Connect with us

Балкан

Борисов пуштен од притвор, ќе има ли обвинение за 30 милиони евра ? (ВИДЕО)

Published

on

Истрагата против лидерот на ГЕРБ и поранешен премиер, Бојко Борисов за злоупотреба на 30 милиони евра е отпочната по пријава на бизнисменот Васил Бошков, порачаа властите во Софија.

Борисов синоќа беше приведен од бугарската полиција, денеска требаше да биде сослушан, тој е осомничен за проневера на средства од Европската Унија, но беше пуштен од притвор, јавија бугарските медиуми.

И додека членови и симпатизери на ГЕРБ денеска излегоа на протест во Софија на кој испорачаа три барања – итно ослободување на Борисов, оставка на владата и предвремени избори во Бугарија, премиерот Кирил Петков порача дека „никој не е над законите“ и го обвини бугарското обвинителство дека досега не преземало дејства.

„Ако европското Обвинителство прави проверки, време е и бугарското Обвинителство да си ја работи работата и да застане на страна на народот. Мислам оти сите знаеме дека има пријави кои Обвинителството очигледно не ги разгледува. Се надевам дека сега и тие, конечно, ќе сознаат каква е нивната улога“, рече Петков.

Бизнисменот Бошков, по чиј исказ бил инициран предметот, рече дека софиските обвинители не презеле ништо, па оттаму тој го контактирал европското Обвинителство. Апсењето на Борисов коинцидираше со вчерашната посета на главната европска обвинителка Лаура Ковеши во Софија.

„Владата ќе биде контактна точка со европското Обвинителство и тоа е јасен сигнал за силен ангажман на највисоко ниво. Тоа е во согласност со тоа што се обидува да го постигне европското Обвинителство во сите земји-членки“, рече Ковеши.

Од партијата на Борисов обвинија дека случајот претставува класична репресија кон политичките опоненти.

„Новата власт го покажа вистинското лице. Одмазничко и, зад насмевката, покажува заби“, изјави Томислав Дончев, партиски функционер во ГЕРБ.

Според изјавата на лидерот на политичката партија ГЕРБ, безбедносните сили кои извршиле претрес во неговата куќа пред апсењето не нашле ништо.

Борисов изрази незадоволство за тоа како биле извршени претресот и приведувањето. Тој тоа го нарече „враќање во комунизмот“. Поранешниот бугарски премиер кажа и дека еден ден минал во полиција, но дека не му било покажано обвинение.

Балкан

(Видеo) Драма во Албанија: Гори 12-катница, 40 лица се заробени во становитe

Published

on

Пожар денеска избувна во Лушња, Албанија, а се сомневаат дека околу 40 лица се заробени во становите во 12-катница, јавува Балканвеб.

Градските пожарникари со поддршка на противпожарната служба во Тирана работат на гаснење на пламенот и евакуација на станарите од зградата.

Се сомнева дека пожарот најпрвин избувнал на третиот кат, кој служи како трговски центар, во објект во кој се продаваат чевли, а потоа се проширил на целиот центар.

Десетици луѓе се пренесени во болница за вдишување чад, а нема информации за жртви.

Continue Reading

Балкан

Драми на српска свадба- Невестата побегнала со „парите во плик“ со бившиот дечко

Published

on

Бошко Бубања, организаторот на веселби и свадби, раскажува за некои од најчудните настани што се случувале на свадбите. Од  бегство од сопствената свадба, до бизарната приказна за младата жена која побегнала со пликовите од свадбата.

„Уникатните подароци стануваат се поретки, а пликовите се почести, па се случува некои пликови да бидат празни и непотпишани. Кога станува збор за помали свадби со 200 гости, не е тешко да се одреди кој дошол со празен плик бидејќи има список на гости. Понекогаш младенците се сомневаат дека некој го подметнал од ресторанот, поточно, дека земал полн и ставил празен плик. Затоа користат безбедносни кеси што се ставаат во сефот на ресторанот. Откако ќе се затвори, не може да се отвори без кинење. Тоа е најдобрата форма на превенција“, рече Бубања и додаде дека празното плико обично не значи дека некој нема пари, туку дека „тој е арогантен и не сака да им донесе подарок на младенците. “.

На прашањето – колку пари треба да има во пликот кога се оди на свадба, Бубања вели дека наишол на бурни реакции кога кажал 100 евра пред една година.

Денес некои носат и повеќе. Сè поскапе, ручекот за двајца во ресторан е околу 3.000 динари. Луѓето остануваат на свадба осум часа, јадат и пијат. Сето тоа чини пари“, вели Бошко Бубања.

На крајот ги спомна необичните настани кои се случуваат на свадбите што ги организира.

„Претежно имаше убави настани и подароци. Некои подаруваа станови од 100.000 евра за свадбата. Од

лоши ситуации, на пример, пред година и пол, пред крајот на свадбата, невестата отиде во својата соба и ги собра сите коверти и исчезна со поранешното момче. Понекогаш гостите често носат инвентар од ресторанот со себе. Се крадат тањири, прибор за јадење, прибор за зачини. Има разни ситуации“, заклучува Бубања.

Continue Reading

Балкан

ФОТО: Албанско семејство уапсено во Солун СО ПОЛА ТОН КОКАИН

Published

on

Oбвинителството за наркотици при Солунската дивизија и ДЕА, разбија „семеен бизнис“ на 50-годишен Албанец, кој заедно со сопругата и двајца внуци се осомничени за шверц на дрога откако кај нив се пронајдени 580 килограми кокаин.

Партнер на семејството бил и маж кој е роден во Албанија, кој поседувал грчка лична карта, а полициски извори наведуваат дека никој од уапсените претходно не бил во фокусот на органите на прогонот. Огромното количество дрога е пронајдено во две возила и во куќа во која живееле тројца од членовите на криминалниот круг.

Против нив поединечно е поднесена списа за злосторничко организирање и за нелегална трговија со дрога, оштетување на странски имот и пружање отпор. Забележано е дека 50-годишниот Албанец е водач на групата, со главна улога во увозот на големи количества кокаин од земјите од Латинска Америка и нивно натамошно движење на грчка територија, но и во европските земји.

Continue Reading
Advertisement
Advertisement

Трендинг

Copyright © 2021 Булевар.мк