Светата маченичка Кикилија (Цицилија)

Родена е во Рим од богати и угледни родители. Имаше голема вера во Христа и голема ревност за верата. Заветувана на Бога на вечна девственост, под раскошните фустани што ? ги подаруваа родителите Кикилија носеше остра власеница. А кога ја присилија на брак, и тоа со некаков незнабожец, Валеријан, таа уште првата ноќ го посоветува младоженецот да отиде кај епископот Урбан и да се крсти, па потоа и самиот да живее во девственост. Откако ја прими Христовата вера Валеријан го обрати и својот брат Тивуртиј. Наскоро потоа обајцата браќа заради верата во Христа беа осудени на смрт. Кога ги водеа на губилиште тие успеаја да го обратат и водачот на стражата, Максим. Сите тројца заедно пострадаа за Господ Исус Христос. Св. Кикилија ги погреба нивните тела заедно. Тогаш беше изведена на суд и Кикилија, зашто непрестајно ги придобиваше незнабожците за Христовата вера. Само во една вечер придоби околу четиристотини души. Кога ја праша судијата од каде ? е толкавата смелост, таа одговори: „Од чиста совест и несомнена вера“. После тешки маки беше осудена на убиство со меч. Џелатот ја удираше по вратот трипати, но не можеше да ја убие; само ја рануваше и од вратот истекуваше крв којашто верните заради исцелување ја собираа во марами, сунѓери и садови. Три дена потоа Христовата маченичка Му го предаде својот дух на Бога, Којшто ја прими во Своето вечно блаженство. Света Кикилија со останатите пострада околу 230 година. Нејзините мошти почиваат во црквата со нејзиното име во Рим. Во западната црква Света Кикилија се смета за заштитничка на црковното пеење и музика.

Свети Калист, патријарх Цариградски

Наречен Ксантопулос според келијата Ксантопула на Атонската Гора, каде што тој се подвизуваше долго време со својот соподвижник Игнатиј. Заедно со Игнатиј во сто глави го опишаа сопствениот опит во безмолвниот живот. Ова дело зазема мошне видно место во подвижничката книжевност. Калист беше под големо влијание на својот учител Св. Григориј Синајски, чиешто житие го напиша тој. Како патријарх Цариградски Св. Калист еднаш појде во Србија и на тоа патување се разболе и умре (како што по патот, на Света Гора, му прорече Св. Максим Капсокаливит).

Светиот маченик Менигнос

Родум од Хелеспонт. Се бавеше со белење платно и по ова беше наречен Белач. Во времето на царот Декиј ја искина царската наредба за гонење на христијаните. За ова беше фрлен во затвор, каде што му се јави Самиот Господ и го охрабри говорејќи: „Не плаши се, Јас Сум со тебе“. Во тој миг неговите окови се растопија како восок, затворот се отвори сам од себе и тој излезе. Повторно го фатија и го судеа. Беше мачен нечовечно: му ги отсекоа прстите на рацете и на нозете, а потоа го обезглавија. Неговата глава ноќе светеше како свеќа.

Светиот Праведен Михаил војник

По раѓање Бугарин. Со својата дружина се бореше во грчката војска против Агарјаните и Етиопјаните. Покажуваше чудесна неустрашливост. Уби една страшна змија и ја ослободи една девојка. Наскоро потоа овој праведен маж се пресели во вечниот живот. Живееше и умре во 9 век. Закопан е негде во Тракија, а во 1206 година царот Карло-Јован ги пренесе неговите мошти во Трново.

Далеку од училишните клупи сите деца немаат еднаква можност за следење онлајн настава. Погледнете го документарниот филм „Образование надвор од мрежата“ за тоа како едно семејство од кумановско успева да преживее во време на коронавурус

Се залагам за брза интеграција на Македонија во ЕУ. Сметам дека најважно од сѐ е да се направат сите реформи во Скопје. Јас ја критикувам Бугарија, бидејќи се обидува да ве блокира, и сметам дека тие всушност сакаат нешто друго од ЕУ, па поради тоа ја држат Македонија во заложништво.

Бугарија сака да биде во шенген-зоната, да биде дел од ОЕСР, сака да биде во еврозоната. Бугарија со години настојува да ги реализира своите амбиции, па со таа цел го користи вашиот спор како еден вид оружје.
Бугарите се очајни. Вие можете да бидете критичар на премиерот Борисов, тој е контроверзна фигура, но како премиер на Бугарија, тој сепак се обидува да го направи најдоброто за Бугарите. Со години се обидува да стане дел од шенген-зоната, но ЕУ шест години по ред го одбива, а тој пак упорно се обидува да поврзе сѐ со членството на зоната. Но тоа не му успева.

Сега се обидува да ги злоупотреби пристапните преговори на Македонија во ЕУ, за да ја постигне целта додека е премиер на државата. Но јас лично мислам дека треба да се вратиме на најважното, а тоа е членувањето во НАТО за трите земји: Албанија, Македонија и Црна Гора. Тоа е најважно од сѐ. Вашето членство во НАТО покажува дека навистина сте пријатели на Западот и дека сте ги реформирале вашите безбедносни и воени структури. Тоа се земјите-членки на НАТО, кои се сериозни кандидати за членство во ЕУ. Втората најважна работа е валутата. Црна Гора веќе го користи еврото, а тоа е голема предност. Македонија веќе 20 години работи со евра. И тоа е голема предност.
Ситуацијата во Албанија е проблематична. Јас исто така сакам Албанија да започне преговори заедно со Македонија и со Црна Гора. Сакам овие три земји да станат членки на ЕУ во наредните три-четири години. Тоа е најдоброто сценарио. Затоа ви е потребна заедничка платформа со Албанија и со Црна Гора. Исто така треба и да ја надминете бугарската блокада. Треба да соработувате со Германците, Австријците и со Хрватите, за да ви помогнат да го решите со бугарството членството во шенген-зоната. А Германија дефинитивно ќе стори нешто. Тие се обидуваат. Но мислам дека најважните одлуки треба да бидат донесени во Македонија. Вие можете да направите неколку работи. Дозволете ми да сугерирам. Можете да ги промените вашите државни празници што се многу провокативни за Бугарија. Особено 23 октомври, денот на ВМРО. Тоа е многу проблематичен празник, кој неодамна почна да се празнува.

Другиот проблематичен празник е 11 Октомври, кој го славите како ден кога сте ги поразиле Бугарите. Тоа не е многу мудар наратив за една потенцијална современа членка на ЕУ. Би ви предложил тоа да не бидат државни празници, туку да бидат празници на вашите партии, на СДСМ и ВМРО. Нека не се празнуваат како државни празници. Ако ѝ дадете аргументи на Германија и ако покажете малку посмирен став во однос на проблемите со идентитетот, тогаш на г. Хајко Мас и г. Рот ќе им биде полесно да се договорат со Бугарија. Тие секој ден работат на тоа. Знаете дека Меркел неодамна ги покани сите Бугари и Македонци за да пронајдат решение за проблемот. Но вие во Македонија треба малку да го смирите тонот во однос на вашиот идентитет за да им ја олесните работата на Германците што бараат решение за овој проблем.

Проблемот е во тоа што сте мала земја, која сака да се приклучи на голем клуб на земји. Вистина е дека малку е нефер. Вие не сте во позиција да го наметнувате своето мислење во ЕУ, но Бугарија е член на Унијата и таа се смета за сериозна земја-членка од страна на другите партнери. Вие немате големи сојузници. Германија навистина сакаше Хрватска да стане земја-членка на ЕУ во 2013 година. Германците, условно кажано, ја внесоа Хрватска во ЕУ, но вие ја немате поддршката на Грција, Италија, Франција, Германија, Романија. Не постои земја-членка што има голема желба да ве внесе во ЕУ. Вие сте во многу потешка ситуација. Јас сфаќам дека е тешко да не го празнувате 11 Октомври.

Но како поинаку ќе го убедите ВМРО да не го слави 23 Октомври? Поради тие чувствителни партиски политики, ќе биде речиси невозможно да не го празнувате 23 Октомври без да се откажете од 11 Октомври. Јасно ми е дека сакате да го празнувате 11 Октомври, но можеби не како државен празник и неработен ден, кој за вас преставува извор на вашиот идентитет. Не гледам друг начин да го решите проблемот, освен да се откажете од празникот. На пример, не можете да се откажете од Гоце Делчев. Не можете да ги промените основите на вашата историја, бидејќи вие во основа имате заедничка историја со Бугарија. Револуцијата на ВМРО и бунтот против Турците се работи од кои не можете да се откажете лесно. Исто така, не можете да правите компромис во врска со јазикот.

Мислам дека не е можно јазикот да не си го нарекувате македонски. Она што можете да го направите, на пример, да го славите Денот на Охрид, 13 Август, или Денот на Преспа, 13 Јуни, на пример тие можете да ги прогласите за државни празници. Тие ќе бидат нови празници поврзани со мирот со Грците и мирот со Бугарите. Втората светска војна одамна е завршена. На пример ние во Европа го славиме 9 Мај како денот кога завршила Втората светска војна. На тој план би можеле да го следите европскиот наратив. Што се крие зад ова? Мислам дека секоја земја што сака да стане членка на ЕУ треба да го изглади своето минато со земјите-членки на ЕУ.

Австрискиот случај беше многу комплициран. Австрија во 1995 година влезе во ЕУ како неутрална земја. Хелмут Кол беше оној што нѐ втурна во ЕУ, бидејќи Французите беа против приклучување на неутрална земја во ЕУ. При секој пристапен процес треба да се анализираат односите со соседите. Од почетокот се знаеше дека бугарско-македонскиот однос е комплициран и треба да се изглади. А Бугарија сега се наоѓа во фрагилна политичка состојба.

Господинот Борисов смета дека мала доза на патриотизам ќе ги подобри неговите позиции во државата. Таму со месеци се протестира, економијата не им е сјајна, а кризата со коронавирусот ја влоши целата ситуација. Борисов се служи со доза национализам за да ги зачува својата позиција и моќ. Никој всушност не го цени тоа и никој нема да го поддржи. Треба да размислите кои отстапки можете да ги направите, а кои се работите за кои никогаш не би можеле да преговарате.

На пример вашиот јазик. Треба да се подготвите за тие преговори. Ние во ЕУ сме многу рационални и сакаме да ви помогнеме. Дефинитивно ќе бидете дел од ЕУ, не грижете се. Но треба да ни олесните за да ви помогнеме и да ве внесеме.

Гунтер Фелингер е австриски експерт и советник од невладиниот сектор за побрза интеграција на земјите од Балкан во ЕУ и во НАТО,а неговите тези се изнесени во интервју за Алфа ТВ