Connect with us

Македонија

Мехмети: Не прашувајте како изгоре болницата-Таа ја ИЗГОРЕВМЕ СИТЕ!

Published

on

Не прашувајте како изгоре тетовската болница – таа ја изгоревме сите!

Има моменти кога зборовите немаат значење, кога болката ја надминува болката и кога треба да и се предадеме и да ја почувствуваме исто како и роднините на оние што отишле да се лекуваат, но никој не видел како испуштиле душа.

И додека ние тивко ќе ја доживееме болката на оние што ги загубија своите најблиски, ќе откриеме дека тагата ги поставува прашањата што ние не си ги поставуваме во вистинско време, како на пример како станавме општество каде што скоро секој ден ја палиме нашата сегашност, каде што секој ден нашата куќа што ни ја даде Господ е покриена со ѓубре, како станавме општество каде никој не одговара за ништо, како станавме земја што не ги сака своите деца и каде некои имаат корист од изградбата на болници и од отворање на гробиштата каде што не погребуваат!?

Па, шокантната трагедија што Тетово ја доживува денес и сите ние, може дури и да се дојде до одговори за кои се правиме дека не ги знаеме, како што е фактот дека сите ние Албанците во Македонија ја запаливме модуларната болница во Тетово, ние што со сопствена рака изградивме неодговорни општества, ние што и животот и смртта ги оставивме во рацете на оние што бараат брзо разјаснување на нашиот трагичен календар, правејќи се дека не гледаат колку го оцрнија нашето колективно лице.

Денес, кога Македонија ја доживува оваа ужасна болка, не барајте одговорност од никој друг освен од себе си. Бидејќи само на овој начин ќе можеме да видиме дека надвор од болката што ја доживуваме денес, лежи нашиот колективен грев од последните децении, за време на кој многумина имаа корист и од смртта и од нашите животи.

Пишува: Ким Мехмети, албански писател од Македонија.

Извор: https://tetova1.com/mos-pyetni-si-u-kall-spitali-i-tetoves-ate-e-kallem-te-gjithe-ne/

Македонија

Зошто СЕ КРИЕ СПОМЕН СОБАТА ЗА ГОЦЕ ДЕЛЧЕВ во црковниот комплекс Свети Спас?

Published

on

Спомен-собата на апостолот на македонската револуционерна борба, Гоце Делчев која се наоѓа во црковниот комплекс Св. Спас, каде се наоѓа и неговото вечно почивалиште, од доаѓањето на СДС(М) на власт успешно се крие од очите на јавноста, велат од Комисија за култура на ВМРО-ДПМНЕ.

Тие додаваат дека иако во истиот комплекс е вдомен и Конзерваторскиот центар – Скопје, сепак останува нејасно зошто власта и институциите задолжени за промоција на ликот и делото на Делчев остануваат неми и незаинтересирани за промоција и презентација на биографската историја на македонскиот великан, за чија намена беше обновена спомен-собата со едукативна цел и намена – македонските и странските посетители на ова култно место да се запознаат со ликот и делото на македонскиот револуционер.

ВМРО-ДПМНЕ: Зошто СДС ја крие спомен собата на Гоце Делчев во Св. Спас? -  24 Инфо

– Проектот „Осовременување на постојаната музејска поставка Гоце Делчев – наш незаборав и вечен патоводител“ беше инициран и реализиран во периодот од 2013 до 2015 година, во време на владеењето на ВМРО-ДПМНЕ, одобрен и фининсиран од Министерството за култура. Овој успешно реализиран проект за Делчев, денес во очи на неговиот роденден и јубилеј 120 години од загинувањето, тоне во заборав. Mузејската поставка фаќа прашина зад затворените врати, далеку од очите на јавноста, целосно игнорирана и заборавена од институциите на власта, потенцираат тие.

Нова музејска поставка во Спомен-собата на Гоце Делчев | skopjeinfo.mk

Според нив ваквиот девaстирачки пристап на Владата на СДС(М) кон сè што е македонско продолжува  успешно да се реализира, издигнувајќи се до степен на сопствена автоцензура, кога станува збор за промоција и презентација на македонската историја, притоа, плашејќи се и криејќи се од сопственото минато, свесно премолчувајќи сѐ што е поврзано со македонската историја, со една единствена  цел – да им се удоволи на уцените и барањата на соседите.

– Ваквиот наратив на македонско национално обезличување започнато во 2017 година метастазира на секое поле, па дури и со првиот симбол на Македонија, таткото на нацијата, Гоце Делчев. Од 2017 година изминаа повеќе чествувања и по повод раѓањето и по повод смртта на Делчев, а нему посветената и обновена музејска поставка сѐ уште не е претставена пред македонската јавност. Токму затоа институциите на власта се должни да дадат одговор пред македонската јавност: Зошто ја кријат спомен-собата на Гоце Делчев во комплексот Св. Спас подалеку од очите на народот? – прашуваат тие.

Continue Reading

Македонија

ГОЦЕ Е МАКЕДОНИЈА – 20 метарско платно за Делчев (ФОТО+ВИДЕО)

Published

on

Градскиот комитет на УМС на ВМРО-ДПМНЕ во пресрет на утрешното чествување на роденденот на нашиот великан Гоце Делчев во истоимениот студентски дом  направи акција за да ги потсетиме сите дека Гоце е Македонија, дека Гоце Делчев е фигура којашто обединува и да кажеме НЕ на сите обиди на македонската Влада или на некои странски Влади да го злоупотребат споменот на Гоце Делчев за внесување поделби и раздор во македонското општество, рече Борис Шамбевски од ВМРО-ДПМНЕ.

На овој чекор се решивме бидејќи бевме сведоци на невештото и по малку сервилно и недостоинствено постапување на властите во Македонија, почнувајќи од претседателот, парламентарното мнозинство и Владата кои чествувањето на споменот на нашиот великан го направија безбедносно прашање за кое дури заседаваше и Советот за безбедност, додаде тој.

Тој потенцира дека Гоце е најобединувачката фигура во македонската историја, дека Гоце Е Македонија и дека аманетот на неговото дело чиј плод е независна Република Македонија ниту ќе биде заборавен, ниту ќе биде напуштен од овој народ и обидите на Владата со делување и неделување да ја искористи оваа најсветла фигура од македонската историја за понатамошна поделба на македонското ткиво не може и нема да им успее.

–  Исто така дел од аманетот на Гоце е онаа славна и визионерска реченица за светот како поле за културен натпревар помеѓу народите. И во тој дух ги повикувам сите млади луѓе на мирно и достоинствено одбележување на споменот на овој великан онака како што нему и нам ни доликува, а оние било од земјава или од надвор што ќе се обидат да го злоупотребат овој лик за креирање на поделби во ова општество ниту му мислат добро на истото, ниту се достојни на ликот и делото на Гоце, а оние кои доаѓаат од странство, ниту пожелни во оваа држава, рече тој.

Истакна сите останати без разлика дали од земјава или од странство се добредојдени да му се поклонат на овој македонски великан.

–  Ова ви го кажува човек во чиешто семејство има жртви за идејата на Гоце – независна Република Македонија, рече Шамбевски.

Continue Reading

Македонија

Антикорупциска со КРИВИЧНА за Наумче Мојсовски

Published

on

Државната комисија за спречување на корупцијата (ДКСК) на денешната 81 седница донесе одлука да достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови.

ДКСК до Владата ќе достави и иницијатива за утврдување одговорност на овие лица, а до УЈП за извршување надзор на сите субјекти од областа на спортот во поглед на користење на средствата преку т.н. ваучер систем во периодот од 2020, 21 и 22 година.

Наумче Мојсовски е новиот директор на Агенцијата за млади и спорт

Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства.

ДКСК, исто така, смета дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС.

Членот на ДКСК Владимир Георгиев, појасни дека во 2021 година биле анализирани постапките и активностите при спроведување и користење на средства при доделување на ваучери од Агенцијата за млади и спорт и централната комисија, како и за пропустите и непочитувањето на Законот од страна на дел од федерациите и спортските клубови при конкурирањето, нивното користење на средствата и отчетност.

Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари.

  • Не почитувајќи ги критериумите за доделување средства по ваучер системот постојат сомнежи дека Централната комисија во континуитет од 2020 година досега врши незаконска распределба, односно доделување ваучери на повластени корисници, федерации и клубови, согласно интересот на поединци и групи, можеби и политички партии и ги ставиле во неповолна положба оние спортски субјекти кои не добиле соодветни средства, иако тоа право законски им припаѓало, изјави Георгиев.              

Според ДКСК, постои сомневање дека претседателот и членовите на централната комисија во 2020, 21 и 22 година, по пат на искористување на службената положба и несовесно работење, заобиколувајќи ги законските процедури извршиле распределба на средства, со што го оштетиле буџетот на државата, но и лицата кои имале законско право на вакви средства, а не им биле доделени.

Билјана Ивановска, претседателка на ДКСК

Претседателката на ДКСК Билјана Ивановска, посочи дека тие не се против доделување средства на клубовите, туку да се направи праведен систем без фаворизирање.

-Не гледаме дека сите препораки кои го дадовме се правилно применети, така што јасно е дека овој систем не дава соодветни резултати. Се надевам дека овие податоци ќе бидат доволна основа за законски измени кои ќе изградат праведен систем, порача Ивановска.

ДКСК, исто така, изразува загриженост и тоа што со законските измени од јануари минатата година, членовите на централната Комисија се именуваат по предлог на Владата, без утврдени критериуми за нивниот избор. 

Continue Reading
Advertisement
Advertisement

Трендинг

Copyright © 2021 Булевар.мк