Connect with us

Хуманост

На малата струмичанка ЕМИЛИЈА која БОЛЕДУВА од вирусен ЕНЦЕФАЛИТИС и е потребно ЛЕКУВАЊЕ надвор од Македонија

Published

on

КЛИКНИ ОВДЕ ЗА ДОНИРАЊЕ: https://www.gofundme.com/f/lets-all-together-bring-emilijas-smile-back?utm_source=facebook&fbclid=IwAR27_mEXrYCz1ncOid1E04JY_te-i7NpUMxDQh0un6JiidSBUZF0kfmeegY

Здраво на сите, на прикачените слики се нашите два мали ангели, 9 -годишните близначки Емилија и Елена. На 26 јули 2021 година, по 4 дневна настинка, додека Емилија седеше во нивната соба со нејзината сестра близначка имаше епилептичен напад, итно беше пренесена во локалната болница во Струмица, Македонија од каде итно беше пренесена во Универзитетската детска болница во Скопје. Таму и беше дијагностициран вирусен енцефалитис, предизвикан од вирусот Западно Нилска треска од каснување од комарец.

Поради брзо и прогресивно влошување на нејзината здравствена состојба, таа беше префрлена на интензивна нега и мораше да биде ставена во медицински индуцирана кома. По нешто повеќе од еден месец на интензивна нега, нејзината состојба беше стабилизирана, но неконтактна, од тешката состојба се афектирани и онеспособени сите моторни, визуални и говорни функции. Лекарите во Македонија и препорачаа дека итно и е потребен невролошки третман за рехабилитација, интензивна работна терапија, интензивна физикална терапија и рехабилитација во центри специјализирани за пациенти во таква состојба, кои не се достапни во Македонија.

Тие препорачаа да се бараат такви болници во Турција, Словенија или Германија. Неколку болници негираа да ја прифатат или поради состојбата во која се наоѓа или поради пандемија со Ковид. Пред два дена таа беше пренесена во болницата Аџибадем во Истанбул, Турција и во моментов се во тек испитувања од тамошните лекари да можат да дадат одговор со конечната одлука дали може да продолжи нејзиното закрепнување таму и колку ќе чини, во меѓувреме добивме одговор од детската болница Хегау-Југендеверк во Германија дека ќе можат да ја прифатат пациентката доколку нејзиното лекување не може да се продолжи или успешно да се заврши во Истанбул, Турција, а трошокот ќе изнесува 60 200 евра (70 000 американски долари), дополнително на трошоците од 5000 евра потрешени за нејзиното транспортирање до Истанбул со амбулантна кола и придужба на медицинска екипа, како и сите други дполнителни трошоци доколку треба да биде транспортирано во Германија од Истанбул.

Сите овие медицински сметки стават огромен товар врз секое семејство овие денови, и никој не може да биде подготвен за такво нешто, и како што може да се види, болницате бараат однапред да се плати целиот износ, и додека се чека конечниот одговор од Аџибадем во Истанбул, во име на Емилија и нејзините родители, јас, заедно со сите нивни роднини и пријатели, одлучивме да ја започнеме оваа кампања и да помогнеме со овој финансиски товар, и сите заедно да ја вратиме насмевката на лицето на Емилија и повторно да бидат едно цело заедно со нејзината сестричка Елена.

ВЕ МОЛАМ ПОМОШ!

p.s тука е линк на google drive со сите приложени документи, и ние ќе продолжиме да ги ажурираме сите документи кога ќе станат достапни.
КЛИКНИ НА ЛИНКОТ: https://drive.google.com/drive/folders/1vdU4OpD4ZaE56CKdsZe1aFY55X-mRztg

Скопје

(Фото) Никој не заслужува вака да си оди од овој свет❗

Published

on

Твит на денот:

Continue Reading

Забава

Емотивно Видео: Под прозор на Клиника, им пееја на децата на хематологија во Скопје

Published

on

Родители на деца кои победиле ка*цел, средношколци и други лица, синоќа пееја за децата од хематологија. Видеото се појави на социјалните мрежи, а иницијативата е на Марија Тасев, пренесува Скопје 24.

Пеевме за дечињата од хематологија. Секоја сабота во 20 часот ќе има пеење. Ти честитам Марија Тасев за иницијативата и честа вака граѓански да се вклучиме во една хумана мисија. Го снимив видеото единствено за да знаете дека и вие некоја сабота можете да им ја развеселите вечерта на овие деца кои цела година немаат излезено од клиниката. Вечерва имаше средношколци, родители на деца што победиле кан*ер, но и други граѓани како нас што едноставно сакаме да развеселуваме детски срца“, стои во објавата.

Видеото погледнете го со клик ТУКА.

Continue Reading

Македонија

Марко Пејчиноски втор пат плива во водите на Охридското Езеро за поддршка на децата со ретки болести 😇

Published

on

Пливачот Марко Пејчиноски денеска по вторпат плива во водите на Охридското Езеро во знак на поддршка на децата со ретки болести. Тимот на Марко на социјалните мрежи извести дека тој го започнал пливањето во 07:18 часот на релација Охрид-Струга-Охрид.

Активистката Гордана Лолеска вели дека поддршката која доаѓа од дете кое и самото го носи товарот на својата болест и кое несебично ја дава поддршката на децата со ретки болести значи многу, не само за организациите, туку и за самите дечиња кои се соочуваат со тешките предизвици.

– Слоганот на овој настан е „Never give up“, а всушност е и порака која Марко ја упатува до децата со ретки болести и нивните семејства. Нека биде и порака до системот, до институциите креаторите на политики и донесувачи на одлуки дека и ние, самите пациенти и родители на деца со ретки болести, не се откажуваме од нашата борба за правичност на пациентите со ретки болести. Оваа година акцент се става кон воведување неонатален скрининг на новороденчиња исклучително важен кон навремено поставување дијагноза и нејзино третирање, вели Лолеска.

Под мотото „Весламе за ретките“, по втор пат, се одржува и веслачка тура на Црн Дрим во која учествуваат струшки кајакари и поддржувачи на лицата со ретки болести. Организатори на настанот се струшкиот хотел „Београд“ и Спортскиот клуб „Соларис“.

– Овој настан денеска ќе се реализира под слоганот „Alone we are rare but together we are strong“ што всушност е и порака дека не сме сами во оваа наша борба за видливост, потенцира Лолеска.

Минатата година кампањата се прикажуваше на 49 национални, регионални и локални и два сателитски медиуми низ државата. И оваа година, покрај на македонски јазик, проектот има и албанска верзија. 

Continue Reading
Advertisement
Advertisement

Трендинг

Copyright © 2021 Булевар.мк