Вчера во скопската населба Дебар Маало се случи уште една масовна тепачка меѓу малолетници. Најпрво на социјалните мрежи се појавија видеа и информации за инцидентот пред сендвичарница во Дебар Маало, а од МВР ја потврдија информацијата. На видеото се гледаат турканици на поголема група ученици кои во еден момент почнуваат да бегаат.
Р.М.(44) од Скопје пријавил дека околу 22.00 часот на улицата „Орце Николов“, во близина на сендвичарница, четири малолетнички, по вербална расправија, физички ја нападнале неговата малолетна ќерка. Според пријавеното, причина било претходно недоразбирање околу нарушени другарски односи на училиште. Полициски службеници излегле на местото на настанот и се работи на расчистување на случајот“, соопшти МВР.
Елката во Скопје иако крива, но и недокитена – стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.
„Каков народ, таква елка на плоштад: сиромашен, ужасен, грд за гледање“, стои во коментар на „Х“.
Тага и молк во основното училиште на убиената Вања Ѓорчевска. Во Ј.Х.Песталоци отворена книга на жалост. Се потпишуваат родители, познаници, но и соученици.Наместо детски џагор, тишина низ школскиот двор.
-Наставниците не умеат да ја решат оваа задача, Вања. Прости ни, не можеме, не знаеме како да се поздравиме… Нека ти биде светол патот кон вечноста! Твојата насмевка и искрена душа засекогаш ќе останат во нашите срца. Со неизмерна болка и љубов, твоите наставници и соученици, најмила Вања!- стои во објавата.
Умре и третата жирафа во скопската Зоолошка градина Флопи. Како што дозна САКАМДАКАЖАМ.МК од вработени во градината, единствената жирафа која остана во градината починала вчера попладне.
Сега во градината нема ниту една жирафа. Во мај годинава умре Каспер, а во јануари 2021 година Тобого.
Жирафите Тобого, Каспер и Флопи беа омилените жители на посетителите во скопската зоолошка градина.