фашистички окупатор“, посочуваат припадниците на АРМ.

Тие бараат власта уште еднаш размисли пред да ги донесете крајните одлуки и да преземе чекори кои може се штетни за македонските национални интереси. Да размисли дали вреди да тргнеме по патот од кој нема враќање?


„Вие сте политичари, ние сме војници! Вие доаѓате и си одите, ние остануваме! Со нас останува и НАРОДОТ! Немојте да нé тестирате до каде ни е прагот на толеранција!“, порачуваат тие.

Едноставно е, разберете нé! Ние не можеме да да молчиме додека Вие ја предавате и продавате Македонија! Стоп за распродажбата ВЕДНАШ!

П.С. Не нé барајте преку службите, доволно нé има, од сите чинови, должности и од сите единици.

Continue Reading

Инфо +

Вторник неработен ден за сите граѓани

Published

on

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 8 декември 2020 година (вторник), ‘’Св. Климент Охридски”, е неработен ден за сите граѓани на Република Македонија.

Mинистерството за труд и социјална политика на сите граѓани им го честита празникот “Св.Климент Охридски”.

Continue Reading

Инфо +

“Игорче бегај од тука додека си млад”

Published

on

Дами и господа нашиот Игор Џамбазов :

Continue Reading
Advertisement
Advertisement

Трендинг

Copyright © 2020 Булевар.мк

error: