Фото-монтажа, рендер или нешто нереално. Вакви се првите коментари по објавените фотографии од новиот изглед на просторот околу трговскиот центар „Бисер“ кој по 40 години целосно е партнерно и хортикултурно уреден. Жителите на Аеродром, но и оние од другите населби се воодушевени. Со повеќе од 100-тина коментари и повеќе од 2000 лајкови тие се вистински хит на социјалните мрежи.
Вредноста на проектот е 37 милиони денари и истиот опфати замена на дотраените плочки нови, восококвалитетни плочи, како и замена на хидроизолација на платото со нова, комплетно обновување на постојната жардинјера во која се засадени разни хортикултурни содржини од неколку видови, со хидрантска мрежа за нивно наводнување.
Тоа што е обележје на овој простор се двата челични профила, кои се поставени во централниот дел на површината и симболизираат штркови со раширени крилја, како заштитен знак на Аеродром и кошаркарскиот клуб МЗТ Скопје Аеродром. На самото плато кај „челичните штркови“, кои со крилјата прават и сенка е поставена и разнобојна гумена и еластична облога за безгрижна игра на дечињата, како и безбедно движење на возрасните.
Во урбаниот парк поставена е нова опрема за велосипедисти, канти за отпадови и клупи. Горната зона на мезанинот е облагородена со големи жардинјери кои ќе се исполнат со садници.Тоа што е посебено интересно и што паѓа во очи се модерните светилки поставени во подната електроинсталација кои даваат посебен сјај во вечерните часови и внесуваат сосема нова димензија на просторот.
Од општината Аеродром информираат дека кај платото ќе се постават и дополнителни нови светилки за поголем ефект и магичен сјај во вечерните часови.
Елката во Скопје иако крива, но и недокитена – стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.
„Каков народ, таква елка на плоштад: сиромашен, ужасен, грд за гледање“, стои во коментар на „Х“.
Тага и молк во основното училиште на убиената Вања Ѓорчевска. Во Ј.Х.Песталоци отворена книга на жалост. Се потпишуваат родители, познаници, но и соученици.Наместо детски џагор, тишина низ школскиот двор.
-Наставниците не умеат да ја решат оваа задача, Вања. Прости ни, не можеме, не знаеме како да се поздравиме… Нека ти биде светол патот кон вечноста! Твојата насмевка и искрена душа засекогаш ќе останат во нашите срца. Со неизмерна болка и љубов, твоите наставници и соученици, најмила Вања!- стои во објавата.
Умре и третата жирафа во скопската Зоолошка градина Флопи. Како што дозна САКАМДАКАЖАМ.МК од вработени во градината, единствената жирафа која остана во градината починала вчера попладне.
Сега во градината нема ниту една жирафа. Во мај годинава умре Каспер, а во јануари 2021 година Тобого.
Жирафите Тобого, Каспер и Флопи беа омилените жители на посетителите во скопската зоолошка градина.