Connect with us

Инфо +

Триста илјади граѓани ќе добијат помош од државата – Објавени се условите

Published

on

Станува збор за помош, која е дел од четвртиот пакет мерки, во висина од околу 26 милиони евра кои ќе им бидат распределни на околу 300 000 граѓани на нивните трансакциски сметки, а кои ќе бидат наменети за купување домашни производи.

Финансиската поддршка се однесува на пасивните баратели на работа, корисниците на пензија во висина до 15.000 денари, самохрани родители, уметници ангажирани од правно лице регистрирано за дејност од областа на културата, филмски работници кои последните пет години работеле на минимум три филма поддржани од Агенцијата за филм и естрадни уметници членови на Здружението на естрадни уметници на Македонија.

Сите овие категории треба да се евидентирани во надлежните институции заклучно 27 септември 2020, со нето-доход од јануари до август 2020 не повисок од 120.000 денари.

Исто така, се однесува на корисници на социјална сигурност за стари лица за граѓани со над 65 години евидентирани во центрите за социјална работа, млади лица од 16 години до 29 години активни учесници во формалното средно образование и високото образование (кои не добиле домашна платежна картичка и дeца без родители и родителска грижа.

Како што се наведува граѓаните не аплицираат за мерката, туку листи со корисниците прават Управата за јавни приходи, Министерството за труд и социјала и Министерството за образование и наука во координација со другите надлежни институции.

Генералниот секретаријат на Владата ги собира листите со граѓани и ги распределува корисниците по банките. Крајните листи на корисници се објавуваат на www.kupuvamdomasno.gov.mk.

Средствата ќе се исплатат на трансациската сметка на корисникот,а за оние кои не поседуваат ќе им биде отворена.

Ако граѓаните ги исполнуваат условите, а ги нема на листа во рок од три дена од објавување, може да поднесат приговор на kupuvamdomasno.gov.mk со наведување: ЕМБГ, име и презиме, адреса на живеење, општина и е-маил.

Генералниот секретаријат ќе упати јавен повик компаниите кои продаваат македонски производи и услуги да се пријават.

Компаниите каде ќе можат да се купуваат македонски производи и услуги ќе бидат задолжени на рафтовите или веб-страната да ги истакнат истите.

Ако некој не ги потроши шесте илјади денари помош, парите ќе бидат вратени во Буџетот

Вицепремиерот Фатмир Битиќи е уверен дека граѓаните наменски ќе ги потрошат парите предвидени со една од мерките од четвртиот пакет и дека со купување домашни производи ќе ја помогнат македонската економија. Запрашан денеска дали некој кој нема да купува само македонски производи може да очекува да му бидат минусирани тие средства, Битиќи рече дека банките имааат механизам за контрола на средствата кои што ги имаат префрлено и дали тие се потрошени или не во законскиот рок од 30 дена.

Законот за финансиска поддршка предвидува на одредени категории граѓани да им се префрлат на нивните трансакциски сметки по 6.000 денари, но исто така предвидува банките да имаат обврска да ги вратат на буџетска сметка неискористените средства. Што доколку некој кој ги потрошил парите на македонски, но и на странски производи, односно дали луѓето кои нема совесно да ги потрошат парите ќе имаат обврска да ги вратат назад, беше запрашан Битиќи на прес конференцијата посветена на Предлог-буџетот за 2021 година?

„Законот во овој момент е во собраниска процедура и не може да кажеме кое ќе биде конечното законско решение, бидејќи може да има амандмани и одредени промени. Но, тоа што беше зацртано е дека креираме систем во кој што на граѓаните ќе им обезбедиме можност да си ги повлечат средствата затоа што ако го применевме истиот модел како со платежните картички, сметаме дека ќе го доведевме во ризик здравјето на секој еден граѓанин, повеќе од овој пристап за кој сега се одлучивме“, рече Битиќи, додаавајќи дека целта е да се помогне средствата да стигнат до граѓаните, а соодветно граѓаните ќе имаат можност во рок од 30 дена да ги искористат.

„Да не заборавиме, зборуваме за скромни 6.000 денари кои што на граѓаните во овој момент им се и тоа како битни“, рече Битиќи.

Тој додаде дека граѓаните во нашата земја се свесни дека при трошењето на секој еден денар кај домашните компании, тој вреди многу повеќе отколку купување на странски производи.

„Банките имааат механизам за контрола на средствата кои што ги имаат префрлено во тие 30 дена, дали се или не се потрошени. Тие имаат модел на проверка колку се потрошени средствата во компаниите и да направат одредена противтежа дали и како би требало да постапат ако останат средства кои не се потрошени“, рече Битиќи.

Тој рече дека слично како и кај платежните картички и сега веројатно ќе има примери на граѓани на кои нивните трансакциски сметки воопшто не се активни или не ги користат (не се тука, или од било која друга причина).

Continue Reading

Инфо +

Гори Израел: Запалени синагоги, Нетанјаху прогласи вонредна состојба (ВИДЕО)

Published

on

Евреите ги изнесуваат свитоците од Тората од запалена синагога , а во непосредна близина горат автомобили , откако избија насилства во Израел поради израелските воздушни напади во Газа и конфликтот во Ерусалим.

Премиерот Бенјамин Нетанјаху прогласи вонредна состојба во Лод, близу Тел Авив, по извештаите дека припадници на арапското малцинство палеле синагоги и дека Евреите фрлале камења кон автомобилите управувани од арапски жители.

https://youtu.be/1wlqzw6GBkc

„Ја изгубивме контролата над градот и улиците“, рече градоначалникот на Лод, Јаир Ревиво за News 12 по неколку ноќи насилни судири, во кои еден Арап е убиен, а многумина се повредени.

https://youtu.be/ynm_EzgD_Ag

Полицијата уапсила десетици луѓе преку ноќ во Лод и во претежно арапските градови во централниот и северниот дел на Израел, вклучувајќи го и Ум ал Фам по должината на границата со Западниот брег и Јиср ал Зарк на медитеранскиот брег.

Во крајбрежниот град Акре бил запален Ури Бури, рибен ресторан сопственост на Евреин, а некои арапски жители изјавиле дека се плашат да го напуштат домот.

https://youtu.be/Z9HXOSMIVdU

Continue Reading

Инфо +

ОД ЧЕГРАНЕ перел пари и БИТКОИНИ за европска мафија!

Published

on

Секторот за компјутерски криминал и дигитална форензика при Бирото за јавна безбедност, во соработка со Европол и Еуроџаст учествуваше во меѓународна истрага, предводена од полициските служби во Германија, а со координирани активности помеѓу полициски служби од Германија, Бугарија, Израел, Латвија, Полска, Шпанија и Шведска.

Во рамки на истрагата лишени од слобода се 11 лица (пет во Бугарија и едно во Израел на денот на акцијата и шест лица претходно во Шпанија), извршени се претреси во Бугарија, Израел, Полска, Северна Македонија и Шведска и запленети се бројни електронски уреди и возила, а банкарските сметки се замрзнати.

– Криминалните активности се вршеле во повеќе држави во Европа, а се повразни со вршење на измами во вкупна вредност од 30 милиони евра со злоупотреба на онлајн-трејдинг платформи, криптовалути и перење пари, привлекувајќи ги жртвите преку реклами на социјалните медиуми.

Шемата за измама, била организирана главно од израелски државјани, вклучувала центри за повици од Бугарија и Македонија, а осомничените ги переле нелегалните профити преку банкарски сметки контролирани од компании со седиште во различни земји на ЕУ, соопшти МВР.

Во текот на истрагата МВР преземени мерки и активности со цел идентификација на лица од Република Македонија, кои се дел од криминалните активности и обезбедување на докази.

– Во координација со Основно Јавно обвинителство за гонење на организиран криминал и корупција вчера во 06 часот изврши претрес, по добиена судска наредба, во дом и деловни простории на А.А.(34) од село Чегране, гостиварско, при што биле одземени предмети кои се поврзани со вршењето на криминалните активности, а лицето е обезбедено, се вели во соопштението.

Од страна на Секторот за компјутерски криминал и дигитална форензика – Одделение за истраги за компјутерски криминал, со судски наредби, додаваат од МВР, извршени се претреси на деловни простории на правни лица во Скопје, при што било констатирано дека адресите кои се пријавени во Централен регистар на Република Македонија се лажни и не постојат.

Continue Reading

Инфо +

Детали за убиството во Бутел: Пукано кон голф, едно лице убиено, друго пренесено во „Мајка Тереза“

Published

on

По пукање од автомобил доцна вечерва во скопски Бутел 2, убиено е едно лице, а едно е тешко повредено, при што итно е префрлено во комплекс клиниките „Мајка Тереза“.

Од МВР за ТВ21 информираат дека денеска во 22.00 часот е пријавено дека на паркинг кај раскрсницата од булеварите „Босна и Херцеговина“ и „Христијан Тодоровски-Карпош” од едно патничко возило биле испукани проектили кон патничко возило марка „голф“.

„Во СВР Скопје околу 22.00 часот е пријавено дека на паркинг кај раскрсницата од булеварите „Босна и Херцеговина“ и „Христијан Тодоровски-Карпош” од едно патничко возило биле испукани проектили кон патничко возило „голф“, во кое имало две лица, по што биле пренесени во Комплекс клиники “Мајка Тереза” за укажување на лекарска помош. Едното лице им подлегнало на повредите. Увидна екипа е на терен и се работи на расчистување на случајот“, велат од МВР за ТВ21.

Претходно, за ТВ21 од МВР го потврдија настанот.

„Имаме пријава за слушнати истрели. На терен се екипи“, велат од МВР за ТВ21.

Неофицијално има едно починато лице со иницијали К.И., а на терен се три амбулантни возила.

Continue Reading
Advertisement
Advertisement

Трендинг

Copyright © 2020 Булевар.мк

error: