Connect with us

Хуманост

БРАВО: Собрани се парите за лекувањето- Кристијан има шанса повторно да застане на нозе!

Published

on

БРАВО МАКЕДОНИЈО! Собрани се парите за лекувањето на Кристијан Андреев. Неговите родители упатуваат благодарност до сите граѓани кои донираа за тој да може да застане на нозе.

-Среда викаат е среќен ден !! Го потврдувам тоа Среда почнавме, денес Среда СО ПОЛНО СРЦЕ можам да кажам дека му дадовте шанса на Кристијан повторно да ЗАСТАНЕ НА НОЗЕ.
Почитувани познати и непознати ЛУЃЕ во вистинска смисла на зборот.
Сакам да упатам НАЈГОЛЕМА БЛАГОДАРНОСТ ДО СИТЕ граѓани на Република Македонија,Mакедонците од дијаспората и сите луѓе од целиот свет што дониравте,а со тоа помогнавте да ги собереме потребните средства за да може Кристијан да замине на лекување во Истанбул.
Кристијан е мојот борец и знам дека ќе ја победиме секоја препрека и ќе дојде денот кога ќе кажеме УСПЕАВМЕ.
Не постои пишан збор кој ќе може да ја искаже мојата благодарност, што и да се каже ќе биде премалку освен да посакам ЗАЕДНО да продолжиме да помагаме таму каде што е најпотребно зошто заедно сме НАЈСИЛНИ и само заедно МОЖЕМЕ и невозможното да го направиме возможно, пишува мајката на Кристијан на Фејсбук.

Среда викаат е среќен ден !! Го потврдувам тоа Среда почнавме,денес Среда СО ПОЛНО СРЦЕ можам да кажам дека му дадовте…

Posted by Vesna Dojcinova Andreeva on Wednesday, March 10, 2021

После сите поминати операции, третмани, голготи… кога родителите очекувале дека Кристијан ќе биде подобро, се случило нешто што воопшто не го очекувале. Кристијан паднал и го скршил колкот. Поради неговата состојба (аутизам и епилепсија) во Македонија не се нафаќаат на операција и истата треба да ја чекаат уште 4 години, бидејќи Кристијан сега е дете и овие операции не се праваат на деца.

Покрај овие состојби Кристијан има и остеопороза што дополнително пречи колкот да зарасне. Секој ден Кристијан пие терапија против болки кои се неиздржливи, неможе да се движи, врзан е за количка. Никој не им гарантира дека Кристијан после 4 години ќе го оперираат и дека ќе може да застане на нозе.

Барајќи го спасот секаде, родителите нашле болница во Турција која се нафаќа да го оперира по Judet Meyers метода за да може Кристијан да оди и да застане на нозе.

Операцијата чини 10.000 евра, кои веќе се собрани благодарение на сите хумани граѓани во Македонија и надвор.

Continue Reading

Хуманост

Жена на жена: Денов нека зрачи од тебе, ти го заслужуваш тоа Верче!

Published

on

Фото: Фејсбук

Некако уште сум под импресии од денешниот ден и чувствувам слатко-горчлив вкус на усните. Од една страна спокој дека 14 пациенти ќе добијат органи, а од друга страна тага за прерано изгаснатиот живот.

Како и за Емилија, така и за Верица, истото чувство. Две хероини, различни, посебни, а сепак обете ќе живеат вечно. Што во туѓите тела, а уште повеќе и уште потрајно во туѓите срца.

Верица била млада девојка, всушност, во цутот на својата младост. Невина и чиста душа која како и многумина прерано згаснати животи, во себе носела бројни осништа и копнежи.

Секој човек копнее и сонува, секој човек мечтае и чувствува, битисува. Еден сон згаснал, а друг се разбудил. Една душа згасна, а 14 се пробудија.

Господ да ги благослови сите оние кои ги добија или ќе ги добијат органите на Верче. Да им подари долг и спокоен живот, со божјата шанса.

А на семејството на Верица, Белчоски, им посакувам долг и спокоен живот. Им се поклонувам. Нека знаат дека се „виновни“ за 14 насмевки и продолжени животи.

Животот на Верче не згасна, тој продолжува, само во различни тела и во различни димензии. Но душата е таа… никогаш не заборавена.

Нека зрачи денов заради тебе Верче, заслужуваш! Почивај во мир, убавице.

Пишува ЖенаНаЖена

Continue Reading

Инфо +

Сочувство и голема благодарност до фамилијата, срцето на Верица донесе живот за мојот син

Published

on

Цветко Стрезовски од Брвеница, татко на Иле Стрезовски, лицето на кое му беше извршена трансплантација, истакна голема благодарност до сите што на неговиот син му беше продолжен животот. Тој изрази сочуство до фамилијата на Верица, која даде дозвола нејзините органи да бидат донирани.

„Сега сум среќен. Прво да изразам сочуство до фамилијата на Верица за загубениот живот. Нејзиното срце му донесе живот на мојот син. Од 6-7 јануари му беше дијагностицирано слабо срце. Се бараше донор, и ете фала му на Бога се најде донор. Се чувствувам добро. Разговарав со синот, добро се чувствува, се е супер. Голема благодарност до целиот лекарски тим кои учествуваше во оваа операција“, рече Стрезовски.

„Трансплантацијата е извршена со сите ресурси врз младиот пациент кој се наоѓаше во исклучително тешка состојба. Операцијата беше извршена успешно. Во услови кога сме соочени со пандемија, еве се виде дека не ги забораваме и другите пациенти и очекувам и други пациенти кои се на листи на чекање дека ќе добијат шанса за живот“, рече доктор Жан Митрев.

Семејството на Иле изрази благодарност до семејството на 20-годишната Верче Беловска и до лекарите кои го спасија неговиот живот.

Continue Reading

Инфо +

Еден милион денари за хуманоста на семејството на Верица Белчовска – донација од сопствениците на „Галф Оил“

Published

on

Семејството Стајиќ донираше исто толку и на семејството на Емилија Динева во мај лани, која беше донатор на срцето кое беше првата ваква трансплантација направена во земјава
Семејството Стајиќ, основачи и сопственици на компанијата „Галф Оил“ (Gulf Oil) донира еден милион денари на семејството на трагично починатата Верица Белчовска, кое ги донираше органите, со што нејзиното срце и бубрези спасија живот на тројца млади луѓе, на возраст од 22, 27 и 40 години.

„Да се донесе одлука да се даруваат органите на своето дете во моменти кога го губите засекогаш, потребно е многу сила, љубов и хуманост – да мислите на туѓ живот кога го губите своето најмило. Белчовски во овие моменти се неутешни и не постои збор што може да ја намали нивната болка која им ја гребе душата и не им дава мир. Луѓето кои носат вакви одлуки се посебни. Не постои човек кој не им е бескрајно благодарен, бидејќи ни покажаа дека живот сепак може да се подари“,

велат од семејството Стајиќ, изразувајќи длабоко жалење до фамилијата за прераната загуба.

Семејството Стајиќ лани во мај, донираше исто така еден милион денари на семејството на Емилија Динева, чии органи беа донирани за да се спасат 3 други животи.

Continue Reading
Advertisement
Advertisement

Трендинг

Copyright © 2020 Булевар.мк

error: