Connect with us

Хуманост

Самохраниот татко од Штип повеќе нема да го храни синот со леб и шеќер – хуманоста победи, се врати насмевката на нивните лица

Published

on

Приказната за 23-годишниот самохран татко од Штип ја трогна цела Македонија.

Имено, Љупче уште од многу мал се бори за егзистенција. Неговата мајка го напуштила додека бил дете, па тој и татко му остануваат да живеат само со баба му. Откако починува и бабата тие остануваат сами. По тој момент тој и неговиот татко запаѓаат во тешка финансиска ситуација, немале ни за храна  ни за основни услови.  Татко му за да има да го прехрани бил принуден на кражба, но таквите работи го ставиле зад решетки.

Никогаш не се откажува од борбата за живот и работи секаква работа што ќе му биде понудена. 

Поднел документи за работа во штипската болница и за среќа бил примен. Таму ја запознава Ирена со која започнува врска и со која го добиваат синот Андреј.

-Се одеше како што треба, планиравеме и да се венчаме, тогаш го добив најскапоцениот подарок во мојот живот, се роди син ми Андреј, тој момент неможам да го опишам, летав од среќа. Почнав да барам стан под кирија за подобро утро за синот. Мислев дека животот ми се средува, бев среќен, но тогаш почна да се случуваат немили работи. Кога јас ќе заминев на работа, Ирена го оставаше 5 месечното бебе само дома и излегуваше. Влегла во лоши друштва, не се знаеше кога оди кога доаѓа, не дојде ни на неговиот прв роденден  и еден ден си замина за секогаш, оставајќи ме мене со синот, изјави Љупче.

-Често си доаѓаше во раните утрински часови, беше пријавувана и во полиција како исчезната, беше недостапна на телефонот, зема додаток за детето, но не му  купила ниту лижавче ,за да на крај го напушти мојот син и внук, кажа таткото на штипјанецот.

Љупче во апелот за помош изјави дека синот го храни со шеќер и вода и се задолжува со цел да има да го прехрани.

Откако неговата приказна беше објавена на телевизиските екрани, се појавија многу луѓе кои сакаат да му помогнат.

Ваквиот гест ја врати надежта во неговиот живот.

Мини Шпоре обезбедено ! Фрижидер обезбедено ! Тостер обезбедено ! Телевизор лед 43 инчи обезбедено ! Правосмукалка…

Posted by Aleksandar Gorgievski on Thursday, March 18, 2021

Преку Фејсбук групите за мајки, за малиот Андреј е собрана и облека, играчки и храна, собрани се и хигиенски работи, а она што е најважно во целата оваа тажна приказна е веста дека општината обезбедила работа за Љупче Смилев, а неговото детенце сега ќе има можност да се социјализира и дружи со врсниците во градинка.

Ако и вие сакате на некој начин да му помогнете на Љупче и неговиот син, можете информации да добиете на тел.број 075 304 405.

ПРЕКРАСНА ВЕСТ НА ПОЧЕТОКО НА ПОЛИЦИСКИО ЧАС. Д-р Сашко Николов СО БРЗИНА НА СВЕТЛИНАТА ГО РЕШИЛ СЛУЧАЈОТ СО НАШИОТ СОГРАЃАНИН ЉУПЧЕ.

Posted by Stipska Javnost on Thursday, March 18, 2021

Хуманост

Жена на жена: Денов нека зрачи од тебе, ти го заслужуваш тоа Верче!

Published

on

Фото: Фејсбук

Некако уште сум под импресии од денешниот ден и чувствувам слатко-горчлив вкус на усните. Од една страна спокој дека 14 пациенти ќе добијат органи, а од друга страна тага за прерано изгаснатиот живот.

Како и за Емилија, така и за Верица, истото чувство. Две хероини, различни, посебни, а сепак обете ќе живеат вечно. Што во туѓите тела, а уште повеќе и уште потрајно во туѓите срца.

Верица била млада девојка, всушност, во цутот на својата младост. Невина и чиста душа која како и многумина прерано згаснати животи, во себе носела бројни осништа и копнежи.

Секој човек копнее и сонува, секој човек мечтае и чувствува, битисува. Еден сон згаснал, а друг се разбудил. Една душа згасна, а 14 се пробудија.

Господ да ги благослови сите оние кои ги добија или ќе ги добијат органите на Верче. Да им подари долг и спокоен живот, со божјата шанса.

А на семејството на Верица, Белчоски, им посакувам долг и спокоен живот. Им се поклонувам. Нека знаат дека се „виновни“ за 14 насмевки и продолжени животи.

Животот на Верче не згасна, тој продолжува, само во различни тела и во различни димензии. Но душата е таа… никогаш не заборавена.

Нека зрачи денов заради тебе Верче, заслужуваш! Почивај во мир, убавице.

Пишува ЖенаНаЖена

Continue Reading

Инфо +

Сочувство и голема благодарност до фамилијата, срцето на Верица донесе живот за мојот син

Published

on

Цветко Стрезовски од Брвеница, татко на Иле Стрезовски, лицето на кое му беше извршена трансплантација, истакна голема благодарност до сите што на неговиот син му беше продолжен животот. Тој изрази сочуство до фамилијата на Верица, која даде дозвола нејзините органи да бидат донирани.

„Сега сум среќен. Прво да изразам сочуство до фамилијата на Верица за загубениот живот. Нејзиното срце му донесе живот на мојот син. Од 6-7 јануари му беше дијагностицирано слабо срце. Се бараше донор, и ете фала му на Бога се најде донор. Се чувствувам добро. Разговарав со синот, добро се чувствува, се е супер. Голема благодарност до целиот лекарски тим кои учествуваше во оваа операција“, рече Стрезовски.

„Трансплантацијата е извршена со сите ресурси врз младиот пациент кој се наоѓаше во исклучително тешка состојба. Операцијата беше извршена успешно. Во услови кога сме соочени со пандемија, еве се виде дека не ги забораваме и другите пациенти и очекувам и други пациенти кои се на листи на чекање дека ќе добијат шанса за живот“, рече доктор Жан Митрев.

Семејството на Иле изрази благодарност до семејството на 20-годишната Верче Беловска и до лекарите кои го спасија неговиот живот.

Continue Reading

Инфо +

Еден милион денари за хуманоста на семејството на Верица Белчовска – донација од сопствениците на „Галф Оил“

Published

on

Семејството Стајиќ донираше исто толку и на семејството на Емилија Динева во мај лани, која беше донатор на срцето кое беше првата ваква трансплантација направена во земјава
Семејството Стајиќ, основачи и сопственици на компанијата „Галф Оил“ (Gulf Oil) донира еден милион денари на семејството на трагично починатата Верица Белчовска, кое ги донираше органите, со што нејзиното срце и бубрези спасија живот на тројца млади луѓе, на возраст од 22, 27 и 40 години.

„Да се донесе одлука да се даруваат органите на своето дете во моменти кога го губите засекогаш, потребно е многу сила, љубов и хуманост – да мислите на туѓ живот кога го губите своето најмило. Белчовски во овие моменти се неутешни и не постои збор што може да ја намали нивната болка која им ја гребе душата и не им дава мир. Луѓето кои носат вакви одлуки се посебни. Не постои човек кој не им е бескрајно благодарен, бидејќи ни покажаа дека живот сепак може да се подари“,

велат од семејството Стајиќ, изразувајќи длабоко жалење до фамилијата за прераната загуба.

Семејството Стајиќ лани во мај, донираше исто така еден милион денари на семејството на Емилија Динева, чии органи беа донирани за да се спасат 3 други животи.

Continue Reading
Advertisement
Advertisement

Трендинг

Copyright © 2020 Булевар.мк

error: