Connect with us

Забава

Откриено колкав коефициент на интелигенција има малиот гениј Македон

Published

on

Сегашниот македонски наставен систем нема соодветни програми или служби за талентирани и надарени деца, како седумгодишниот Македон од Тетово кој е математички гениј со 134 коефициент на интелигенција, за чии напредни способности објавија балканските и светски медиуми.

Родителите барале, но не нашле посебен систем што ќе ги артикулира талентираните деца како Македон и ќе им даде насока за образованието. Редовната настава нема доволно кадар за поголемо внимание за таквите ученици. Тој е второ одделение, но таа настава му е здодевна, па за омилениот предмет математика оди на приватни часови за да решава задачи за средно образование.

„Нема никаква помош и нема никаква насока како да ние се справиме. Едноставно баравме начин да не упатат они на кој начин ние да му помогнеме на Македон, на кој начин да му помогнеме во неговото образование. Добивме препораки да ангажираме свои професори што би биле по математика или друга област што би му помогнале и на тој начин сега работиме“ – вели родителот Владимир Димитровски.

Во ваква ситуација општество само може да биде гордо на вакви генијални умови, но универзитетите, Академијата и Министерството за образование мора да најдат начин за посебна поддршка или грижа за извонредни ученици како Македон, препорачуваат професорите.

„Во моето долгогодишно работење како професор сум имала талентирани деца, вакви не. Пример од област на јазикот и така. Сум ги насочувала и голем дел од нив токму тоа го одбрале како идна професија. Овде се работи за нешто исклучително, и мене многу мие жал затоа што ваквите исклучителни деца секој пат ќе ни завршат во странство затоа што другите држави умеат да го препознаат и да го вреднуваат нечиј ум„ – вели професорката Ружа Ѓорѓевска.

Извор: БКМ

Забава

Калиопи „се стопи“ – за само 17 дена ослабела десет килограми (ФОТО)

Published

on

Македонската поп дива Калиопи не престанува да  ја воодушевува публиката со дует песната „Знам“ која ја сними со својот драг колега и пријател Жељко Самарџиќ.

Со оваа заедничка песна ја „разгали и купи“ публиката ширум регионот, а потврда за тоа се 1,5 милиони прегледи на YouTube, колку што песната има за само еден месец од нејзиното излегување.

Иако има 56 години, Калиопи може да се пофали не само со младешки дух, туку и со изглед на кој можат да и позавидат и многу помладите припаднички на понежниот пол, меѓу кои и многу од естрадата.

Во сторињата на својот Инстаграм, Калиопи откри како „стопи“ 10 килограми за 17 дена и откри дека тоа и пошло од рака  благодарение на диетата за липосукција, со која бројни познати личности на Балканот си ги решиле проблемите со килограмите.

„Како и сите што ослабеа, така и јас моментално се откажав од слатките (освен омиленото чоколадо, но само црно), лебот, млечните производи… Одолевам на искушенијата, а откажувањето не ми е тешко, бидејќи одлуката што ја донесов е поважна од сите можни специјалитети. Навиките поврзани со исхраната, кои ги стекнав додека слабеев, денес се мојот нов начин на живот“ – изјави Калиопи.

Македонската дива претходно во медиумските настапи зборуваше дека е голем гурман, дека подеднакво сака да готви и да јаде, но во име на здравјето и убавиот изглед понекогаш е добро да се биде умерен. И затоа оваа диета со липосукција и помогна да воведе ред и умереност во исхраната.

Фото: Инстаграм принтскрин/

Continue Reading

Забава

Пајак и Џехва имаат дует: Македонскиот трапер и познатата српска пејачка со заедничка песна и спот (ФОТО и Видео)

Published

on

Младиот и супер талентиран музичар од Охрид, 22-годишниот Христијан Настески- Пајак продолжува со музички изненадувања и го најавува дуетот со познатата српска пејачка Теодора Џехверовиќ.

Теодора на нејзиниот профил на Instagram објави неколку секунди од снимањето на спотот, а во разговор со фановите напиша: Песната со Пајак е втора песна која ја слушав повеќе од 500 пати.

Пејачката исто така најави и дека дуетот со Пајак ќе излезе набрзо. Двајцата престојуваат на Кипар каде што снимаат и спот за песната.

– Нова песна ќе имам за многу брзо, а албумот почна полека да се подготвува. Се надевам дека до следната година ова време ќе излезе, напиша Теодора.

Заедно со Mc Stojan во февруари годинава го Пајак го објави хитот „Мала моја“, откако претходно го издаде синглот „Хабиби“, во дует со Антониа Гиговска. Заедно со Лара Иванова ја надминаа и фантастичнатабројка од над 16 милиони прегледи на одличната макфестовска дует песна „Bella“.

Младиот трап артист со музика започнал да се занимава уште од негова 6-годишна возраст, а талентот го наследил од неговиот татко кој е поранешен гитарист и љубител на рок музиката. Вели дека инспирација добива од други артисти, љубител е и на многу други стилови на музика, затоа што секоја музика си има своја тема, убавина и порака…


На кратко тизер од снимањето на спотот и песната можете да слушнете тука:

Continue Reading

Забава

„Македонијо во срце те носиме“ – ќе ја обои Македонија во најубавите звуци

Published

on

„Македонијо во срце те носиме“, е насловот на новиот музички проект во кој на едно место се ставени 12 македонски патриотски песни во изведба на 12 македонски изведувачи, и од светот на забавната и од светот на народната музика.

Нашите патриотски песни ја чуваат вистината за нашето потекло, за нашата борба, за борбата на нашите најголеми херои и нивната жртва токму затоа и идејата ни беше да им го продолжиме векот на песните и да ги доближиме до младите луѓе, кои, за жал, сѐ поретко растат со македонска музика. Идејата на овој проект е да го обедини македонскиот народ во вистината која носат овие патриотски песни, на кои сакаме да им дадеме свој печат, своја емоција. Поделби не ни требаат“, рече на денешната прес-конференција Бојана Скендеровски, која воедно го најави и концертниот караван кој под истото име ќе ја обои Македонија во најубавите звуци.

Планирано е да се одржат концерти во неколку македонски града, а завршниот е закажан за во Скопје.

Continue Reading
Advertisement
Advertisement

Трендинг

Copyright © 2021 Булевар.мк