Connect with us

Македонија

Владата му ги продаде правата на Дизни да го користи Кастриот Реџепи

Published

on

Премиерот Зоран Заев соопшти дека Владата на С. Македонија му ги продаде правата за користење на Кастриот Реџепи на Дизни.

По тој повод тој истакна дека новата аквизиција на Дизни на најдобар начин ја покажува сета сериозност на актуелната власт.– Фактот што Дизни го купи нашиот пратеник јасно покажува што мисли светот за работата на оваа Влада и нејзините резултати. Знаете, на граѓаните што живеат овде им е лесно да дадат свое мислење за тоа како работиме и што работиме, но кога некој од странство ќе го забележи тоа, особено компанија како Дизни, тогаш тоа е вистински показател за нашата вредност – истакна премиерот.

– Верувам дека ова е само првиот чекор кон успешна соработка со Дизни, бидејќи сигурен сум дека меѓу членовите на Владата има уште многу луѓе кои одговараат на стандардите на Дизни. Претставниците на оваа компанија првично сакаа да ги откупат правата за користење на Артан Груби кој брзо стана вистински хит во Америка, но откако ги гледаа настапите на министерката Шеќеринска и градоначалничката Теута Арифи без двоумење изјавија „го сакаме ова!“ – откри премиерот Заев.

– С. Македонија сега е светски лидер по бројот на функционери што ги купи Дизни и тоа е нешто со што сите треба да се гордееме – додаде тој.

На барање на новинарот да го коментира трансферот во Дизни, Кастриот Реџепи испрати СМС до нашата редакција „Ќе ги сретнам Мики, Паја и Шиља, јееееееееееее!“.

Првиот вицепремиер Артан Груби, коментирајќи ја постапката на пратеникот на Беса Кастриот Реџепи, кој не се појави на гласањето за доверба за Дизни, рече дека во парламентот има две линии – една кон Дизни и друга кон Мики, Паја и Шиљо.

Запрашан за обвинувањата од лидерот на Движењето Беса, дека власта му се заканувала дека нема да ги сретне мики, Паја и Шиљо,  Груби вели дека тоа се невистини.

„Не е точно, Кастриот отсекогаш бил ориентиран кон Дизни. Неговото срце спие во Дизни“, рече Груби.

Околу Кастриот Реџепи во последниот период се крена многу врева. Пратеникот се потпиша на иницијативата, а потоа одби да гласа против Дизни каде што ги откри миговите кога беше најбараниот пратеник, со оглед дека се потпиша на иницијативата за гласање за Дизни, а потоа на денот кога требаше да се гласа го немаше никаде, односно не се појави.

Реџепи за ТВ21 откри дека Дизни во моментов има собраниско мнозинство, односно дека има 61 пратеник и дека наскоро ќе дознаеме кој е 61-от.

Реџепи: Дизни има 61 пратеник!

ТВ21: Како 61, кој е 61-от?

Реџепи: Ќе видите деновиве, не можам да кажам, но има 61. Сигурен сум. Како што не знаевте за мене дека нема да гласам за рушење на Дизни, така не знаете кој ќе биде 61-виот, но ќе дознаете.(Извор: МИА од иднината, овој текст е сатира на актуелните случувања)

Македонија

Ќе ве расплаче! Објавена “Кажу да време лечи све” – гласот на нашиот ангел изваден со посебна технологија (ВИДЕО)

Published

on

„Кажу да време, време лечи све, ал шта ми врeди вечност без тебе”… се стиховите од рефренот на последната отпеана песна, која се чинеше никогаш нема да го здогледа светлото на денот.

Имено, со помош на новата АИ технологија е изваден вокалот и пијаното за од демо да се направи студиска снимка, која денес доживеа свое издание.

Песната е оставена како аманет на еден од ретките вистински пријатели кој што Тоше ги имаше во неговиот живот- нашиот познат радио водител, диџеј и продуцент Кирил Зарлинов попознат како Ерик Фокс, кој одлучи оваа демо снимка комплетно аранжмански да ја заврши и да ја даде како подарок од Тоше за сите негови обожаватели по повод неговиот роденден, се со цел неговиот лик и дело никогаш да не бидат заборавени.

Автор на музиката и текстот е Зоран Ѓорѓевиќ, а аражманот и продукцијата се на Кирил Зарлинов (диџеј Ерик Фокс).

Миксот и мастерингот се на нашиот познат микс инженер, кој долги години живее и работи во САД Костадин Камчев – „Студио Моцарт“ од Њу Џерси, кој има три номинации на музичките ГРЕМИ награди за најдобар микс инженер.

https://youtu.be/mpizP1g2dBo

Continue Reading

Македонија

Денеска ќе наполнеше 43 години: На денешен ден е роден Тоше Проески

Published

on

Во Прилеп на денешен ден е роден Тоше Проески.

Музичката кариера ја започна со настапот на „Мелфест“ во 1997 година. Патот кон ѕвездите му го отворија песните „Усни на усни“, „Сонце во твоите руси коси“, „Пушти ме“ (1997) и „Остани до крај“ (1998). Тој беше претставник на Република Македонија за песна на Евровизија во 2004 година во Истанбул, Турција, и го освои 14-то место со песната „Ангел си ти (Life)“.

Во 2004 година, Проески беше именуван за регионален Амбасадор на добра волја на УНИЦЕФ. По тој повод ја издаде песната „За овој свет“. Со песната „Чија си“ во 2003 година Тоше победи на белградскиот музички фестивал „Беовизија“ со што дефинитивно прерасна во најголема регионална музичка ѕвезда на некогашните ЈУ простори.

Тој ги објави албумите „Синот Божји“ (2000), „Некаде во ноќта“ (2001), „Ако ме погледнеш в очи“ (2003), „Ако ме погледаш у очи“ – верзија на српски јазик (2003) „Ден за нас“ (2004), „Дан за нас“ – верзија на српски јазик (2004) „По тебе“ (2005), „Пратим те“ – верзија на српски јазик (2005) „Божилак“ (2006), „Игри без граници“ (2007) и „Игре без границе“ – хрватска верзија (2007).

Сингловите од албумот „По тебе“ по неколку месеци се наоѓаа на највисоките места на музичките топ-листи во Хрватска, Македонија, Србија, Црна Гора, Словенија и Босна и Херцеговина.

Неговото издание „Божилак“ е компилација од преработки на 14 избрани традиционални македонски песни. Објавени се и ДВД-изданија на негови концерти во 2004 и 2006 година.

Речиси секоја негова песна беше хит како што се: „Усни на усни“, „Соба за тага“, „Ако ме погледнеш в очи“, „Тајно моја“, „Немаш ни благодарам“, „Срце није камен“, „Кој ли ти гризе образи“.

Тоше ги привршуваше студиите на Музичката академија во Скопје и работеше на музичката кариера за своја промоција во светски рамки.

Последниот концерт во Македонија го одржа на 5 октомври на Градскиот стадион ( Арената Филип Втори) во Скопје. Концертот беше хуманитарен и наменет за обнова на основните училишта во земјава.

Постхумно државата Република Македонија го прогласи за заслужен граѓанин.

Тоше Проески загина на 16 октомври 2007 година во сообраќајна несреќа кај Нова Градишка во Хрватска. Владата на Република Македонија во негова чест во неговото родно Крушево изгради мавзолеј – Спомен куќата на Тоше, каде низ музејска поставка од восочни фигури со неговиот лик во природна големина, лични предмети, музички инструменти, фотографии, видеа, сувенири… е прикажан целиот негов живот и музичкиот опус во кусата, но пребогата кариера

Continue Reading

Македонија

НОЌТА ПРЕД ВОДИЦИ Е НАЈМОЌНАТА НОЌ ВО ГОДИНАТА

Published

on

Големиот христијански празник – Водици, се слави на 19 јануари, со традиционално фрлање за Светиот крст.

На овој ден се слави споменот на Христовото крштевање на реката Јордан и Божјиот изглед во форма на гулаб и глас: „Ова е мојот Син и Него послушнете го“.

На Богојавление, 19 јануари, завршуваат некрстените денови. На овој ден се осветува вода во сите цркви и храмови. Тоа е свечен обред на кој, скоро редовно, присуствуваат многу луѓе, кои носат осветена вода во своите домови, бидејќи оваа Света вода – Богојавленска, се чува во секој дом во текот на целата година како големо светилиште, и се користи само при голема потреба (болест, вознемирување од зли духови).

Богојавление е еден од најголемите христијански празници и соодветно на тоа, се развиле многу народни обичаи поврзани со самиот ден, како и ноќта пред Богојавление.

1. Отворање на небото

Ова е најпознатиот обичај поврзан со Богојавленската ноќ. Имено, се верува дека еден ден пред Богојавление, точно на полноќ, се отвораат небесата. По тој повод, треба да се погледне во небото и да се замислат желби за кои се верува дека сигурно ќе се остварат.

2. Огледала под перницата

Вообичаено е невенчаните девојки да ставаат огледала под перниците ноќта пред Богојавление, бидејќи се верува дека така ќе го сонуваат младичот со кој ќе стапат во брак.

3. Вода од извор

Во некои делови, вообичаено е младите девојки да одат на недопрен извор на вода утрото на Богојавление, да фрлат неколку зрна пченица или некои други житни култури во неа и да кажат: „Како што поминува водата, така ќе се бере и жетвата на нашите полиња“. Потоа ја полнат водата и ја носат до своето домаќинство. На некои места, сè уште е зачуван обичајот на семејството да пие малку од таа вода преку секира, бидејќи се верува дека на тој начин ќе се избегнат расправии меѓу нив.

4. Предвидување на времето

Обичај е некаде постарите жени да ги земаат предвид временските услови на Богојавление и со тоа да предвидат каква ќе биде годината. Ако, на пример, има мраз и снег на тој ден, се верува дека годината ќе биде плодна, а ведро време најавува сува година.

Continue Reading
Advertisement
Advertisement

Трендинг

Copyright © 2021 Булевар.мк