Connect with us

Македонија

25 години ја носи Македонија на грбот : Последен танц на „кралот“ Лазаров на големите натпреварувања!

Published

on

За македонската ракометна икона, Кирил Лазаров ова Европско првенство ќе биде поинакво од останатите. Лидерот на теренот во Дебрецен го игра последното големо натпреварување во „црвено-жолтиот“ дрес, тој на крајот на оваа сезона ќе стави крај на својата кариера.

25 години Лазаров гордо се бореше за својата држава, сиве овие 25 години се исполнети со подеми и падови, во сиве овие 25 години има почуствувано среќни и тажни моменти, даваше голови, но и примаше удари, се за својата татковина Македонија.

„25 години го носев грботпеев химнаславев и тагувавдавајќи голови и примајќи ударисето тоа на начин на кој луѓето да бидат горди што сме дел од еден ист народмакедонскиот“, ќе каже Лазаров во својата Автобиографија, зборови кои долго време ќе бидат запаметени, зборови кои доволно говорат со каков жар, со каква љубов игра за Македонија.

Сиве овие години Кире успеа да се запише во историјата на европските натпреварувања, беше прв стрелец до пред две години, со 61 гол, се уште е во вечната листа на Топ 10 стрелци, Лазаров го има најдобриот учинок на Светските првенства, на секое големо натпреварување неговото име постојано се спемнува. Тој е синоним за професионалност, гордост, борбеност, истрајност…

Кога сме кај љубовта кон својата земја, кон македонското знаме, кон ракометот, беа доволни аргумeнти, од неодамна на седне на „жешката“ клупа и да извршува три улоги, играч, капитен и селектор.

Без да се двоуми го прифати предизвикот, почна да испишува нова страница во својата кариера.

По успешните квалификации, сега го чека тешка европска битка. Лазаров ќе војува со Словенија, Црна Гора и Данска.

Има големо искуство во сите натпреварувања од репрезентативни до клупски. Сака своето искуство да им го пренесе на помладите, сака да создаде генерација која ќе го продолжи континуитетот на големите натпреварувања.

Иако предизвикот е голем, тој гордо стои пред него, не бара изговори…

Пред Европското првенство токму во интервју за СПОРТМЕДИА говореше за одлуката да биде и селектор на земјата за која никогаш не се штедеше.

„Точно 25 години сум дел од националниот тим. Токму поради овој аргумент мислам дека не ми требаше многу време за прилагодување во новата улога. Добро ги познавам работите внатре во тимот, како оваа репрезентација функционирала и како функционира.  Секогаш во тие 25 години бев продолжена рака на стручните штабови за доброто на националниот тим.

Предизвиците треба да се 

прифаќаат и да се биде храбар. Свесен сум за обемот на работата и одговорноста која ја носам, но ја сакам својата работам и тоа го правам со огромен ентузијазам и посветеност.

Се вложувам максимално и сигурен сум дека со квалитетна и посветена работа ќе придонесам да го дигнеме нивото во националниот тим во сите погледи“, ни рече Лазаров.

Денеска Кире ќе дебитира на првиот меч на едно големо натпреварување како играч и како селектор, по што ќе остане запаметен во историјата на овој спорт. Многумина се прашуваат како ќе успее да се снајде со двете улоги, но многумина не знаат колку тој е голем вљубеник во ракометот, колку навистина ја сака Македонија.

Затоа заслужува целосна почит, за она што го има направено и за она што допрва треба да го гради со националниот тим.

sportmedia.mk

Македонија

Купени 150 луксузни возила за 3,6 милиони евра за време на пандемијата и кризата

Published

on

Низа злоупотреби за време на пандемијата, наместо маски и друга опрема за медицинскиот персонал, средствата биле искористени за други цели. Државната комисија за спречување на корупција на денешната седница меѓу другото расправаше и за злоупотребите на институциите за време на пандемијата, главно за купените службени автомобили од страна на државните институции.

Податоците со кои располага комисијата се загрижувачки. Претседателката Билјана Ивановска од Антикорупциска вели дека не се само два автомобили кои беа познати во јавноста, туку станува збор за 150 нови автомобили, додека државата не можеше да обезбеди соодветна заштита за сите граѓани. Возилата се со вкупна вредност од над 3,6 милиони евра, односно луксузни возила со поединечна вредност од 20.000 до 40 000 евра за коишто, како што вели Ивановска, не се гледа потреба да се купуваат, особено во време на пандемија.

„Владата треба да донесе одлука за службените возила. Од една страна стега со даноци, а граѓаните ги иритира кога гледаат дека пари се трошат за луксузни возила кои се користат дури и за приватни цели. И кога се работи за службени цели, може да се помине со поевтини возила“, рече Ивановска.

Загрижувачки е фактот што државните институции за време на пандемијата и економска криза, ангажираат правни лица за извршување на работите што треба да ги извршуваат административците кои веќе работат во овие институции. Од Антикорупциска велат дека купувањето службени автомобили и ангажирањето надворешни соработници во државни институции се индиција за корупција

Continue Reading

Македонија

Штом требало да се штеди зошто не се укинат 3 – 4 министерства?

Published

on

На македонската влада и стана навика да укажува дека треба да се штеди. Криза било, морало порационално да се троши, загрижени се министрите.

Мнозинство од граѓаните во Македонија ги земаат на мајтап овие владини апели, барања, опомени… Зошто е така? Зарем населението не ја гледа сериозноста на ситуацијата? 

-Ја гледаме сериозноста на ситуацијата, но не ја гледаме сериозноста на Владата во намерата да штеди, сака само населението да го товари, ни одговори еден аеродромец утрово на прашањето.

Логичниот одговор наметнува друго прашање: Кога ќе следи намалување на бројот на министрите и пратениците, кога ќе се намали администрацијата односно сиот оној „јавен сектор“ кој е прегломазен и прескап?

Така ќе покаже Владата дека навистина таа почнува да штеди. Така ќе се даде пример и другите да штедат.

Впрочем за намалување на државните функционери кои дебело се платени има и друга (дебела) причина – до сега нивната бројка беше планирана за повеќе од два милиони жители, ако веќе се намалило населението (што покажа пописот), треба да се намалат и тие кои и „служат“ на граѓаните на Македонија.

Како за се и текнува на министрите, за ова не им текна?

Има премногу министерства во Македонија. Најмалку 3 -4 треба да отпаднат. Има премногу јавни претпријатија, разни агенции и слично. Сите тие имаат раководни кадри со шофери и секретарки, па дури и советници. Многу управни одбори, па надзорни… Се тоа треба да се намали.

Па нели криза е, а и следела уште поголема? 

Текст на Скопско ехо

Continue Reading

Македонија

Во Арачиново се краде или не се плаќа струја во вредност од 6 милиони евра за една година

Published

on

Според пресметки на луѓето вработени во ЕВН кои секојдневно се на терен, околу 50 милиони евра е вредноста на украдената струја само од Скопскиот регион само за една година.

Вработен во ЕВН за МКД изјавил дека само во Општина Арачиново за една година се краде или не се плаќа струја во вредност од 6 милиони евра.

Според неофицијалните податоци на вработен во ЕВН, во февруари годинава загубите на електрична енергија само во Арачиново изнесуваат околу 80%. Трафостаницата број 6 со број 381145 поради кражба на струја бележи загуба од над 56%.

Трафостаницата број 1 со број 380396 поради кражба на струја бележи загуба од над 65%. Трафостаниците 10, 3, 8 и 9 со соодветните броила бележат загуби од 70% поради кражба на струја, трафостаниците со броеви 5, 4, 2, 13 и 11 со соодветните броила бележат загуба од над 80% поради кражба на струја, трафостаницата број 12 со број 381392 е со рекордна загуба од 96% поради кражба на струја. Сите се на територијата на Општина Арачиново.

Ова се делови од официјалните извештаи на ЕВН за оваа општина.

Или во февруари годинава во овој регион биле украдени вкупно 2.800 мегаватчасови. Тоа значи дека на годишно ниво загубата е повеќе од 20 илјади мегаватчасови. Просечната цена на берзата на струја за еден мегаватчас е 300 евра. Ова значи дека само од регионот на Арачиново вредноста на украдената струја е 6 милиони евра за една година.

Continue Reading
Advertisement
Advertisement

Трендинг

Copyright © 2021 Булевар.мк