Connect with us

Религија

Бадник е најголемиот празник на радоста, заедништвото и топлината во домот

Published

on

Бадник е еден од најубавите христијански празници кога целото семејство се собира на вечерата.

Овој ден ја симболизира љубовта, топлината на домот, слогата и заедништвото. На бадниковата вечера се подготвуваме за најголемиот празник Божиќ, кога го славиме раѓањето на големиот Исус.

Денот почнува со песната на коледарите кои ги будат домаќините и носат топло расположение во домот. Се верува дека колку повеќе коледари го посетат домот, толку повеќе среќа и изобилство ќе има во домот.

Се приготвува лепче со паричка за кое се верува дека ќе донесе среќа на членот на семејството во чие парче ќе биде, а трпезата е посна и со слатки за да имаме слатка и богата година. Во некои делови од Србија, се мачка мед на лепче за да се има слатка и мирна година богата со здравје.

Некогаш храната се служела на слама поради симболиката на сламата во која е роден Исус. Најголемиот обичај е да се биде дома со семејството во убава атмосфера, а трпезата не ја симболизира само храната туку и духот на заедништво, радост и песна.

Оние кои имаат печка на дрва го горат бадниково дрво и велат : колку жарчиња, толку парички. 

Иако храната  е важна, на овој ден најважна е позитивната мисла, заедништвото, грижата за другите, а тоа е најизразено оваа година кога веќе години по ред сме во пандемија и се грижиме за своите блиски и нивното здравје и благосостојба многу повеќе од порано.

Ова е ден кога треба да се смириме со нашите блиски, да им посакаме добро здравје и бериќет и да се помолиме за топол дом, спокој и благосостојба. Ништо повеќе од тоа не ни е потребно во овие тешки времиња.

Религија

Свети Филип, митрополит Московски

Published

on

Роден е на 11 февруари 1507 година. Еднаш, како млад, стоејќи в црква слушна како свештеникот чита од Евангелието: „Никој не може да им служи на двајца господари“, се уплаши од овие зборови како да му се обраќаат исклучиво нему, во тој миг се просветли и замина во Соловецкиот манастир, каде што после долготрајно и тешко искушеништво се замонаши.

Со време стана игумен, заблеска како сонце, и целата руска земја слушна за него. Затоа, царот Иван Грозни и го доведе на испразнетото место на митрополитот московски во 1566 година. Но, овој свет човек не можеше рамнодушно да ги гледа стравотиите на грозниот цар, кого го советуваше и бестрашно го изобличуваше. Царот најде лажни сведоци против Филип, го симна од епископскот трон и нареди да го облечат во просто искинато монашко расо, па го затвори во Твер, во 1569 година, на 23 декември.

Маљута Скуратов, еден царски довереник, дојде во келијата на Филип и го удави со перница. Но, наскоро сите што беа против него завршија со зла смрт. А по неколку години телото на Светителот се најде цело и нетлено и благомирисно и го пренесоа во Соловецкиот манастир.

Continue Reading

Религија

Свети Јован Крстител

Published

on

  Со оглед на тоа што главната улога на свети Јован се оствари на денот на Богојавление, древната Црква одреди денот по Богојавление му го посвети на неговиот спомен. За овој ден се врзува и настанот со раката на светиот Предвесник. Евангелистот Лука, кој посака да го пренесе Јовановото тело од Севастија, во којашто големиот пророк беше убиен од царот Ирод, во Антиохија, родното место на свети апостол Лука, успеа да ја пренесе само едната рака на свети Јован, којашто во Антиохија ја чуваа до 10 век. Потоа беше пренесена во Цариград, но во времето на Турците исчезна оттаму.


Меѓу евангелските личности околу Спасителот, личноста на свети Јован Крстител зазема особено место и заради начинот на доаѓањето во светот и заради улогата на Крстител на луѓето за покајание и како Крстител на Месијата – најпосле и заради трагичното заминување од овој живот. Тој се одликувал со толкава морална чистота што навистина може попрво да биде нарекуван ангел, одошто смртен човек.

Меѓу сите пророци, свети Јован е единствениот кој можел и со рака да Го покаже Оној за Кого пророкувал. За раката на свети Јован се раскажува дека секоја година, на денот на светителот, архиерејот ја изнесувал пред народот. Понекогаш таа рака се јавувала раширена, а понекогаш згрчена. Во првиот случај означувала родна и богата година, а во вториот неродна и гладна.

Continue Reading

Религија

БОГ СЕ ЈАВИ, НАВИСТИНА СЕ ЈАВИ: Православните верници го слават Богојавление – Водици

Published

on

Православните верници денеска го слават празникот Богојавление – Водици, што се празнува уште од вториот век. Поврзан е со крштавањето на Исус Христос во водите на реката Јордан од страна на свети Јован, кој оттогаш се нарекува Крстител. Празникот се нарекува уште и Водици поради големиот водосвет, што го извршува црквата на овој ден.

Овој празник е еден од најголемите христијански празници. Познато е дека се празнувал уште во вториот век од христијанската ера. Конкретно е поврзан со крштевањето на Исус Христос од свети Јован, кој оттогаш се нарекува Крстител.

Грците овој празник го нарекуваат Богојавленија множината укажува дека во себе ги собира сите богојавленија од почетокот на светот и векот; а за време на крштевањето на Исус Христос Бог јасно и конечно се пројави како Света Троица, Отец, Син и Дух Свети.

Овој празник се нарекува уште и Водици, заради големиот водосвет, што го извршува Црквата на овој ден. Големиот водосвет е симбол на обновувањето на нашата огревовена природа и на целиот космос преку вода и Дух.

Традиционално, во реките се положуваат крстови, а оној што ќе го фати светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со положувањето на крстот водите се осветуваат и стануваат лековити.

Continue Reading
Advertisement
Advertisement

Трендинг

Copyright © 2021 Булевар.мк