Приватните превозници од „Слобода превоз“ и „Макекспрес“ утре од шест часот ќе го блокираат сообраќајот во Скопје на десната лента на ул. „Илинден” на потегот од Владата до МИ-ДА, а околу 200 автобуси ќе бидат паркирани пред Градското Собрание, најави директорот на „Слобода превоз”, Ленин Јовановски.

Тој на денешната прес-конференција рече дека не е постигнат договор со градоначалничката на Град Скопје, Данела Арсовска и директорот на ЈСП Александар Стојковски за исплата на долгот што го побаруваат превозниците.

Утрешниот ден ќе покаже дали ќе има некаков исод или блокадата ќе продолжи и во текот на викендот и почетокот на следната недела“, рече Јовановски.

Доколку и во меѓувреме нема резултати ќе бидат блокирани крстосниците кај ТЦ Мавровка, Црвен Крст и ул. „Илинденска

„Арсовска е маќеа на цело Скопје“, вели во интервју за „Макфакс“, Ленин Јовановски, директор на „Слобода превоз“.

Од градоначалничката на Скопје, Данела Арсовска, и од директорот на ЈСП зависи дали приватните превозници в петок ќе го блокираат цело Скопје поради неисплатениот долг, вели Јовановски, објаснувајќи ја ситуацијата со блокадата и хаосот во главниот град.

„Ако таа не чувствува одговорност за ова што ќе му се случи на Скопје и дека работите може да ескалираат во уште порадикален правец, а нејзе да ѝ е сеедно, тогаш јас не можам да направам ништо. Ако градоначалничката сака да се однесува уличарски, како нешто да прави во сопствениот двор, а не во градот Скопје, тогаш нека си ја преземе одговорноста за она што ќе се случува понатаму“, потенцира Јовановски.

Објасни дека приватните превозници направиле сè за да не дојде до ситуацијата во која се наоѓа градот со јавниот превоз и дека претходно добивале одредени ветувања од надлежните дека ситуацијата ќе се подобри.

Бевме соочени со ветувања дека состојбата ќе се надмине и дека треба да почекаме некаков ребаланс на буџетот, вели Јовановски, но тоа што било договорено не се почитувало и придонело за зголемување на нервозата, но и за долгот кај приватните превозници.

„Долгот не бил ни приближно толку голем како што е сега. Каде оди дрскоста и лажењето на Арсовска“, прашува Јовановски.

Дали Јовановски и приватните превозници се заложници на политиката и се користат во битката против Арсовска, дали постои можност од манипулации со продажбата на билетите во приватните автобуси, каква е состојбата со возниот парк кај приватните превозници и кога тој ќе се обнови и слично, во интервјуто за „Макфакс“ со Ленин Јовановски од „Слобода превоз“.

ЦУКС известува дека зголемен број возила во овој период од денот има долж :

-бул. Александар Македонски кон излез на Скопје,

-мост Нова железничка станица во двете насоки,

-бул. Илинден кон Карпош,

-бул. 8ми Септември кон бул. Илинден,

-бул. Кузман Јосифовски Питу кон Аеродром,

-мост Близнак кон бул. АСНОМ,

-бул. Србија кон населба Автокоманда ,

-бул. 3та Македонска бригада кон ул. Пролет,

-ул. 11 Октомври кон Кисела Вода,

-бул. Македонија кон ул. 11 Октомври ,

-бул. Свети Климент Охридски во двете насоки,

-ул. Свети Кирил и Методиј кон бул. М.Т.Гологанов и бул. Водњанска,

-бул. Гоце Делчев кон ул. Беласица,

-ул. Беласица во двете насоки,

-бул. Митрополит Теодосиј Гологанов во двете насоки,

-бул. Киро Глигоров кон населба Автокоманда и обратно,

-ул. Перо Наков кон к-ца со бул. Киро Глигоров.