Connect with us

COVID 19

Можни рестриктивни мерки на границите поради делта сојот, дозволена вакцинација и на деца 🧪

Published

on

По детектирањето на индиската – делта варијанта на коронавирусот кај пациенти во земјава, можно е воведување мерки на границите при влез во Македонија, но не и реорганизација на она што сега функционира како што се отворени установи со протоколи. До вчерашниот ден во државава се регистрирани десет случаи на заразени со индискиот сој, а вкупно се активни 141 случај на заразени со Ковид-19. Од понеделник ќе почне теренската вакцинација, а ќе се дозволи и вакцинирање на деца од 12 до 16 години со вакцината на Фајзер.

Министерот за здравство Венко Филипче вчера информира дека до крајот на неделава со членовите на Комисијата за заразни болести ќе се дискутира дали сегашната состојба бара воведување некакви рестриктивни мерки. Филипче оцени дека генерално состојбата во земјава и понатаму е мирна и апелираше граѓаните да се вакцинираат на пунктовите, кои од понеделник ќе бидат отворени и нема да има потреба од закажување.

– Евентуално барање на ПЦР тестови или потврди за вакцини или доказ за прележана болест, она што е стандард и во некои од другите земји, но мора да кажам дека ќе видиме каква ќе биде ситуацијата во регионот поради тоа што мерките мора да се усогласени, изјави Филипче.

На новинарско прашање дали евентуалните мерки што би биле воведени на границите ќе важат и за државјаните на РС Македонија кои ќе одат на летување и на враќање ќе мора да приложат некои од потребните документи, Филипче одговори дека доколку се одлучи оти има епидемилошка вредност, тоа ќе важи за сите.

Според него, логично е да се очекува дека новиот сој побрзо ќе се шири, но доколку сме вакцинирани во висок процент и има одреден степен колективен имунитет, колку и да е позаразен, нема да се повтори сликата со претходниот британски сој и тогашниот силен бран.

Последните четири случаи на заразени со индискиот сој се потврдени вчера во лабораторијата во МАНУ и тие немале премногу контакти.

– Имаат патувано во странство. Тоа се две двојки и нема епидемиолошки ризик. Сега епидемиолозите ја вршат таа работа која ја вршеа на почетокот, индивидуални контакти, изолација итн, рече Филипче.

Околу 400 илјади граѓани се веќе вакцинирани од кои 240 илјади се ревакцинирани, а до крајот на оваа недела ќе заврши и вакцинирањето на сите 60 000 пријавени кои добиле термин заедно со граѓаните кои се вакцинирани во Србија.

– Од понеделник ќе почне теренската вакцинација, ќе се дозволи вакцинирање на деца од 12 до 16 години со вакцината на Фајзер што во овој момент е единствена вакцина која е дозволена да се користи согласно препораките во внатрешното упатство за оваа категорија на деца на оваа возраст, потенцира Филипче и додаде дека досега нема нус појави кај вакцинирани деца.

Посочи, дека, се вакцинираат деца во Србија, Грција, Германија, а родителите со деца треба по своја волја да дојдат, што не е задолжително, да се вакцинираат.

Филипче истакна дека според публикации од Англија, таму овој сој бил позастапен кај младите и затоа поминува како полесна форма, а децата се тие кои се трансмитери. Затоа, појасни, сега ставаме акцент и на вакцинација на помладите за да го обезбедиме едукативниот процес во училиштата од септември и за што поголем процент од населението да биде вакциниран.

Академик доктор Александар Димовски од Центарот за генетички инженеринг и биотехнологија при МАНУ истакна дека засега со сигурност се знае дека вакцинацијата спречува развој на тешка форма на болеста.

-Нема потреба да правиме мерки што буквално ќе ја затворат државата. Тоа што знаеме е дека сите вакцини кои се користат сега спречуваат најтешка форма на болеста, хоспитализација и смрт во најголем процент, рече Димовски и упати апел до сите граѓани посебно тие што се во групи од ризик, повозрасни и со хронични заболувања да се вакцинираат, да се заштитат себеси и генерално да се врати ситуацијата во нормала.

Од Министерството за здравство соопштија вчера дека вакцинацијата се одвива непречено на сите
пунктови низ државата. Интересот за вакцинација секојдневно се зголемува, а досега бројот на лица кои изразиле желба за вакцинација преку веб платформата vakcinacija.mk е 492 662 граѓани. Во државата вкупно се аплицирани 627.948 дози вакцини, а ревакцинирани се 237 322 граѓани.

Според податоците што ги објави вчера Институтот за јавно здравје, регистрирани се девет нови случаи со Ковид-19 од 2.743 тестирања. Од нив шест се во Тетово, два во Гостивар и еден во Охрид. Починати пациенти не се регистрирани, а оздравеле десетмина. Со тоа вкупната бројка на КОВИД-дијагностицирани лица во нашата земја од почетокот на епидемијата достигна 155 741, на оздравени пациенти е 150 114, а на починати е 5.486.

Во меѓувреме, во регионот на јужниот албански град Ѓирокастро се регистрани првите два случаи сомнителни дека се заразени со Делта сојот. Извори за Ора њуз информирале дека едниот е студент од село во близина на градот, кој дошол од странство и покажал компликации и симптоми слични на индискиот тип на корона вирусот. -Вториот случај е лице на 45-годишна возраст од Пермет, кое исто така пристигнало од странство. И двајцата се лекуваат во домашни услови и засега нивната здравствена состојба е стабилна, наведува телевизијата.

Како што јави дописничката на МИА од Атина, втор ден по ред, во Грција е регистриран зголемен број нови случаи на Ковид-19, вкупно 1.820 новозаразени, од кои повторно најголемиот дел се во областа Атика, поширокиот регион на Атина, додека пак починаа девет лица.

Според официјалните податоци од Националната организација за јавно здравје на Грција, 1.061 случај е во Атика, 172 се на Крит, 51 во Солун, 50 во Јанина, 18 во Коринт, 14 на островот Миконос (кој веќе е во третата портокалова зона), 12 на Крф, пет на Халкидики итн. Од новите случаи 21 е „увезен“, од кои шест биле откриени на влезните точки во земјата.

Весникот „Катимерини“ објави дека во фокусот на грчката Влада се 82 општини во кои процентот на имунизациска покриеност е под 30 отсто, а се планира ангажирање на локалните власти, наставници, лекари, свештени лица и слично за поттикнување на населението да се вакцинира.

Здравствените власти во Туркменистан, пак, соопштија дека вакцинацијата против Ковид-19 е задолжителна за сите жители на возраст над 18 години, откако регионот на Централна Азија објави зголемување на бројот на нови инфекции. Туркменистан не пријавил случаи на инфекција со коронавирусот, но воведе голем број ограничувања, како што е задолжително носење заштитни маски за лице. Соседен Казахстан воведе задолжителна вакцинација за широк спектар на вработени во јавниот и приватниот сектор.

И Јужна Кореја потврди повеќе од 1.200 нови случаи на коронавирус во изминатите 24 часа, што е најголем дневен број од крајот на декември минатата година. Премиерот Ким Бу-кјум изјави дека мерките за социјално дистанцирање ќе бидат продолжени за следните неколку денови, а властите ќе одлучат дали ќе ги заострат постоечките правила, во момент кога земјата се бори со четвртиот бран на пандемијата, предизвикан од многу заразниот делта сој на коронавирусот. Вирусот брзо се шири меѓу невакцинираното население, главно на возраст меѓу 20 и 30 години, а премиерот упати апел луѓето превентивно да се тестираат.

COVID 19

Стевановиќ: Модуларните болници спасија многу животи

Published

on

Илјадници пацинети кои се лекуваа беа спасени, вели во интервју за РСЕ директорката на Клиниката за инфективни болести, Милена Стевановиќ, откако пожарот во Тетово однесе 14 животи.

– Видете, јас верувам дека се безбедни. Сите тие имаат свој технички прием и градежни документи без никаква замерка. Еве да зборувам за модуларната болница која има капацитет дури од 70 легла и е припиена кон Клиниката за инфективни болести. Да ве потсетам, илјадници пациенти беа спасени од тешка клиничка слика од ковид, од средно тешка клиничка слика на ковид и ние не можеме да кажеме дека модуларната болница не е начин за едно квалитетно згрижување и третирање и нега на пациентите, изјави Стевановиќ на едно од прашањата.

Директорката тврди дека многу пациенти кои не верувале во болеста пред да дојдат на клинката, на цела среќа многумина од нив се излекувани и на еден многу потежок начин го смениле ставот и ја откриле вистината.

Continue Reading

COVID 19

Американска студија: Невакцинираните имаат 11 пати поголеми шанси за да починат, отколку вакцинираните луѓе

Published

on

Надлежните со постојани апели за вакцинација, која е единствениот излез од пандемијата. Нова студија изработена во САД покажува дека вакцините против Ковид-19 обезбедуваат силна заштита од хоспитализација и смрт, дури и во случаи кога се работи за многу позаразната делта варијанта.

„Студијата, која следеше на 600.000 луѓе од април до средината на јули, покажа дека луѓето кои не биле вакцинирани имале повеќе од 10 пати поголема веројатност да бидат хоспитализирани и 11 пати поголеми шанси да починат, отколку оние кои биле целосно вакцинирани“ пренесува Гласот на Америка.

Невакцинираните луѓе имале 4,5 пати поголема веројатност да се заразат, се вели во студијата објавена од американскиот Центар за контрола и превенција на болести (ЦДЦ).

ЦДЦ, исто така, објави две други студии кои покажуваат дека заштитата добиена од вакцини опаѓа кај постарата популација, особено кај оние на возраст од над 75 години.

Луѓето се уште се со поделени мислења околу вакцинацијата, за едни таа претставува враќање на живтот во нормала, други пак тврдокорно ја одбиваат неверувајќи во ефикасноста на постоечките вакцини. Како во светот, така и кај нас властите преку кампањи и рестрикции се обидуваат луѓето да се вакцинираат во што поголем број, но многумина сметаат дека вршењето притисок преку рестрикциите не е демократски чекор.

И покрај тоа што речиси никаде пандемијата не е стивната, ширум светот секојдневно се организираат протести против рестриктивните мерки.

Continue Reading

COVID 19

Короната ќе премине во настинка, нема да има потреба редовно да се вакцинираме!

Published

on

Веројатно нема да има потреба редовно да се вакцинираме против корона еднаш во годината, како што многумина сега мислат, бидејќи со текот на годините природниот и колективен имунитет ќе биде доволен да ја сведе короната на мала настинка во светот, објаснува хрватскиот имунолог Златко Тробоњача од Медицинскиот факултет во Риека, пишува Индекс.

– Како што се очекуваше, дојдовме до високо заразниот делта-сој. Заразува голем број луѓе, помеѓу петмина и 10-мина, исто како сипаниците. Ова не е ништо неочекувано, имаме и релативно мал број вакцинирани луѓе (во Хрватска), па беше очекувано – рече Тробоњача во гостување во Студио 4 на ХТВ.

Хрватскиот имунолог ги повика Хрватите да се вакцинираат бидејќи вакцината помага да се спречи долг ковид и болничко лекување. На прашањето зошто има толку невакцинирани во неговата земја не знаеше да даде единствен одговор:

– Тоа вклучува многу фактори, погледнете ги источните земји, земјите од социјалистичкиот блок имаат помалку вакцинирани отколку на запад. Тоа е наследство на социјализмот, помала доверба во државите. Луѓето исто така не им веруваат на официјалните институции, но слушаат до паранаучни, ненаучни информации кои се шират по социјалните мрежи. Имате многу луѓе во болниците кои велат: „Ех, да бев вакциниран, ова немаше да ми се случи сега“-вели тој.

Третата доза штити 15 пати повеќе од тешки форми на ковид-19
Тој, исто така, посочува дека се надевал дека луѓето ќе бидат вакцинирани во неговата Хрватска во поголема мера во текот на летото, за да бидат подготвени за есен, но дека тоа уште не е така. Тој коментираше и за вакцинирањето со трета доза.

– Успешно штити. Израел започна со третата доза кон средината на јули, ги вклучи сите над 50-годишна возраст. Податоците што пристигнаа покажуваат дека зголемувањето на неутрализирачките антитела, дури десет пати, нѐ штити од инфекција 11 пати, а до 15 пати од тешки форми на болеста во споредба со втората доза. Секако дека третата доза е добра за заштита, мислам дека сите ранливи граѓани треба да се вакцинираат со третата доза – вели тој.

Меѓутоа Тробоњача посочи дека оние кои биле вакцинирани двапати и кои закрепнале од ковид-19 не мора да се вакцинираат со третата доза.

– Имаат многу добар имунитет и мислам дека ќе ги заштити барем една година – додава тој.

Дали тоа значи дека ќе треба да се вакцинираме секоја година?

– Зависи дали има епидемија или не. Не верувам дека ќе се вакцинираме против коронавирусот цело време, мислам дека порано или подоцна ќе стапиме во контакт и ќе создадеме соодветен имунитет. Тоа ќе нè заштити до одреден степен. Ќе имаме имунитет, кој ќе нè заштити од потешки форми. Верувам дека САРС-КоВ-2 на крајот ќе се претвори во некаква форма на настинка, што многу ретко води до некои посериозни компликации – вели тој.

Децата од 12 до 16 години треба да ги вакцинираме како во Америка
Ако претходно сте биле вакцинирани и сте во контакт со вирусот, може да очекувате благи симптоми. Што се однесува до вакцинирањето на децата, Тробоњача вели дека, на пример, САД препорачуваат да се вакцинираат деца на возраст од 12 до 16 години.

– Децата не страдаат најчесто од потешки форми на оваа болест, но тие учествуваат во преносот на вирусот кај населението. Не постојат главни причини зошто децата не треба да се вакцинираат или зошто децата треба да се вакцинираат. Одлуката е на властите што да прават – рече тој.

Краток ќе биде есенскиот бран на корона, најгусто во октомври
Тој очекува четвртиот бран да не биде долг, поради фактот што се шири брзо.

– За некои недели ќе биде многу интензивно, за жал, делта-сојот може да носи голем број тешки случаи и поголема смртност. Според новите податоци, делтата е повирулентна од британскиот сој. Во просек, предизвикува двојно повеќе хоспитализации кај невакцинираните. Очекувам бранот најмногу ќе се засили негде на почетокот или средината на октомври – заклучува Златко Тробоњажа.

Continue Reading
Advertisement
Advertisement

Трендинг

Copyright © 2021 Булевар.мк