Connect with us

Приказни

Македонка од Лариса: Децата беа многу исплашени, некои се онесвестија од страв, беше морничаво

Published

on

Сега сме надвор, бидејќи тресе цело време. За време на земјотресот беше морничаво, прво бучеше, а потоа тресеше, раскажува Виолета Димкова, Македонка која живее во Лариса, во разговор со дописничката на МИА од Атина, по силниот земјотрес од шест степени што го погоди денеска централниот дел на Грција.

Димкова објаснува дека на централниот плоштад во Лариса има собрано луѓе, а во градот со оглед на тоа дека се тесни уличките, има заглавени возила.

– Многу беше морничаво. Тресеше многу, прво бучеше. Јас бев во автомобилот, во една од тесните улички и прво почна да бучи, мислев дека работи некој компресор, но почна да се ниша и автомобилот, се вртам и гледам зграда која буквално се тресе напред назад, раскажува Димкова за моментите кога се случи земјотресот со јачина од шест степени според Рихтеровата скала.

Таа вели дека во делот каде што живее нема материјални штети, со исклучок на повисоките катови од зградите, а раскажува дека земјотресот особено ги исплашил соучениците на нејзините деца.

– Не ги пуштија децата да си одат, ги задржаа додека не дојде родител да ги земе. Утре нема да имаат настава. Децата биле многу исплашени, пет дури се онесвестиле од страв, додава Македонката која живее во Лариса.

Дополнителен проблем за жителите на Лариса и околните населени места беше и тоа што веднаш по земјотресот падна мрежата на мобилните оператори и целосно беа во прекин телекомуникациите и интернетот.

– Одев да ја земам ќерката од училиште и не можев да ја добијам. Немаше никаков сигнал, ниту пак интернет, објаснува Димкова во разговор со дописничката на МИА од Атина.

Земјотресот се случи во 12.16 часот по локално време со епицентар на 15 километри јужно од општина Еласонас во регионалната единица на Лариса, а беше почувствуван во повеќе делови на Грција, но и во Македонија.

Во наредните 90 минути следеа уште 11 други земјотреси, од кои еден од пет степени, а осум над четири степени според Рихтеровата скала, согласно податоците од Геодинамичкиот институт на Националната опсерваторија.

Грчките сеизмолози за медиумите, велат дека сè уште не можат со сигурност да кажат дали земјотресот од шест степени беше и главниот.

Continue Reading

Инфо +

Се огласи и поранешната сопруга на Кајмакоски по наводите дека го ,,отрула” Даниел

Published

on

МВР соопшти дека во полициската станица Центар од Комплекс клиники „Мајка Тереза”, било пријавено дека кај нив бил примен Д.К.(38) од Струга, по чие што кажување додека бил во парк во Тетово, заедно со неговата поранешна сопруга, таа му дала кафе во кое што, според пријавеното, биле ставени нар*отични средства.

„Жената била повикана во полицискат станица Тетово при што ги негирала тврдењата на пријавителот и изјавила дека имале средба со Д.К. за да го види своето дете, но воопшто не пиеле кафе. Додека траела средбата, според нејзино кажување, на Д.К. му се слошило, а таа за настанот го известила и Центарот за социјални работи. Известен бил Јавен обвинител и се преземаат мерки за расчистување на случајот“.

Дел од медимуте дознаа дека станува збор за пејачот Даниел Кајмакоски, а од неговата поранешна сопруга биле информирани дека „не сака да коментира глупости“.

Continue Reading

Приказни

„Цел работен век сме само бројки уморени, заборавени, не платени, во служба на секој систем и секогаш на фронтот!“

Published

on

Медицинската сестра Гоца Бешлиовска која го води Здружението на мед.сестри, техничари, акушерки и стоматолошки сестри „ЗА НАС“, со свое писание и видување за тоа како се третирани медицинските сестри и техничари кај нас:

„Уморени..заборавени само бројки броени, а никогаш на број -колку што треба!…. и така цел работен век… и секогаш така се’ до пензија ако ја дочекаш.

Никогаш не’ платени како што заслужуваме!!!

Сами се школуваме ..но никогаш! признаени ..секогаш омаловажени.

Тие што ве образуваат, на работа не ве признаваат. И се е кажано, но бадијала ..нема корист, но надеж има!

Можеби еден ден ке се освестиме да не! бидеме марионети во служба на секој систем!!И можеби тогаш на сцената ке бидеме и ние !

Медицинските сестри .Па можеби и нас ке не има дури и во наградените тимови..или пак ке бидеме достоинствено признаени за нашата работа.А засега, и сега!…сме само на Фронтот!само бројки недоволни.

До тогаш барем меѓусебно почитувај се, толку барем може да направиме за себе!!!,а најмногу за нашите колеги во ковид центрите ….кои немаат време за сликање,а и мора да го свртат грбот за да им го видиме лицето…односно им го прочитаме името.

Срдечно до сестринството“ – напиша на Фејсбук сестра Бешлиовска.

Уморени..заборавени само бројки броени , а никогаш на број -колку што треба!…. и така цел работен век… и секогаш…

Posted by Goca Beshliovska on Thursday, April 15, 2021

Continue Reading

COVID 19

Коронавирусот и ги земал најблиските: Прво умрел сопругот, па за три дена ги погребала мајка си, братот, свекрвата…

Published

on

Една од најтрагичните приказни од почетокот на пандемијата доаѓа од Хрватска.

Станува збор за приказната на Снежана Матиќ која имала низа Ковид позитивни случаи во своето семејство, а по нив и телефонски повици кои никој не сака да ги добие.

Таа останала без својот сопруг, брат, мајка и свекрва. Сите починале од коронавирус. За само три дена таа ги погребала своите најблиски еден по друг. Својата приказна, Снежана решила да ја сподели за хрватската емисија “Потрага”.

-Прв кој разви симптоми беше мојот брат. Не се чувствуваше добро. Велеше дека настинал, па постојано се лекуваше со чаеви и витамини. Таа сабота бевме кај него на гости, но се беше во ред. Малку кашлаше. Трет ден потоа, мојот сопруг крена температура, вели Снежана.

Веќе во понеделникот нејзиниот брат Мирко завршил во болница, а два дена подоцна и нејзиниот сопруг бил хоспитализиран. Во меѓувреме се разболела и нејзината мајка Роза која имала 92 години. Неколку дена подоцна, позитивна на Ковид-10 била и нејзината свекрва која била во своите 80ти години.

Речиси цело село било заразено

-Ниту мајка ми, нуту свекрвата излегуваа од дома. Тие буквално не одеа никаде. Во тоа време речиси цело село беше позитивни на Ковид-19. Роберт имаше симтоми кои наликуваа на грип. Имаше температура и болки во коските. Пиеше апчиња за намалување на температурата, но ништо не му помогна. Потоа следеше тешкото дишење. Не можеше да направи чекорм а да не се задиши. Тој не веруваше во корона, и до последно велеше дека е болен од грип, открива таа.

Сепак Снежана решила да не го послуша својот сопруг и да повика брза помош. Тогаш го видела за последен пат. Нејзиниот сопруг бил хоспитализиран, а додека бил во болница успеале да се слушнат неколку пати. Според неа, Роберт верувал дека ќе преживее. Имал само 53 години. За време на војната, Роберт згазнал на мина и останал без едната нога. Оттогаш живеел со протеза, но бил здрав, тврди Снежана.

-Ми велеше дека е подобар. Сите индикации одеа кон тоа дека ќе оздрави. Бев навистина шокирана кога ќе ми јавија од болница дека починал, вели Снежана.

Во наредните неколку дена, истиот број од болницата и свртел на Снежана уште два пати.

-Во 12 на пладне ми јавија дека починала мојата мајка, а во 7 вечерта мојот брат. Ден потоа добив повик и за мојата свекра, раскажува Снежана.

Се уште не знае како е жива

Снежана вели дека се уште не и јасно како го преживеала тој период. Оттогаш има поминато едвај месец дена а таа се уште не може да спие. Седи и размислува.

-Имам чувство дека сопругот ќе влезе низ врата и ќе каже нешто, завршува таа.

За разлика од нејзиното семејство, таа била негативна на сите тестови. Вели дека најмногу и е жал што не успеала да се збогува од своите најблиски.

Continue Reading
Advertisement
Advertisement

Трендинг

Copyright © 2020 Булевар.мк

error: