Connect with us

Инфо +

По 6,000 денари помош ќе добијат уште 24 илјади граѓани

Published

on

Откако банките не сакаа да попуштат и децидно ставија до знаење дека ќе им ги дадат шесте илјади денари на граѓаните кои не успеаја навреме да си ги земат само доколку пролонгирањето се стави во законска рамка, Владата сега носи закон со кој рокот за исплата на овие средства се продолжува до крајот на март, објави Фактор.

Првично тоа го одлучи на владина седница, а сега скроила и дополнување на првичниот Закон за финансиска поддршка, со кој наместо 25 декември лани, сега финалниот рок е 31 март оваа година.

Пари треба да им се дадат уште на околу 24 илјади граѓани, од кои 22 илјади се оние кои не успеаја да ги ажурираат податоците, а околу 2.000 корисници се оние на кои им беа уважени приговорите. Нив од државната каса вкупно ќе им бидат исплатени нешто над 2,3 милиони евра.

Како што е познато, овој закон се однесува на давање на финансиска поддршка од по 6.000 денари на неколку видови на ранливи категории, и тоа граѓани со низок доход, корисници на пензија, корисници на право на социјална сигурност на стари лица, млади лица на возраст од 16 до 29 години, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници.

Притоа, досегашното законско решение предвидуваше примената финансиска поддршка од 6.000 денари корисниците да ја искористат исклучиво за купување на македонски производи и услуги, во периодот од денот на приемот на парите на трансакциска сметка до 25 декември минатата година.

Од Владата со свое правдање зошто не успеаја да ја доделат државната помош во рокот што самите во законот си го зададоа.

–Имајќи предвид дека со овој закон е предвидено финансиска поддршка да добијат повеќе категории на лица кои согласно првичните проценки изнесуваа околу 254.500 граѓани, а роковите за доставување на листите на корисници на финансиска поддршка од соодветните институции беше исклучително краток, доцнеше изготвувањето, објавувањето и доставувањето на Конечната листа на корисници на финансиска поддршка до банките. Дополнително, треба да се земе предвид и фактот дека станува збор за мерка која се имплементира на сосема нов начин, односно без аплицирање од страна на граѓаните, а со координација на голем број на државни институции и банки, објаснуваат од Владата која е предлагач на законот.

Потоа, додаваат, доцнењето на изготвувањето на Конечната листа на корисници предизвикало и нејзино задоцнето објавување на веб страницата www.kupuvamdomasno.gov.mk, како и нејзино задоцнето доставување до банките.

–Поради тоа, а имајќи предвид дека средствата можеа да се искористат најдоцна до 25.12.2020 година, околу 22.000 граѓани кои добија финансиска поддршка а кои не ги ажурираа своите податоци во банките, како и 2.132 граѓани на кои им се уважија приговорите, нема да можат да ја искористат оваа финансиска поддршка, доколку не се продолжи рокот за искористување на средствата, се вели во владиното образложение и се нагласува дека токму од тие причини, сега и со закон ќе биде предвидено тој рок да се продолжи до крајот на март оваа година.

Владата во самиот нов закон наведува дека за исплата на финансиската поддршка на граѓаните кои до 25 декември не ги добија парите, во Буџетот на земјава за оваа година се обезедени 144 милиони денари, или 2,34 милиони евра.

Инаку, откако на 25 декември лани не успеја да им исплати пари на сите категории, Владата побара толеранција од банките

–Владата очекува од банките да бидат толерантни во наредните денови кон граѓаните, се додека заврши исплатата, бидејќи станува збор за најранливите граѓани, кои што се најпогодени од кризата. Владата прави се за помошта од 27,5 милиони евра да стигне кон граѓаните, рече кон крајот на декември на пресконференција владиниот портпарол Душко Арсовски.

Но, на овој апел веднаш реагираа банкарите. Од нивната Македонска банкарска асоцијација рекоа дека за да продолжи исплатата, за тоа ќе мора да има законска покриеност. Односно, банките успеале да пуштат пари на околу 90 отсто од примателите на финансиска помош од 6.000 денари, а за да ги исплатат останатитите пари инсистираа на законски измени со кои ќе се поместат роковите во кои се дозволува исплата на помошта.

–Македонската банкарска асоцијација ја известува јавноста дека нашите членки – банките, како и досега, подготвени се со сите свои ресурси да излезат во пресрет на проектите од јавен интерес, а посебно на оние кои се наменети за социјално ранливи категории граѓани. Притоа, секогаш активностите мора да бидат во рамки на законските прописи. Во таа смисла, после истекот на законски дадените рокови, за да се реализира исплатата на сите граѓани на кои во претходниот законски рок не им беше исплатена финансиската поддршка, потребно е да се направат измени на Законот за финансиска поддршка со цел постоечките рокови, да се заменат со нови подолги рокови, стоеше во известувањето од МБА.

Оваа мерка беше дел од четвртиот сет од владините економски пакети.

Се уште не се знае дали ваква директна парична поддршка ќе има и во петтиот сет економски мерки, кои треба да им помогнат на граѓаните полесно да го преживеат ударот од ковид кризата во првиот квартал од оваа година.

Извор: Лидер

Continue Reading

Инфо +

Ќе се формира нова специјална единица за родово насилство

Published

on

Министерот за внатрешни работи на Република Македонија, Оливер Спасовски вечерва се обрати на онлајн трибина организирана од Форумот на жени каде најави дека наскоро ќе се форимира посебна единица на Министерството за внатрешни работи која ќе се бори против родово базираното насислтво.

– МВР активно работи на барање нови форми за зеднички партнерски пристап со невладиниот сектор и граѓаните, особено девојчињата и жените кои најчесто се жртви на вакви подмолни облици на деградирање. За таа цел, Министерството ќе предложи формирање на посебна единица, посебен Таск форс за борба против родовото насилство, составен од преставници на повеќе државни органи, обвинителството, судот и полициски структури како и преставници на граѓанскиот сектор, што ќе преставува своевиден линк за брзо реагирање, санкционирање и превенирање на овие појави. Нашето искуство во министерството за внатрешни работи за формирањето и ефикасноста на делувањето на овие форми е исклучително позитивно и покажува дека вакви мешовите облици на стратешко и оперативно зедничко делување на повеќе надлежни институции секоја во својот делокруг, доведува до брзи реакции, брзи завршници. Исто така, оваа еднициа ќе креира стратегија и планови за заеднички активности, почнувајќи од обуки на полицијата и другите државни оргаани, како и други адекватни активности во медиуми, образованието и во сите други области кои мора да бидат активни чинители во синџирот на постапување.

Потпретседателот на СДСМ Спасовски, потенцираше дека Министерството за внатрешни работи е пример за еднакви шанси за унапредување на жените во хиреархијата, дека и полицијата е место каде жените можат да напредуваат и да извршуваат важни и одговорни позиции.

Continue Reading

Инфо +

“Kopoнaтa ќe пoминe, дpyгитe 6oлecти ќe плaмнaт”

Published

on

Д-р Перишиќ истакна дека капацитетите во ковид болниците се пополнуваат многу брзо.

– Клиниката за инфективни болести е практично полна, а третиот кат што го ослободивме и сакаме да го задржиме засега е во не-козидна функција, а четвртиот кат е со 85% зафатеност. Имаме уште простор. Треба да се земе предвид дека имаме и болница во Крушевац, така што ги користиме и тие капацитети. Бројот на нови пациенти е голем секој ден – вели Перишиќ.

– Се обидуваме да работиме и на едното и на другото. Во овој момент, ние исто така опфаќаме и големи болници од југот на Србија, кои се во системот на ковид – Пирот, Лесковац, Врање. И сите тие тешки пациенти доаѓаат тука во Ниш и соодветно се згрижени тука – нагласува Перишиќ.

Тој посочува дека огромен број на пациенти се стари лица кои биле заразени од нивните помлади членови на семејството.

– Тоа е класична епидемиолошка приказна што ја слушаме тука во КЦ. За жал, тоа е исто така одраз на оваа ситуација и нашето однесување. Доминира постарата популација, за жал тие се претежно меѓу оние кои фатално ја завршуваат борбата со вирусот ковид-19, има и помлади. Во овој бран е типично дека има сè повеќе пациенти со многу сериозна клиничка слика – заклучи Перишиќ.

Continue Reading

Инфо +

Дел од луѓето ќе мораат да ги вратат парите од скенираните сметки

Published

on

Техничка грешка на УЈП пријатно изненади дел од граѓаните. На сметките во банка два пати им биле префрлени пари од скенираните фискални сметки. Двојната исплата се однесува за сметки од последното тримесечје во 2020 година.

Некои од нив веднаш пријавиле во УЈП за грешката, но сѐ уште не знаат дали ќе треба да ги вратат парите или тие ќе им бидат одбиени во следната исплата по три месеци. Други, пак, молчат за двојната „среќа“ со која ги изненади државата. Никој од нив е сакаше да застане пред нашата камера.

„Два пати добив по 1 800 денари за едно тримесечје во рок од неколку дена. Пријавив во УЈП и ми рекоа дека ќе биде направена проверка и корекција. Но сѐ уште нема ништо“, вели еден граѓанин за нашата ТВ.

УЈП потврди дека имало двојна исплата по грешка и дека се истражува во ИТ секторот. Проблемот настанал при спроведување на налозите од страна на Управата и Министерството за финансии. Парите, велат даночниците, ќе мора да ѝ се вратат на државата. Нема податоци за која сума станува збор, ниту кај колку граѓани е направена ваква грешка.

„На граѓаните на кои им е извршена двојна уплата ќе им биде доставено известување на маил на која сметка може да го извршат враќањето на повеќе, погрешно уплатените средства. Доколку истите не постапат по известувањето во определен рок, Управата за јавни приходи ќе изврши службено задолжување за повеќе вратениот износ“. – велат од УЈП.

За месеците октомври, ноември и декември во текот на февруари годинава за скенирани сметки на граѓаните им биле вратени над 6 милиони евра. Биле скенирани 67 милиони фискални сметки, а вкупниот промет бил 33 милијарди денари. Максималниот износ за три месеци што може еден граѓанин да добие е 1 800 денари.

Continue Reading
Advertisement
Advertisement

Трендинг

Copyright © 2020 Булевар.мк

error: