Connect with us

Свет

Пронајдени тела во МАСОВНА ГРОБНИЦА во БУЧА, западот обвинува, Русија негира

Published

on

Во масовната гробница во украинскиот град Буча, во близина на Киев, пронајдени се 57 тела на убиени цивили, изјави денеска шефот на локалниот спасувачки тим Серхи Каплични.

– Тука, во оваа долга гробница, се закопани 57 луѓе – изјави Каплични за АФП, кој ја организираше ексхумацијата.

Претходно, на социјалните мрежи се појавија видеа на кои се гледаат безживотни тела на улиците на градот Буча. Дел од западните медиуми објавија дека најмалку 20 мртви мажи во цивилна облека биле пронајдени на една улица откако украинските сили вчера ја вратија контролата врз Буча.

Францускиот претседател Емануел Макрон ги опиша фотографиите од Буча како неподносливи.Макрон го сподели своето сочувство со Украинците и жртвите, додавајќи: „Руските власти ќе мора да одговараат за овие злосторства“.

Шефот на германската дипломатија Аналена Бербок денеска изјави дека Русија мора да плати за своите, како што рече, „воени злосторства“ во украинскиот град Буча, недалеку од главниот град Киев, во форма на построги санкции.

„Сликите од Буча се неприфатливи, нескротливото насилство на Путин ги брише невините семејства и не познава граници.

Одговорните за овие воени злосторства мора да одговараат. Ќе ги заостриме санкциите кон Русија и уште повеќе ќе и помогнеме на Украина во одбраната“, напиша Бербок на Твитер.

Германскиот канцелар Олаф Шолц ги повика нмеѓународните организации како што е Меѓународниот комитет на Црвениот крст (МКЦК) да им биде дозволен пристап до погодените области со цел независно да се документира она што тој го опиша како „ѕверство“.

Шолц, исто така, ја повика Русија конечно да се согласи на прекин на огнот и да ја запре оваа „страшна, бесмислена и неоправдана војна“.

Фотографии на Ројтерс на ОВОЈ ЛИНК

ЗЕЛЕНСКИ ЈА ОБВИНИ РУСИЈА ЗА ГЕНОЦИД Сакаат да истребат цела нација

Украинскиот претседател Володимир Зеленски ја обвини Русија дека извршила „геноцид“ во Украина со цел да ја истреби „целата нација“, еден ден по откривањето на голем број тела на улиците на градот Буча во близина на Киев по повлекувањето на руските сили.

– Да, тоа е геноцид. Истребување на целата нација и народ, ние сме украински граѓани. Имаме повеќе од сто националности. Ова е уништување и истребување на сите овие националности – изјави Зеленски за Си-Би-Ес.

Зеленски ја повика Русија „целосно да ги повлече своите сили“ со цел „барем“ да се врати на ситуацијата пред 24 февруари, кога започна руската инвазија.

– Ова ќе ни овозможи да започнеме да разговараме за други прашања за ставање крај на окупацијата, како ќе живееме потоа – додаде Зеленски.

ЕВРОПА НЕ ВИДЕЛА ВАКВИ УЖАСИ СО ДЕЦЕНИИ Столтенберг е згрозен од злосторствата во Буча

Генералниот секретар на НАТО Јенс Столтенберг ги опиша злосторствата во Буча како „ужасни“, истакнувајќи дека „тоа е бруталност кон цивилите каква што не сме виделе во Европа со децении“.

– Ужасно е и апсолутно неприфатливо да се пука во цивили и да се убиваат. И тоа само ја нагласува важноста дека оваа војна мора да заврши – изјави Столтенберг за Си-Ен-Ен.

Руското Министерство за одбрана денеска соопшти дека нивните сили не убиле цивили во Буча, град во близина на Киев, кој украинските сили го ослободија деновиве.

„Додека градот беше под контрола на руските вооружени сили, ниту еден од неговите жители не беше изложен на насилство“, се наведува во соопштението на Министерството.

Министерството додава дека сите жители „можеле слободно да заминат на север“, додека јужните предградија на градот „биле цел на деноноќен оган на украинските војници“.

Во соопштението се наведува и дека сите руски воени единици се повлекле од Буча на 30 март, ден откако Русија објави дека значително ќе ги намали операциите во северна Украина.

Свет

Путин: Доњецк, Луганск, Запорожје и Херсон од денеска се руски засекогаш

Published

on

Пред стотици гости, пратеници, верски лидери во салата Свети Ѓорѓи во Големата палата во Кремљ, Владимир Путин порача дека Доњецк, Луганск, Запорожје и Херсон од денеска се руски засекогаш. Во говор проследен со овации, а на кој претходеше едноминутно молчење за руските жртви во војната, рускиот претседател рече, Западот нека запомни, тоа се сега наши граѓани. Советскиот сојуз веќе не постои, тоа е историја, која на Русија не ѝ е потребна.

-Денеска потпишуваме договор за приклучување во составот на Русија на Република Доњецк и Лиганск и Запорошката и Херсонската област. Убеден сум дека Федералното Собрание ќе ги поддржи Уставот и законите за присоединување Кон Русија на четирите нови региони и нови субјекти на Руската Федерација, затоа што тоа е волја на милиони луѓе. , изјави Владимир Путин, претседател на Русија.

И додека во Кремљ се официјализираше анксијата на четирите региони, под неговите ѕидини, на Црвениот Плоштад се прават последните подготовки за вечерашниот концерт, со единствената дилема кај Русите дали ќе присуствува и Владимир Путин. И додека Москва се подготвува за славје, а државната телевизија во програмата одбројуваше до историскиот чин, крвав масакр претпладнето потсети дека мирот е подалеку од кога и да е. Најмалку 24-ца цивили загинаа, а 30-ина се ранети, во сега анектираното Запорожје, во како што обвини украинската војска, руско гранатирање на конвој со цивилни возила. Москва отфрла одговорност и ги обвинува украинската сили за нападот, во кој половина од жртвите биле жени, вклучително и едно дете.

Украинскиот претседател Зеленски го свика Советот безбедност и порача дека ќе ги поврати сите украински територии. На руски јазик побара поддршка и од граѓаните на Русија.

-Ова се уште може да се заопре. Но за да се запре ова, вие треба да го запрете тој еден (Путин) во Русија, кој сака војна повеќе од живот, вашиот живот, граѓани на Русија. , изјави Володомир Зеленски, претседател на Украина.

Осуди и денеска пристигнуваат од сите западните сојузници. По најавениот 8-ми пакет санкции на Брисел, и Вашингтон најави нови остри мерки против Русија.

-Сакам да бидам многу јасен во врска со ова, САД никогаш, никогаш, никогаш нема да ги признаат руските претензии врз суверената украинска територија. Овој таканаречен референдум беше лажна, апсолутна измама со резултатите фабрикувани во Москва. , изјави Џо Бајден, претседател на САД.

-Ова е спротивно на целите и принципите на Обединетите Нации. Ова е опасна ескалација, за која нема место во современиот свет и не смее да се прифати. , изјави Антонио Гутереш, Генерален секретар на ОН.

Анектирањето на четирите украински региони, следи една недела по таканаречените референдуми во четирите региони, кои по урнекот на Крим, пред осум години, се изјаснија за припојување кон Русија. Доколку се реализира руското сценарио, Украина би загубила 15 проценти од територијата, односно 90 илјади квадратни километри, што за споредба чинат една Португалија или Унгарија.

Continue Reading

Свет

Путин успеа: Жителите на четирите региони конечно ќе можат да зборуваат на руски јазик и ќе ја негуваат својата култура!

Published

on

Во тек е церемонијата за припојување на Доњецк, Луганск, Херсон и Запорожје кон Руската Федерација.

Церемонијата се одржува во салата “Свети Георги” во Кремљ, а започна со говорот на рускиот претседател Владимир Путин.

Путин ја поздрави одлуката на жителите на овие региони и нагласи дека ова е резултат на борбата на русите за “вистински живот” во кој ќе можат да ја негуваат руската култура и да го зборуваат рускиот јазик.

Путин им оддаде почит и на борците од Татковинската војна за кои напомена дека никогаш нема да се заборават.

Претседателот исто така истакна дека е убеден дека Државната Дума ќе ги одобри овие документи.

Путин рече дена СССР повеќе не постои, минатото не може да се врати, но Русија не се стреми кон тоа.

Војниците кои се во Донбас ги исполнуваат своите обврски кон татковината, рече Путин.

Следете ја церемонијата во живо на следниот ЛИНК.

Continue Reading

Свет

Западот е подготвен да ја фрли секоја земја под автобус и да предизвика криза

Published

on

Рускиот претседател Владимир Путин денеска изјави дека Западот, спроведувајќи ја својата политика на диктат во сите области, создава сѐ повеќе проблеми.

„Цврсто држејќи се за минатото и обидувајќи се да спроведе диктаторска политика во сите сфери, од меѓународните односи и економијата до културата и спортот, овој вид колективен Запад создава сѐ повеќе проблеми и кризи. Тие вршат притисок врз оние земји што сакаат да го следиме суверениот пат на развој“, рече рускиот лидер на средбата со шефовите на разузнавачките служби на Заедницата на независните држави (ЗНД), пренесе ТАСС.

Путин изјави дека Западот е подготвен да ја „фрли секоја земја под автобус“ и да ја претвори во почва за кризи, да предизвика обоени револуции и масакри.

Continue Reading
Advertisement
Advertisement

Трендинг

Copyright © 2021 Булевар.мк