Connect with us

Инфо +

Секој 5ти пар кој стапува во брак се разведува во Македонија

Published

on

Корона пандемијата го зема данокот. Стресот и неизвесноста придонеле за помалку бракови, а повеќе разводи изминатава година. Последните бројки покажуваат дека зголемен е бројот на граѓани кои во 2020 не ја крунисале својата љубов со брак. Со забраната за масовни собири и веселби, се откажуваа претходно закажаните свадби и венчавки, а мал е бројот на оние кои се решија да склучат брак само пред матичар. Според податоците од Министерството за правда до кои што дојде МИА, вкупно 9.200 бракови биле склучени изминатата година, 4.614 помалку, што е пад од 33,3 проценти за разлика од 2019 година, кога биле склучени 13.814 бракови. Кај разводите, во 2020-та година се забележува пораст од речиси 15 проценти (14,7), со тоа што имало 2284 разводи, или 294 повеќе од 2019-та година, кога изнесувале 1.990. За психолозите не се изненадување ваквите бројки. Психологот Мирјана Јовановска Стојановска за Канал 5 вели дека времето во кое денес живееме е тешко, а притисокот што ќе биде утре ги вади на површина и ги засилува нерешените проблеми меѓу партнерите, кои неретко завршуваат со равод. Сепак, за психолозите останува неизвесно дали успешна имунизација, олабавување на мерките и враќањето на свадбените прослави ќе помогне за зголемување на довербара во бракот, како и дали брачните партнери ќе ги надминат предизвиците во „новото нормално“. Јовановска-Стојановска на денот на вљубените им порача на младите дека не мора да чекаат да направат свадба за да почнат да живеат заедно, па така да ја крунисаат својата љубов.

Continue Reading

Инфо +

Гори Израел: Запалени синагоги, Нетанјаху прогласи вонредна состојба (ВИДЕО)

Published

on

Евреите ги изнесуваат свитоците од Тората од запалена синагога , а во непосредна близина горат автомобили , откако избија насилства во Израел поради израелските воздушни напади во Газа и конфликтот во Ерусалим.

Премиерот Бенјамин Нетанјаху прогласи вонредна состојба во Лод, близу Тел Авив, по извештаите дека припадници на арапското малцинство палеле синагоги и дека Евреите фрлале камења кон автомобилите управувани од арапски жители.

https://youtu.be/1wlqzw6GBkc

„Ја изгубивме контролата над градот и улиците“, рече градоначалникот на Лод, Јаир Ревиво за News 12 по неколку ноќи насилни судири, во кои еден Арап е убиен, а многумина се повредени.

https://youtu.be/ynm_EzgD_Ag

Полицијата уапсила десетици луѓе преку ноќ во Лод и во претежно арапските градови во централниот и северниот дел на Израел, вклучувајќи го и Ум ал Фам по должината на границата со Западниот брег и Јиср ал Зарк на медитеранскиот брег.

Во крајбрежниот град Акре бил запален Ури Бури, рибен ресторан сопственост на Евреин, а некои арапски жители изјавиле дека се плашат да го напуштат домот.

https://youtu.be/Z9HXOSMIVdU

Continue Reading

Инфо +

ОД ЧЕГРАНЕ перел пари и БИТКОИНИ за европска мафија!

Published

on

Секторот за компјутерски криминал и дигитална форензика при Бирото за јавна безбедност, во соработка со Европол и Еуроџаст учествуваше во меѓународна истрага, предводена од полициските служби во Германија, а со координирани активности помеѓу полициски служби од Германија, Бугарија, Израел, Латвија, Полска, Шпанија и Шведска.

Во рамки на истрагата лишени од слобода се 11 лица (пет во Бугарија и едно во Израел на денот на акцијата и шест лица претходно во Шпанија), извршени се претреси во Бугарија, Израел, Полска, Северна Македонија и Шведска и запленети се бројни електронски уреди и возила, а банкарските сметки се замрзнати.

– Криминалните активности се вршеле во повеќе држави во Европа, а се повразни со вршење на измами во вкупна вредност од 30 милиони евра со злоупотреба на онлајн-трејдинг платформи, криптовалути и перење пари, привлекувајќи ги жртвите преку реклами на социјалните медиуми.

Шемата за измама, била организирана главно од израелски државјани, вклучувала центри за повици од Бугарија и Македонија, а осомничените ги переле нелегалните профити преку банкарски сметки контролирани од компании со седиште во различни земји на ЕУ, соопшти МВР.

Во текот на истрагата МВР преземени мерки и активности со цел идентификација на лица од Република Македонија, кои се дел од криминалните активности и обезбедување на докази.

– Во координација со Основно Јавно обвинителство за гонење на организиран криминал и корупција вчера во 06 часот изврши претрес, по добиена судска наредба, во дом и деловни простории на А.А.(34) од село Чегране, гостиварско, при што биле одземени предмети кои се поврзани со вршењето на криминалните активности, а лицето е обезбедено, се вели во соопштението.

Од страна на Секторот за компјутерски криминал и дигитална форензика – Одделение за истраги за компјутерски криминал, со судски наредби, додаваат од МВР, извршени се претреси на деловни простории на правни лица во Скопје, при што било констатирано дека адресите кои се пријавени во Централен регистар на Република Македонија се лажни и не постојат.

Continue Reading

Инфо +

Детали за убиството во Бутел: Пукано кон голф, едно лице убиено, друго пренесено во „Мајка Тереза“

Published

on

По пукање од автомобил доцна вечерва во скопски Бутел 2, убиено е едно лице, а едно е тешко повредено, при што итно е префрлено во комплекс клиниките „Мајка Тереза“.

Од МВР за ТВ21 информираат дека денеска во 22.00 часот е пријавено дека на паркинг кај раскрсницата од булеварите „Босна и Херцеговина“ и „Христијан Тодоровски-Карпош” од едно патничко возило биле испукани проектили кон патничко возило марка „голф“.

„Во СВР Скопје околу 22.00 часот е пријавено дека на паркинг кај раскрсницата од булеварите „Босна и Херцеговина“ и „Христијан Тодоровски-Карпош” од едно патничко возило биле испукани проектили кон патничко возило „голф“, во кое имало две лица, по што биле пренесени во Комплекс клиники “Мајка Тереза” за укажување на лекарска помош. Едното лице им подлегнало на повредите. Увидна екипа е на терен и се работи на расчистување на случајот“, велат од МВР за ТВ21.

Претходно, за ТВ21 од МВР го потврдија настанот.

„Имаме пријава за слушнати истрели. На терен се екипи“, велат од МВР за ТВ21.

Неофицијално има едно починато лице со иницијали К.И., а на терен се три амбулантни возила.

Continue Reading
Advertisement
Advertisement

Трендинг

Copyright © 2020 Булевар.мк

error: