Connect with us

Инфо +

Џамбаски до Македонците: СО МАЛКУ ЌОТЕК, ЌЕ СТАНЕТЕ ДОБРИ БУГАРИ!

Published

on

Бугарскиот европратеник Ангел Џамбаски од ВМРО на вицепремиерот и министер за одбрана Красимир Каракачанов се надмина себеси во видеоконференцијата на неговиот Фејсбук-профил на тема „Геополитика и транспортни коридори на Балканот“.

„Се обраќам кон сите наши неосознаени браќа во Македонија и кон тие што се со измиени мозоци, просрпски настроените и кон тие што мислат дека се потомци на Александар Македонски. Не сте. Александар Македонски е Грк.

Сите вие имате бугарско потекло. Но, не берете гајле. Бидете спокојни, сè ќе биде в ред. Ние не сме непријатели. Знаеме дека дел од вас се плашат, знаеме дека дел од вас се српски слуги, но сè ќе си дојде со време. Македонија ќе биде дел од Бугарија, ќе биде дел од Европската унија.

Македонија е бугарска, вие го знаете тоа. Вие го знаете јазикот на кој зборувам и знаете дека тоа е истиот јазик. Ниту грчкиот е истиот, ниту српскиот, тоа добро го знаете, а добро знаете и дека албанскиот исто така не е истиот.

Добро знаете дека Албанците ви дишат во вратот. Така што, браќа, успокојте се, размислете внимателно. Вие сте добри Бугари, но сè уште не сте осознаени. Треба да помине малку време. Немајте гајле. Со кроце, со малце, со слатко и со малце ќотек. Малце. Но, сè ќе си дојде на место. Не плашете се, не се напрегајте, добро знаете дека сте Бугари по потекло“, вели Џамбаски во последните четири минути од видеото:

Continue Reading

Инфо +

Швајцарците ја изгласаа забраната за носење на никаб и бурка

Published

on

Граѓаните на Швајцарија на денешниот референдум го поддржаа предлогот на екстреманата десница во земјата за забрана за носење никаб и бурка, што ги носат одредени муслиманки во земјата.

Забраната ќе се однесува на покривање на лицето на јавни места, како што се рестораните, спортските објекти, јавниот превоз или при одење.

Исклучок може да биде носењето никаб и бурка во верските објекти или од безбедносни и здравствени причини, како што се носење маски за заштита од коронавирусот, јавија британските медиуми.

Швајцарската Влада се спротивстави на мерката затоа што сметаше дека покривањето на лицето е „маргинално“ социјално прашање и предупреди дека туризмот ќе биде загрозен бидејќи повеќето жени кои туристички доаѓаат во Швајцарија доаѓаат од богатите арапски земји, во кои жените го покриваат лицето.

Предлагачите на законот тврдат дека носењето шамија на лицето ја симболизира репресијата врз жените и дека се неопходни мерки за да се одржи принципот на покажување на лицето во слободно општество, какво што е Швајцарија.

Continue Reading

Инфо +

Полициски час од 22 до 5 предлoжи Комисијата за заразни болести

Published

on

По предлог на Комисијата за заразни болести, министерот за здравство Венко Филипче денеска на Главниот координативен кризен штаб на Владата предложил воведување на полициски час од 22 часот навечер до 5 часот наутро, на територијата на целата држава, информираат од Министерството за здравство (МЗ).

Тие најавуваат дека Комисијата дополнително ќе се произнесе кој ден да почне полицискиот час и до кога да трае.

„Министерот образложи дека овој предлогот на Комисијата е поради тоа што изминативе недели најмногу инфицирани има поради трансмисија на вирусот преку собири, но и непочитување на воведените мерките за носење заштитна опрема, држење дистанца и негрупирање. Анализите на Комисијата утврдиле дека поради непочитување на мерките, ќе има нови случаи на заразени но и зголемен број на хоспитализирани, од таа причина Комисијата смета дека една ваква ригорозна мерка ќе има ефект“, стои во соопштението на МЗ.

Владата на Република Северна Македонија на утрешната седница, како што велат од МЗ, ќе треба да се произнесе по предлогот на МЗ и Комисијата за заразни болести.

Инаку, во последните неколку денови е зголемен бројот на активни случаи со Ковид-19 и сега изнесува 9.239. Од почетокот на епидемијата, со Ковид-19 во земјава се дијагностицирани 107.163 лица, бројката на оздравени пациенти е 94.279, додека 3.195 лица починале.

Continue Reading

Инфо +

Ќе се формира нова специјална единица за родово насилство

Published

on

Министерот за внатрешни работи на Република Македонија, Оливер Спасовски вечерва се обрати на онлајн трибина организирана од Форумот на жени каде најави дека наскоро ќе се форимира посебна единица на Министерството за внатрешни работи која ќе се бори против родово базираното насислтво.

– МВР активно работи на барање нови форми за зеднички партнерски пристап со невладиниот сектор и граѓаните, особено девојчињата и жените кои најчесто се жртви на вакви подмолни облици на деградирање. За таа цел, Министерството ќе предложи формирање на посебна единица, посебен Таск форс за борба против родовото насилство, составен од преставници на повеќе државни органи, обвинителството, судот и полициски структури како и преставници на граѓанскиот сектор, што ќе преставува своевиден линк за брзо реагирање, санкционирање и превенирање на овие појави. Нашето искуство во министерството за внатрешни работи за формирањето и ефикасноста на делувањето на овие форми е исклучително позитивно и покажува дека вакви мешовите облици на стратешко и оперативно зедничко делување на повеќе надлежни институции секоја во својот делокруг, доведува до брзи реакции, брзи завршници. Исто така, оваа еднициа ќе креира стратегија и планови за заеднички активности, почнувајќи од обуки на полицијата и другите државни оргаани, како и други адекватни активности во медиуми, образованието и во сите други области кои мора да бидат активни чинители во синџирот на постапување.

Потпретседателот на СДСМ Спасовски, потенцираше дека Министерството за внатрешни работи е пример за еднакви шанси за унапредување на жените во хиреархијата, дека и полицијата е место каде жените можат да напредуваат и да извршуваат важни и одговорни позиции.

Continue Reading
Advertisement
Advertisement

Трендинг

Copyright © 2020 Булевар.мк

error: