Connect with us

Македонија

„Македонски манифест“ испрати отворено писмо до Владимир Путин

Published

on

Здружение за одбрана на македонизмот, македонското Име и постоење меѓу народите, „Македонски манифест“ испрати отворено писмо до претседателот на Русија, Владимир Путин.

Писмото го пренесуваме во целост.

Почитуван Владимир Путин, претседател на Руската Федерација; Добар ден. Сакаме нашево писмо во пресрет на 22-та година од ова травматично столетие на третиот милениум по Христа да ве затекне во добро здравје и расположение. Во добро затоа што знаеме колку многу сте натоварени со грижи и несоници за својата Родина, која денес е без причина сатанизирана од западната колонијалистичка цивилизација. Таа, како што добро знаете, почна уште веднаш по Втората светска војна, во која рускиот народ пред да го забие советското знаме на Рајхстагот во Берлин даде 27 милиони драгоцени жртви, факт што некој арогантно го игнорира.

Почитуван претседателе Владимир Путин, вие сте челник на голема и силна земја, која има моќ да се брани и одбрани од секаков непријател. Покрај другото гарант на тоа е и храброто срце на рускиот народ бескрајно вљубен во својата Родина. Но со нас Македонците не е така. Ние, некогаш големи, сега сме како синапово зрно мал народ, „столчено племе“, како што вели нашиот поет Блаже Конески. Такви, ние не можеме реално да се браниме и доодбраниме од моќната евроатланска машинерија, која има мирис на модерен фашизам. Имено, како што знаете таа воено-профитерска машинерија, благодарение и на нашата квислиншка влада што ја постави за таа цел, нѐ ликвидира идентитетски преименувајќи нѐ. Со други зборови, изврши врз Македонците идентитетски геноцид, смрт која според антрополозите е најстрашната од сите видови смрт. Начин за да се пресечат жиците на струјата низ која до срцето и свеста на еден народ дотекува меморијата на генезата, на генеричкиот идентитет. Тоа е всушност новиот софистициран либерален неофашизам на колонијалистичкиот Запад.

Вие тоа добро го знаете почитуван Владимире Путин. Знаете дека една од целите на тој макијавелистички проект е и намерата со ликвидација на меморијата на Македонците да се ликвидира и нивната генеричка свест за братство со словенството, и посебно со Русија и Русите, на нивната љубов кон нив. Да ја укинат нивната цврста генеричка поврзаност по основ на срцето, јазикот и писменоста, како и на христијанството и христинијазирањето на Русија од Охридската архиепископија, за што имаат пишувано еминентни руски, македонски и други слависти. Знаеме во тој важен контекс, на пример, и дека првите руски христијански мартири и светци Глеб и Борис, заштитници на руското небо, по мајка се Македонци. А има ли подобар знак за крвната родствена врска меѓу Македонците и Русите?

Почитуван претседателе Владимир Путин, постојат уште многу архетипски знаци за македонско-руското родствено пријателство, за нивната сијамска близначка врска. Нашите заеднички непријатели добро го знаат тоа и, имено, токму затоа сакаат да создаваат преку валкана пропаганда длабок шизофреничен јаз меѓу Македонците и Русите, кои се всушност фиданки на иста генеза, генеричка душа и мемориска светст. На тоа работат и секаквите таканаречените квислиншки „невладини“ организации кај нас, специјално формирани за таа цел од демонот на модерната цивилизација Сорос и од американскиот УСАИД.

Да. Тоа е реалната ситуација во Македонија, почитуван претседателе Путин. Но она што сакаме да ви го кажеме ние од Македонски манифест, пишувајќи ви по втор пат, е дека оваа антируска кампања кај Македонците однапред е осудена на неуспех. Премногу се длабоки корењата на родсвеното Дрво на животот што ги спојува срцата на Македонците и Русите за да бидат уништени тие. Оттука, исклучена е секоја можност дека Македонците во еден евентуален судар меѓу северноатланската НАТО алијанса и Русија Македонците ќе војуваат против братска Русија. Не. Тоа е невозможно, оти тоа би бил најсрамниот и најголем историски парадокс. А тоа нема да се случи.

Ете. Не сакаме, иако има уште многу нешта да споделиме со Вас, да биде предолго нашево писмо кон Вас, претседателе Владимир Путин. Сакаме само на крајот од него уште еднаш да ви посакаме во пресрет на Новата 2022 крепко здравје и ведрина лично на Вас, Вашето семејство и на братскиот руски народ цврсто збратимен со срцето на македонскиот народ.
Со длабока и искрена почит,
Македонски манифест

За Македонски манифест:

Ефтим Клетников – поет

Агатангел – Митрополит повардарски

Проф. Стојан Стојков – композитор

Проф. Запро Запров – диригент

Проф. д-р Цветан Гавровски – универзитетски професор

Проф. д-р Слободан Пренџов – универзитетски професор

Проф. д-р Наташа Котлар – историчар

Ристо Никовски – амбасадор

Фима Клетникова – поетеса

Дардан Венетски – правник

Сотир Костов – правник

Александар Русјаков – писател

Проф. д-р Нестор Огинар – универзитетски професор

Македонија

Ќе ве расплаче! Објавена “Кажу да време лечи све” – гласот на нашиот ангел изваден со посебна технологија (ВИДЕО)

Published

on

„Кажу да време, време лечи све, ал шта ми врeди вечност без тебе”… се стиховите од рефренот на последната отпеана песна, која се чинеше никогаш нема да го здогледа светлото на денот.

Имено, со помош на новата АИ технологија е изваден вокалот и пијаното за од демо да се направи студиска снимка, која денес доживеа свое издание.

Песната е оставена како аманет на еден од ретките вистински пријатели кој што Тоше ги имаше во неговиот живот- нашиот познат радио водител, диџеј и продуцент Кирил Зарлинов попознат како Ерик Фокс, кој одлучи оваа демо снимка комплетно аранжмански да ја заврши и да ја даде како подарок од Тоше за сите негови обожаватели по повод неговиот роденден, се со цел неговиот лик и дело никогаш да не бидат заборавени.

Автор на музиката и текстот е Зоран Ѓорѓевиќ, а аражманот и продукцијата се на Кирил Зарлинов (диџеј Ерик Фокс).

Миксот и мастерингот се на нашиот познат микс инженер, кој долги години живее и работи во САД Костадин Камчев – „Студио Моцарт“ од Њу Џерси, кој има три номинации на музичките ГРЕМИ награди за најдобар микс инженер.

https://youtu.be/mpizP1g2dBo

Continue Reading

Македонија

Денеска ќе наполнеше 43 години: На денешен ден е роден Тоше Проески

Published

on

Во Прилеп на денешен ден е роден Тоше Проески.

Музичката кариера ја започна со настапот на „Мелфест“ во 1997 година. Патот кон ѕвездите му го отворија песните „Усни на усни“, „Сонце во твоите руси коси“, „Пушти ме“ (1997) и „Остани до крај“ (1998). Тој беше претставник на Република Македонија за песна на Евровизија во 2004 година во Истанбул, Турција, и го освои 14-то место со песната „Ангел си ти (Life)“.

Во 2004 година, Проески беше именуван за регионален Амбасадор на добра волја на УНИЦЕФ. По тој повод ја издаде песната „За овој свет“. Со песната „Чија си“ во 2003 година Тоше победи на белградскиот музички фестивал „Беовизија“ со што дефинитивно прерасна во најголема регионална музичка ѕвезда на некогашните ЈУ простори.

Тој ги објави албумите „Синот Божји“ (2000), „Некаде во ноќта“ (2001), „Ако ме погледнеш в очи“ (2003), „Ако ме погледаш у очи“ – верзија на српски јазик (2003) „Ден за нас“ (2004), „Дан за нас“ – верзија на српски јазик (2004) „По тебе“ (2005), „Пратим те“ – верзија на српски јазик (2005) „Божилак“ (2006), „Игри без граници“ (2007) и „Игре без границе“ – хрватска верзија (2007).

Сингловите од албумот „По тебе“ по неколку месеци се наоѓаа на највисоките места на музичките топ-листи во Хрватска, Македонија, Србија, Црна Гора, Словенија и Босна и Херцеговина.

Неговото издание „Божилак“ е компилација од преработки на 14 избрани традиционални македонски песни. Објавени се и ДВД-изданија на негови концерти во 2004 и 2006 година.

Речиси секоја негова песна беше хит како што се: „Усни на усни“, „Соба за тага“, „Ако ме погледнеш в очи“, „Тајно моја“, „Немаш ни благодарам“, „Срце није камен“, „Кој ли ти гризе образи“.

Тоше ги привршуваше студиите на Музичката академија во Скопје и работеше на музичката кариера за своја промоција во светски рамки.

Последниот концерт во Македонија го одржа на 5 октомври на Градскиот стадион ( Арената Филип Втори) во Скопје. Концертот беше хуманитарен и наменет за обнова на основните училишта во земјава.

Постхумно државата Република Македонија го прогласи за заслужен граѓанин.

Тоше Проески загина на 16 октомври 2007 година во сообраќајна несреќа кај Нова Градишка во Хрватска. Владата на Република Македонија во негова чест во неговото родно Крушево изгради мавзолеј – Спомен куќата на Тоше, каде низ музејска поставка од восочни фигури со неговиот лик во природна големина, лични предмети, музички инструменти, фотографии, видеа, сувенири… е прикажан целиот негов живот и музичкиот опус во кусата, но пребогата кариера

Continue Reading

Македонија

НОЌТА ПРЕД ВОДИЦИ Е НАЈМОЌНАТА НОЌ ВО ГОДИНАТА

Published

on

Големиот христијански празник – Водици, се слави на 19 јануари, со традиционално фрлање за Светиот крст.

На овој ден се слави споменот на Христовото крштевање на реката Јордан и Божјиот изглед во форма на гулаб и глас: „Ова е мојот Син и Него послушнете го“.

На Богојавление, 19 јануари, завршуваат некрстените денови. На овој ден се осветува вода во сите цркви и храмови. Тоа е свечен обред на кој, скоро редовно, присуствуваат многу луѓе, кои носат осветена вода во своите домови, бидејќи оваа Света вода – Богојавленска, се чува во секој дом во текот на целата година како големо светилиште, и се користи само при голема потреба (болест, вознемирување од зли духови).

Богојавление е еден од најголемите христијански празници и соодветно на тоа, се развиле многу народни обичаи поврзани со самиот ден, како и ноќта пред Богојавление.

1. Отворање на небото

Ова е најпознатиот обичај поврзан со Богојавленската ноќ. Имено, се верува дека еден ден пред Богојавление, точно на полноќ, се отвораат небесата. По тој повод, треба да се погледне во небото и да се замислат желби за кои се верува дека сигурно ќе се остварат.

2. Огледала под перницата

Вообичаено е невенчаните девојки да ставаат огледала под перниците ноќта пред Богојавление, бидејќи се верува дека така ќе го сонуваат младичот со кој ќе стапат во брак.

3. Вода од извор

Во некои делови, вообичаено е младите девојки да одат на недопрен извор на вода утрото на Богојавление, да фрлат неколку зрна пченица или некои други житни култури во неа и да кажат: „Како што поминува водата, така ќе се бере и жетвата на нашите полиња“. Потоа ја полнат водата и ја носат до своето домаќинство. На некои места, сè уште е зачуван обичајот на семејството да пие малку од таа вода преку секира, бидејќи се верува дека на тој начин ќе се избегнат расправии меѓу нив.

4. Предвидување на времето

Обичај е некаде постарите жени да ги земаат предвид временските услови на Богојавление и со тоа да предвидат каква ќе биде годината. Ако, на пример, има мраз и снег на тој ден, се верува дека годината ќе биде плодна, а ведро време најавува сува година.

Continue Reading
Advertisement
Advertisement

Трендинг

Copyright © 2021 Булевар.мк