Connect with us

Забава

ВИДЕО: Тони Зен се враќа на музичката сцена, слушнете го „Планот“

Published

on

По пауза од подолго време на македонската музичка сцена повторно се враќа човекот кој пред десетина години беше еден од најслушаните изведувачи.

Тони Петковски, во јавноста познат како Тони Зен, има нов сингл со наслов „Планот“ – Во ова време – невреме за сите уметници, тој одлучи повторно да го прави она што најдобро го знае, а тоа е музиката. Ново време, нови визии, нови цели.

Целата приказна почна од поривот и љубовта за творењето. Се инспирирав од музиката и поддршката на моите пријатели и соработници Нино Васков и Ики, со кои работевме долги години. Идејата со оваа песна е дека сето она што ни било зацртано низ времето го остваруваме и прикажуваме на ваков начин, затоа што ова ни е задача и љубов од многу одамна. Се чувстувам должен кон публиката бидејќи долго време бев отсутен, ова враќање е токму за нив, инспириран од младите, но секако и од постарите артисти, музиката мора да продолжи без оглед на се. Сакам да се претставам на наш, македонски начин. – вели Тони Зен.

Музиката, аранжманот, миксот и мастерот го направија Илија Цветковски – Ики и Нино Васков, а за видео записот одговорен е Огнен Шапковски – „Мелем продукција“.

Она што е добро да се знае е дека Тони Зен потпиша три годишен договор со „Прагма продукција“ – продукција која знае како да работи и која ќе стои зад секој негов професионален ангажман. Неговата агенда со настапи е веќе преполна, го очекува богата летна турнеја, а дел од истата ќе биде и „Мандра фестивалот“ во Дојран каде ќе настапат големи музички имиња, вклучувајќи го и Тони. Веќе во сабота, на 2-ри јули, со Тони ќе имате можност да се дружите во Градскиот парк на „Crazy summer festival“.

Слушнете ја неговата нова песна.

Забава

Маестро Симон Трпчески е Маж на годината за 2022

Published

on

Маестро Симон Трпчески е добитник на наградата „Маж на годината“ за 2022 година, на официјалниот избор „Мажи на годината“ во организација на Фрајдеј Комуникации и Џентлмен Магазин.

Гламурозната манифестација „Мажи на годината“, настан поддржан од „Casinos Austria International Macedonia“, по петти јубилеен пат се одржа во хотелот „Хилтон“, со најголема посетеност досега. Во присуство на голем број претставници од бизнис секторот, јавниот живот, амбасадори и ексклузивниот гостин Петар Грашо. Беа избрани 13 најуспешни мажи, во 13 категории кои ја одбележале 2022 година. Според официјалниот избор на жири комисијата во чиј состав се членови од институции, новинари, претставници на бизнис секторот, режисери и стилисти, титулата „Маж на годината 2022“ ја понесе Маестро Симон Трпчески.

Симон Трпчески е еден од најафирмираните македонски изведувачи и најдобриот македонски пијанист на сите времиња, човек со беспрекорен стил во музичката индустрија.Тој ја доби и наградата за „Маж со најголем придонес во културата“.

Наградата „Маж со трајни вредности“ ја доби Проф. Д-р Аце Миленковски, „Маж со најголем придонес во општеството“ му припадна на Игор Гешовски -генералниот директор на Еко Логистик, наградата „Маж странец на годината“ ја доби Амбасадорот на Јапонија, господинот Хиронори Савада, наградата „Маж со најдобар стил“ ја доби Павле Камилоски. „Маж менаџер на годината“ ја понесе Д-р Емил Угриновски, за наградата „Маж со најголем придонес во спортот“ беше избран Калин Ивановски, генралниот директор на Тиго Фајнанс – Филип Димитровски ја доби наградата „Млад менаџер на годината“, додека Амар Салиу ја доби наградата „Менаџер на годината до 40 години“. Во категоријата „Маж на годината според социјалните медиуми“ публиката го одбра Отец Оливер Петровски, најголемиот хуманист во Македонија за изминатава година.

На настанот кој традиционално се одржува во ноември во чест на месецот на машкото здравје наградата „Хедонист на годината“ отиде во рацете на Илија Малинковски, а наградата „Маж на годината според организаторите“, ја доби легендарниот Игор Џамбазов.

Изборот „Мажи на годината“ секоја година традиционално се одржува последната среда од месец ноември. А организаторите оваа година го најавуваа како спектакуларен.

Continue Reading

Забава

Маестралната изведба на “Учи ме мајко, карај ме” од Македонец од Лерин (ВИДЕО)

Published

on

Во продолжение слушнете ја маестралната изведба на “Учи ме мајко, карај ме” од Македонец од Лерин.

Ова се жители на село близу Лерин со една од најпрекрасните изведби на „Учи ме, мајко, карај ме” што некогаш сум ја слушнала – пишува Моника Силјановска.

Continue Reading

Забава

ДУА ЛИПА ДОБИ АЛБАНСКО ДРЖАВЈАНСТВО: Сега сум Албанка и на хартија, ви благодарам, ова е голема чест за мене и за моето семејство

Published

on

Албанскиот претседател Бајрам Бегај и го врачи уверението за албанско државјанство на познатата пејачка Дуа Липа и порача дека таа е гордост на државата.

„Посебно задоволство ми е што на талентираната и светски позната пејачка ќе ѝ го врачам указот за албанско државјанство. Пред 110 годишнината од прогласувањето независност на Албанија, не им оддаваме чест само на оние кои во минатото придонеле и помогнале во создавањето на албанската држава, туку и на оние кои со својот придонес во сите области го промовираат албанскиот национален идентитет и не прават горди во секој момент, напиша на својот Фејсбук профил Бегај.

Додаде дека Дуа Липа е богатство за музичкиот свет, а во исто време и гордост на Албанија, Косово и на сите подрачја каде што се зборува албанскиот јазик.

Оваа светски позната пејачка со албанско потекло истакна дека е особено среќна што добила државјанство на матичната земја и оти тоа е посебен момент во нејзиниот живот.

-Ова е многу голема чест за мене и моето семејство. Ви благодарам за оваа можност. Сега сум Албанка и на хартија, рекла таа на чинот на врачувањето на државјанството.

Во објава на Инстаграм освен на Бегај му се заблагодарува и на градоначалникот на Тирана Ерион Велиај.

-Ви благодарам претседателе Бегај и градоначалниче Ерион Велиај на ова признание – добив албанско државјанство! Многу сум горда, објави таа на Инстаграм заедно со повеќе фотографии.

Дуа Липа е родена на 22 август 1995 година во Лондон, Обединетото Кралство, во семејство на имигранти од Косово кои ја напуштиле Приштина во 1990-тите години.

Во почетокот на август косовската претседателка Вјоса Османи и ја додели титулата почесна амбасадорка на Косово.

Денеска, на денот на 110-годишнинат од независноста на Албанија ќе одржи концерт на плоштадот Скендербег во центарот на Тирана.

Continue Reading
Advertisement
Advertisement

Трендинг

Copyright © 2021 Булевар.мк