Connect with us

Анализа

Секој ден 250 луѓе во Македонија го губат работното место

Published

on

Епидемијата на корона вирусот тешко се одрази на економијата и со нестабилноста на работните места. Но, за разлика од европските држави кои даваат неповратни финансиски субвенции на оштетените компании и вработени, во Македонија надомест за штетите нема и цената ја плаќаат сами фирмите и оние кои загубиле работа.

Од почетокот на коронакризата во Македонија секој ден над 250 граѓани го губат работното место.

Според истражувачкиот проект Рефлектор а врз основа на податоци од Заводот за вработување за пет месеци од април до 24 август бројот на луѓе што активно бараат работа е 36.362.

Предходно Рефлектор во Јуни објави дека во првите два месеци од почетокот на Ковид19 кризата (април и мај) без работа останале над 12 илјади луѓе што значи дека во јуни, јули и август во просек без работа остануваат околу 8000 луѓе.

Вкупната бројка на луѓе кои според Заводот за вработување активно бараат работа во земјава односно се сметаат за невработени е 144,094.

Со оглед на трендовите во туризмот, индустријата и услугите оваа бројка се очекува да се зголеми драматично во текот на есента и зимата.

Анализа

Кои производи најмногу ќе поскапат и ќе влијаат на инфлацијата?

Published

on

Храната и натаму ќе поскапува. Лебот, брашното, маслото за јадење, кондиторските производи ќе бидат први на удар, објави Сител. Растот на цената на електричната енергија и на горивата, ќе ја подгреат инфлацијата. Државата мора да најде начин да интервенира и да го заштити и онака кревкиот стандард на граѓаните, бараат синдикатите.

Од Синдикатот велат – ако сега потрошувачката кошница за едно 4 члено семејство тешко дека се задоволува, со зголемување на цената на основните производи, стандардот уште повеќе ќе им се намали. Барат зголемување на платите на сите работници, иако сметаат дека покачување на цените, на производите, до сега не е оправдано.

Состојбата се следи, но за сега не смееме да интервенираме, затоа што сме во избори, велат од Владата. Додаваат дека за сега се е под контрола и нема потреба од загриженoст.

Continue Reading

Анализа

Анализа: Дали конфликтот во Косово може да се пренесе во Македонија и регионот?

Published

on

Косовскиот премиер Албин Курти си игра со оган. Во анализа за Сител прфесорот Томе БАтковски од Факултетот за безбедност вели дека денешниот, но и неодамшнешниот инциден на Севереот на Косово се опасни за безбедносната состојба на целиот регион. Според него, во денешните случувања не се гледа дали КФОР интервенирал кога во состојба на мир се користи оружје, дали овие настани се со знаење на меѓународниот фактор и која е нивната цел.

Какво влијание може да имаат овие инциденти на Макеоднија: Батковски вели дека властите треба да бидат особено внимателни. Настаните на северот на Косово доаѓаат само една година откако во јавноста се појавија карти со прекроени граници. Тоа, според него не е случајно, туку претставува опопување на пулсот на јавноста.

Денешните инциденти на Косово започнаа со акцијата на косовските власти за спречување на шверц на стока во косовска Митровица. По ова следеа судири од локалното српско население. Има повредени и на две страни. Попладневно српскиот претседател Вучиќ се сретна со граѓаните на Северно Косово и вети дека Белград ќе биде постојано со нив.

Сител анализа

Continue Reading

Анализа

Храната сериозно ЌЕ ПОСКАПИ

Published

on

Ново поскапување на лебот, маслото за јадење и кондиторските производи се очекува во периодов кој следи. Тоа се должи на поскапата струја што ја плаќаат индустриските капацитети, а за една година таа е зголемена за 100%. Цената на пченицата која ќе влијае на крајната цена на брашното и лебот порасна за 20%. Кај суровината за маслото, сончогледот зголемувањето е уште поголемо. Цените на транспортот заради пандемијата растат уште повеќе.

Спиралата на поскапување зема се поголем замав, а тоа ќе им се удри од глава на граѓаните кои и сега едвај преживуваат. Тие се пожалија дека сите трошоци растат забрзано, а никако реално да пораснат платите.

  • Ќе кажам дека граѓаниве се загревота. Посебно пензионериве со ниски примања буквално се загревота. Скоро се е поскапено за повеќе од 20%, па може и повеќе. Тоа сега е деновиве откако се отиде на горе, а платите и пензиите никако да мрднат, посебно во ова никакво време. Абе ова е катастрофа, ќе биде се полошо и полошо, не знам што ќе се прави, се пожалија граѓаните пред нашата камера.

Од Владата признаваат дека пандемијата се одрази на животниот стандард на граѓаните. Но мерките кои ги презеле влијаеле на ублажување на ударот, што граѓаните никако да го почувствуваат. Дека тоа е така зборува и последното поскапување од 214 денари во август, во споредба со јули, алармираше Сојузот на Синдикатите на Македонија.

  • Анализата на ССМ покажува, дека дека трошоците за живот континуирано се зголемуваат, а платите стагнираат. Ако со ваков интензитет продолжи зголемувањето на трошоците и на цените, тогаш, ниту три минимални плати, не би биле доволни да го достигнат растот на минималната кошница, предупредуваат од ССМ.

И НБРМ евидентира раст на цените над очекувањата, а тој тренд се очекува да продолжи зарди неизвесноста на странските пазари. За владите ширум светот, поскапувањето на храната може да има висока политичка цена.

Прашањето е дали можат да сторат доволно за да спречат нејзино плаќање, пишува „Блумберг“. Светските цени на храните се околу 33% повисоки во август, во споредба со една година претходно, покажуваат податоците на Организацијата на ООН за исхрана и земјоделство.

Инаку, кај нас, последно во низата поскапување се цените на мало на сите производи кои пораснале за дури 5% во однос на истиот период лани, измери државната статистика. Овој раст е само теоретски, а во пракса поскапувањето е далеку повеќе, што не се исклучува цените да одат уште нагоре.

Алфа телевизија

Continue Reading
Advertisement
Advertisement

Трендинг

Copyright © 2021 Булевар.мк