Скопје

ШОК И НЕВЕРУВАЊЕ ВО КОНЧЕ И РАДОВИШ ПО ТРАГЕДИЈАТА – Викторија не е единствената која загинала на ваков начин на скопскиот асфалт

Published

1 year ago

January 21, 2022

Шок и револт денеска меѓу жителите на двете општини Конче и Радовиш каде живеело семејството на 24 – годишната Викторија Н., која синоќа почина на лице место, откако беше прегазена на пешачки премин кај Сити Мол во Скопје. Девојката била на шопинг во трговскиот центар со своето момче и друштвото. Кога тргнале да си одат, Викторија и нејзиното момче беа покосени од возилото тојота, со кое управувал 22-годишник од Скопје, објавува ММС.

Според информациите од сограѓаните на двајцата млади, целото друштво било на пешачкиот премин, но Викторија и нејзиното момче биле последни, кога врз нив налетало возилото. Неофицијално, возачот поминал на црвено.

Како што информира МВР, во несреќата патничко возило управувано од Ј.Ѓ. (1999) од Скопје, удрило во Л.Д. (1997) од Радовиш, кој е повреден и пренесен во ГОБ „8 Септември“ и В.Н. (1997) од Радовиш, која починала на местото.

Семејството на Викторија потекнува од селото Дедино, Општина Конче и веќе десетина години живеело во Радовиш. Викторија била средната од трите сестри и неодамна дипломирала.

Во Општина Конче ја бројат третата жртва во изминатите десетина – петнаесетина години на скопскиот асфалт. На ист начин, на пешачки премин биле прегазени уште две млади девојки од оваа Општина. Граѓаните се револтирани, особено што млади луѓе ги губат животите во скопскиот сообраќаен хаос, каде не се почитуваат ни правила ни ред. Очекуваат брз одговор од институциите.

Погребот на Викторија се одржа денеска во Радовиш.

ФОТО:360 СТЕПЕНИ

Скопје

Данела го враќа Ќосето – поднесено барање до општина Центар

Published

44 mins ago

April 1, 2023

Уредник

Градоначалничката Данела Арсовска отпочнува со постапка за враќање на споменикот на Андон Лазов-Ќосето пред судовите во Скопје.

Од општина Центар, за повеќе медиуми потврдија дека до нив е стигнато барање за отпочнување на процедура за враќање на Ќосето на крстосницата на која што претходно беше поставен.

Споменикот пред пет години беше отстранет по барање на ексградоначлникот Петре Шилегов.

Како што дознаваме Градоначалничката на Град Скопје, Данела Арсовска со месеци го барала споменикот на Андон Јанев-Ќосето, кој во текот на 2018 година беше отстранет.

Споменикот на Ќосето долго време го баравме и успеавме да го детектираме. Ќе ги прашаме граѓаните, што се однесува до мене како градоначалник затоа што многу често беше поставувано ова прашање, не само во кампањата туку многу често и самите граѓани знаат да напишат, и да прашаат и ме интересираше каде е, изјави Арсовска уште минатата година.

Таа додала дека два месеци се обидувале да дознаат каде е ставен, дури и кружеле гласини дека можеби е стопен.

Андон Лазов Јанев, познат како Ќосето е македонски револуционер, учесник во македонското револуционерно движење кон крајот на XIX и почетокот на XX век. Својата дејност ја започнал како дел од Македонската револуционерна организација, а подоцна станува нејзин војвода.

Скопје

Исчезна 12-годишно девојче од Гази Баба, родителите бараат помош за пронаоѓање

Published

1 day ago

March 31, 2023

Уредник

Дванаесетгодишно девојче од скопската населба Гази Баба, исчезна вчера, а семејството нема информации каде се наоѓа. Последен пат го виделе кога тргнал на училиште, вчера во 7:30 (O.У. Лирија – Чаир).

Родителот на Аниса Ајро за ТВ21 изјави дека се многу загрижени и бараат помош од граѓаните, секој што ја видел или има некаква информација.

Телефонски контакт на родителот
Енгин Ајро 072232983

Скопје

ПУКАЊЕ во Капиштец: Едно лице е убиено !

Published

1 day ago

March 31, 2023

Уредник

Утрово имало пукање во скопската населба Капиштец во близина Млечен ресторан. Жителите биле биле разбудени и вознемирени од пукотници.

Во пукањето има една жртва, објави МКД.

Од Министерството за внатрешни работи најавени се детели за пукањето од кое граѓаните се вознемирени утрово. За сега не е познат идентитетот на жртвата.

Полициски екипи се веќе на терен и се работи на откривање на детали што точно се случило.

Фото: МКД