Connect with us

Македонија

Ќерката на Талат Џафери ќе го контролира парното греење во Скопје

Published

on

Државната енергетска компанија АД ЕСМ ги регистрираше трите компании со кои ќе учествува на владиниот оглас за добивање на лиценци за парното греење во Скопје. На њеб-сајтот на Централен регистар стои дека трите субјекти: ЕСМ – Снабдување со топлина, ЕСМ – Дистрибуција на топлина и ЕСМ – Производство на топлина се основани на 29 јули 2022 година со основачки влог од 308.000 евра и се во државна сопственост.

На фирмата ЕСМ – Снабдување со топлина која ќе ги наплатува сметките, за управител е впишан Месуд Јакупи (ИТ администратор) кој беше шеф на изборниот штаб на ДУИ во скопско Студеничани. Тој ќе има шестмесечен мандат (од 22 јули 2022 до 22 јануаи 2023 година). Со Надзорниот одбор ќе претседава Петар Петровски од Битола, а членови се Бесиана Џафери Беќири од Чаир која е ќерка на спикерот на мекедонското Собрание, Талат Џафери и Зорица Гиовска од Гази Баба. 

Фирмата ЕСМ – Дистрибуција на топлина ќе ја директорува битолчанката Менка Јовановска, која исто така има 6-месечен мандат, а за членови на Надзорниот одбор се назначени Александра Маројевиќ, Џевит Ковачи и Билјана Николова, сите од Скопје.

ЕСМ – Производство на топлина треба да набавува природен гас за работа на топланите – Исток и Запад. Во оваа фирма за директор е назначен  кичевчанецот Златко Пиперкоски, електроинженер кој лани беше разрешен од позицијата директор на РЕК Осломеј. Членови на Надзорниот одбор се Соња Стефановска и Љубчо Кижевски од Скопје и Валбона Халили од Кичево.

Дејноста на сите три претријатија е снабдување со пареа и климатизација на адреса на управата на државните електрани.

Владата го задолжи АД ЕСМ да ги формира трите фирми со цел да се јави на јавниот повик за избор на нова компанија што ќе ги дава услугите за кои досега беше задолжен „Балкан Енерџи Груп“.

Македонија

Купени 150 луксузни возила за 3,6 милиони евра за време на пандемијата и кризата

Published

on

Низа злоупотреби за време на пандемијата, наместо маски и друга опрема за медицинскиот персонал, средствата биле искористени за други цели. Државната комисија за спречување на корупција на денешната седница меѓу другото расправаше и за злоупотребите на институциите за време на пандемијата, главно за купените службени автомобили од страна на државните институции.

Податоците со кои располага комисијата се загрижувачки. Претседателката Билјана Ивановска од Антикорупциска вели дека не се само два автомобили кои беа познати во јавноста, туку станува збор за 150 нови автомобили, додека државата не можеше да обезбеди соодветна заштита за сите граѓани. Возилата се со вкупна вредност од над 3,6 милиони евра, односно луксузни возила со поединечна вредност од 20.000 до 40 000 евра за коишто, како што вели Ивановска, не се гледа потреба да се купуваат, особено во време на пандемија.

„Владата треба да донесе одлука за службените возила. Од една страна стега со даноци, а граѓаните ги иритира кога гледаат дека пари се трошат за луксузни возила кои се користат дури и за приватни цели. И кога се работи за службени цели, може да се помине со поевтини возила“, рече Ивановска.

Загрижувачки е фактот што државните институции за време на пандемијата и економска криза, ангажираат правни лица за извршување на работите што треба да ги извршуваат административците кои веќе работат во овие институции. Од Антикорупциска велат дека купувањето службени автомобили и ангажирањето надворешни соработници во државни институции се индиција за корупција

Continue Reading

Македонија

Штом требало да се штеди зошто не се укинат 3 – 4 министерства?

Published

on

На македонската влада и стана навика да укажува дека треба да се штеди. Криза било, морало порационално да се троши, загрижени се министрите.

Мнозинство од граѓаните во Македонија ги земаат на мајтап овие владини апели, барања, опомени… Зошто е така? Зарем населението не ја гледа сериозноста на ситуацијата? 

-Ја гледаме сериозноста на ситуацијата, но не ја гледаме сериозноста на Владата во намерата да штеди, сака само населението да го товари, ни одговори еден аеродромец утрово на прашањето.

Логичниот одговор наметнува друго прашање: Кога ќе следи намалување на бројот на министрите и пратениците, кога ќе се намали администрацијата односно сиот оној „јавен сектор“ кој е прегломазен и прескап?

Така ќе покаже Владата дека навистина таа почнува да штеди. Така ќе се даде пример и другите да штедат.

Впрочем за намалување на државните функционери кои дебело се платени има и друга (дебела) причина – до сега нивната бројка беше планирана за повеќе од два милиони жители, ако веќе се намалило населението (што покажа пописот), треба да се намалат и тие кои и „служат“ на граѓаните на Македонија.

Како за се и текнува на министрите, за ова не им текна?

Има премногу министерства во Македонија. Најмалку 3 -4 треба да отпаднат. Има премногу јавни претпријатија, разни агенции и слично. Сите тие имаат раководни кадри со шофери и секретарки, па дури и советници. Многу управни одбори, па надзорни… Се тоа треба да се намали.

Па нели криза е, а и следела уште поголема? 

Текст на Скопско ехо

Continue Reading

Македонија

Во Арачиново се краде или не се плаќа струја во вредност од 6 милиони евра за една година

Published

on

Според пресметки на луѓето вработени во ЕВН кои секојдневно се на терен, околу 50 милиони евра е вредноста на украдената струја само од Скопскиот регион само за една година.

Вработен во ЕВН за МКД изјавил дека само во Општина Арачиново за една година се краде или не се плаќа струја во вредност од 6 милиони евра.

Според неофицијалните податоци на вработен во ЕВН, во февруари годинава загубите на електрична енергија само во Арачиново изнесуваат околу 80%. Трафостаницата број 6 со број 381145 поради кражба на струја бележи загуба од над 56%.

Трафостаницата број 1 со број 380396 поради кражба на струја бележи загуба од над 65%. Трафостаниците 10, 3, 8 и 9 со соодветните броила бележат загуби од 70% поради кражба на струја, трафостаниците со броеви 5, 4, 2, 13 и 11 со соодветните броила бележат загуба од над 80% поради кражба на струја, трафостаницата број 12 со број 381392 е со рекордна загуба од 96% поради кражба на струја. Сите се на територијата на Општина Арачиново.

Ова се делови од официјалните извештаи на ЕВН за оваа општина.

Или во февруари годинава во овој регион биле украдени вкупно 2.800 мегаватчасови. Тоа значи дека на годишно ниво загубата е повеќе од 20 илјади мегаватчасови. Просечната цена на берзата на струја за еден мегаватчас е 300 евра. Ова значи дека само од регионот на Арачиново вредноста на украдената струја е 6 милиони евра за една година.

Continue Reading
Advertisement
Advertisement

Трендинг

Copyright © 2021 Булевар.мк