Connect with us

Uncategorized

Денеска е Огнена Марија, овие работи никако не смеете да ги правите 🔥

Published

on

Православните верници, утре го одбележуваат празникот на света великомаченичка Марина, во народот познат како Огнена Марија, која се почитува како борец за христијанската вера и заштитничка на жените.

Според народното верување, Света Марина пали и казнува со оган и како и Свети Илија кој казнува со гром, спаѓа во огнени светци.

Ако на денот на Огнена Марија, светкаат молњи и се слушаат грмотевици, тоа се смета за лош знак и голема казна. Се смета дека оваа светителка добро знае кој е грешен, па тој ден сите добиваат сите по заслуга.

Жените посебно го празнуваат денот на Огнена Марија, па на овој ден домашните работи се сведени на минимун. Задолжително е одењето во црква и молитва пред иконата на Свети великомаченичка Марина.

Обичај е да на овој празник, кога поради големата жештина гори и небото и земјата, ништо да не се работи.

Во преданијата има примери за оган и громови кои во врелите празнични денови го палеле житото, сеното и домовите на луѓето кои работеле на овој празник.

Uncategorized

Кај нас помали тенџериња – А во Чешка владата ќе им ги плаќа сметките на граѓаните ако надминат 30 отсто од приходите

Published

on

Поради поскапените енергенси, чешкиот премиер Петр Фијала вети компензација за граѓаните преку станбен додаток, за сите оние чии сметки надминуваат 30 отсто од нивните приходи, а во Прага штом се над 35 проценти од приходите.

– Владата нема да дозволи кој било да пропадне. За домување граѓаните ќе плаќаат максимално 30 отсто од своите приходи, во Прага 35 проценти и тоа вклучувајќи ги сите плаќања за енергија. За сите трошоци над 30 отсто од приходите, државата е подготвена да плати, истакна Фијала, јави телевизијата ЧТ.

Станбениот додаток во Чешка не е новост. Досега беше вид социјална помош за најсиромашните семејства. Фијала сега апелираше граѓаните да не се срамат да го бараат и оние кои до зголемените трошоци за енергија годинава, немале право на додатокот, пренесе Бета.

Во првата половина од годинава, државата преку станбен додаток исплати околу 208 милиони евра. Кон крајот на август ќе бидат познати и деталите за посебна поевтина тарифа за струја и гас за домаќинства, во чии рамки државата со 2,5 милијарди евра ќе ги субвенционира трошоците за идната грејна сезона на граѓаните за скапата енергија.

Министерството за индустрија и трговија почнува со проверка на авансните плаќања што енергетските компании им ги испраќаат на потрошувачите, затоа што се множат информациите за злоупотреба на поскапувањето, потрошувачи плаќаат аванси повисоки од крајните трошоци.

Continue Reading

Uncategorized

Фото: Пронајдени шорцеви на плажа слични на тие што ги носел Мартин

Published

on

Шорцеви за капење биле пронајдени вчера, на плажата кај Катерини, слични на оние што ги носел 31-годишниот Мартин Јовановски, кој исчезна од плажата Мити, кај местото Посиди на Халкидики, пред 13 дена. На последната фотографија од Мартин, на денот на исчезнувањето 9 јули, тој носи слични шорцеви за капење. Нив ги пронашол граѓанин, кој не ги земал со себе, туку ги фотографирал, и фотографијата ја испратил до спасувачите со порака дека наликува на костимот на 31-годишниот Македонец, по кого се трага 13-тиден.

Како што објави шефот на спасувачката мисија ОФКАТ, Христос Рамос, фотографијата од костим за капење на плажата Катерини ги мобилизираше спасувачите – волонтери и тие веднаш се упатија кон местото, но ништо не се случи што би го подигнало моралот на семејството.

Спасувачите со часови трагале, но не успеале да го лоцираат.

-Човекот ми ја испрати фотографијата со костим за капење меѓу алги, но за жал, само го фотографирал без да го земе. Пристигнавме на самото место и со помош на спасувачкиот тим Пиерија – ДОП, кој ни даде чамец, ја пребаравме областа до делтата
Аксиос, но залудно“, изјави Рамос за Вориа. Но, оваа фотографија беше доволна семејството да верува дека е на Мартин.

-Кога костимот го виде мајката на Мартин, рече дека личи на тој што го носел нејзиниот син“.

Досегашната потрага по Мартин во која се вклучени освен грчките крајбрежни служби со спасувачи, бродови и дронови, на Халкидики се мобилизирани и македонски граѓани кои доброволно се вклучија во потрагата.

Досега сите потраги се неуспешни, но активни.

Мартин на 9-ти јули со двајца пријатели исчезна во водата на плажата Посиди, кога ги однеле силните струи. Едниот беше извлечен по неколку часа, а другиот пронајден по 20 часа потрага.

Continue Reading

Uncategorized

Среќен именден Павле, Павлина

Published

on

Денеска е Собор на 12- те апостоли – Павловден, а именден празнуваат: Павле, Пајо, Павлина…

Вториот ден од завршувањето на постот е празник на сите 12 Апостоли. Така и се вика празникот: Собор на 12 Апостоли, и тоа е нивен главен заеднички празник, слично како што има соборни денови и за свети Јован Крстител, за архангел Михаил итн.

Апостолите се слават како темели на црквата, што навистина се, со оглед на тоа што тие се првите луѓе кои во потполност ја примија благата вест за единствениот можен Спасител на луѓето и на светот.

Уште повеќе затоа што истата вест ја проширија по сите краишта на вселената.

Continue Reading
Advertisement
Advertisement

Трендинг

Copyright © 2021 Булевар.мк