Свет

Архитектонското чудо – Кинескиот национален театар е новото светско чудо

Архитектурата го прикажува цивилизацискиот развој на државите, па според тоа, Кина со своите архитектонски дела се наоѓа на самиот светски врв.

Големиот број градителски дела низ цела Кина, од минатото, сè уште ги восхитуваат илјадниците туристи, а современите градби им го запираат здивот.

Едно од современите чуда на кинеската архитектура претставува Националниот театар или Бисерот на вода, како што го нарекуваат во Кина.

Импозантен по своите форма, позиција и габарит, театарот се протега на површина од 219.000 квадратни метри. Ова величествено здание е сместено на вештачкото езеро на пекиншкиот плоштад „Тјенанмен“, има форма на полуелипса, која создава илузија дека театарот плови по водата.

Ентериерот на театарот е смислен така за публиката да биде релаксирана и за да ужива и додека се движи низ него. Особено внимание ѝ е посветено на удобноста на посетителите, така што седиштата се опремени со вентилатори, кои одржуваат пријатна температура во пространите сали, како и со спречувачи на звук, кои овозможуваат при напуштањето на театарот да не се создава бучава што ќе им пречи на другите. Екстериерот е составен од метал на кој се вградени титаниумска мрежа и стакло преку кое, во текот на денот, се одбиваат сончевите зраци и кое служи како небесно огледало, а во текот на ноќта, објектот изгледа како споменик над езерото, осветлен со специјални светла.

Во внатрешниот и во надворешниот дел на театарот преовладуваат златната и црвената боја. Особено впечатливи се ѕидовите, кои се изградени од специјално стакло и кои стануваат проѕирни создавајќи оптичка илузија меѓу внатрешноста и околината надвор, со што се создава ефект на „губење“ во времето и просторот.

Покривот е во форма на стаклена купола и посетителите што ќе купат карта за повисоките ложи, имаат посебно доживување, како да се дел од ѕвездено небо.

Во Националниот театар има опера, голема сцена и концертни сали, што заедно претставува еден културен комплекс што се разликува од традиционалните театарски сцени. Во склоп на театарот има и книжарници, продавници за сувенири, изложбени салони, кафетерии и ресторани, со што целиот простор остава впечаток на еден уметнички кварт под стаклено ѕвоно.

Програмата што се изведува на главната сцена, најчесто ѝ е посветена на кинеската народна песна, поезија и на кинеските претстави и поради тоа, на тој простор, акцентот е ставен на црвената боја во просторот. Магијата на кинеската драмска уметност, која е раскошна и живописна, на оваа сцена често е збогатена со холограми во заднината на сцената, но покрај тоа, се играат и театарски претстави од современите автори, како и од светските драмски класици.

Кинескиот Национален театар е еден од најрепрезентативните примери на врвните достигнувања на современата кинеска архитектура. Посетителите имаат можност да ги гледаат најдобрите светски и кинески достигнувања во театарот, музиката, балетот, но покрај тоа, театарот е посетуван и од голем број туристи, кои сакаат да го видат најголемиот светски театар и модерно архитектонско чудо. Иако најчесто Кина се поврзува со подемот во технологијата и во економијата, сепак, архитектонските достигнувања на оваа земја докажуваат дека и во минатото и денес Кина има традиција на создавање врвни архитектонски дела.

Up Next

Скандалозна изјава на Елон Маск: Луѓето треба да бидат чипирани

Don't Miss

ШOКАНТНО: 79 платеници од Македонија војуваат против Русија во Украина

Свет

Нови руски напади врз Украина: Повеќе региони останаа без струја и греење

Во нов бран руски напади врз енергетската инфраструктура и станбени објекти низ Украина загинале најмалку шест лица, а десетици се повредени. Според Би-би-си, Русија лансирала стотици ракети и дронови, погодувајќи 25 локации, меѓу кои и Киев, поради што многу области останале без струја и греење.

Најтешко погодени се Дњипро, Запорижја, Полтава, Харков и Киевската област. Украинските власти потврдија дека се оштетени клучни енергетски објекти, но итните служби веќе работат на нивна обнова.

Украинското воздухопловство соопшти дека Русија во текот на ноќта лансирала повеќе од 450 дронови и 45 ракети, од кои 406 дронови и девет ракети биле соборени. Москва, пак, тврди дека целите биле исклучиво воени објекти.

Овие удари, кои се засилуваат со приближувањето на зимата, според аналитичарите, претставуваат тест за издржливоста на украинската одбрана. Претседателот Володимир Зеленски порача дека нападите се уште една причина зошто не смее да има исклучоци од западните санкции за руската енергија.

Свет

Најголемиот критичар на Кремљ предупредува: Подгответе се за Вторa Студена војна

Најпознатиот руски опозициски критичар Михаил Ходорковски ја предупреди Европа дека треба да се подготви за долгорочна конфронтација со Русија, без разлика како ќе се развива војната во Украина.

„Треба да очекуваме некаква форма на нова Студена војна, која ќе трае најмалку десет години“, изјави поранешниот нафтен магнат на приватен настан во Брисел.

Според него, единствениот фактор што може да ја спречи руската агресија во тој период е уверувањето на претседателот Владимир Путин дека Западот претставува сериозна воена закана.

Поранешниот сопственик на компанијата „Јукос“ е скептичен кон ефектот на западните санкции и украинските напади со дронови, тврдејќи дека тие нема значително да ја ослабат руската воена машинерија. Ходорковски смета дека единствената реална можност за слабеење на Путин била во првите две години од инвазијата – можност што, според него, е веќе пропуштена.

Минатиот месец, руските власти отворија нова постапка против Ходорковски и неговите соработници, обвинувајќи ги за „терористичка организација“. Тој и други руски опозициски фигури во егзил се соочуваат со проблеми во европските банки и при патувања поради ваквите обвиненија.

Ходорковски верува дека еден ден ќе се врати во постпутиновска Русија, но предупредува дека на земјата ќе ѝ бидат потребни децении за да се ослободи од „империјално-воениот наратив“.

„И покрај сè, не сум обесхрабрен. Иднината ми е исто толку реална колку и сегашноста – и токму таа ме мотивира“, изјави Ходорковски.

Свет

САД и Унгарија склучија договор од 114 милиони долари за нуклеарно гориво

САД и Унгарија потпишаа договор вреден 114 милиони долари за снабдување со американско нуклеарно гориво, соопшти Стејт департментот, оценувајќи ја соработката меѓу двете земји како достигнување нови височини.

Компанијата „Вестингхаус“ ќе го снабдува унгарскиот нуклеарен реактор „Пакс I“, кој произведува околу половина од електричната енергија во земјата. Договорот следи по средбата на претседателот Доналд Трамп и премиерот Виктор Виктор Орбан во Вашингтон.

Стејт департментот истакна дека со договорот се отвора пат за подлабока соработка во цивилната нуклеарна индустрија, вклучувајќи ги малите модуларни реактори и складирањето на потрошено гориво. Исто така, САД и Унгарија планираат Будимпешта да стане центар на новиот пазар на малите модуларни реактори во Централна Европа, со цел промоција на американските нуклеарни иновации и развој на трансатлантска индустрија.