Европа

Новата премиерка на Италија: “Не сум родител 1, родител 2, јас сум Христијанка – ќе го браниме Бога, татковината и семејството”

,,Јас не можам да се кажам Италијанка, христијанка, жена, мајка. Не! Морам да бидам граѓанин Х, род Y, родител 1, родител 2. Јас морам да бидам број.

Затоа што кога сум само број, кога повеќе немам ни идентитет ни корен, дури тогаш сум совршен роб на милоста на финансиските шпекуланти. Совршен потрошувач“.

Вака гласи говорот кој ги стаписа левичарите во Италија, а им даде надеж на десничарите. Тврдите ставови на новата премиерка Џорџа Малони, која влегла во политиката членувајќи во организација поврзана со фашизам одекнаа по социјалните мрежи.

Мелони ги брани семејните вредности и националниот идентитет наспроти конзумеризмот. Таа најавува дека дошла на функцијата бидејќи „огнови ќе се запалат за да сведочат дека два и два се четири“, цитирајќи го Гилберт Честертон.

– Денес бараме одговори на следниве прашања. Зoшто фамилијата е непријател? Зoшто семејството е толку застрашувачки поим? Има само еден одговор на овие прашања. Затоа што тoа нè дефинира. Затоа што тоа е нашиот идентитет – вели Мелони и додава:

– Затоа што сè што сме, сега е непријател за оние кои не сакаат да бидеме свои и просто сакаат да бидеме робови на конзумеризмот.

Затоа удираат по националниот идентитет, затоа го напаѓаат верскиот идентиет, па родовиот и во крајна линија семејниот идентитет – продолжува премиерката.

– Затоа се плашат од нас. Затоа ова предизвикува толку многу страв. Затоа што ние не сакаме да бидеме само бројки. Ние ќе ја браниме вредноста на човекот. Секој еден човек. Бидејќи секој од нас има единствен генетски код што е неповторлив.

Им се допаѓало тоа или не, тоа е светост. Ние таа светост ќе ја браниме. Ќе го браниме Бога, татковината и семејството. Нешта од кои некои се гадат.

Ќе ги браниме за да ја одбраниме нашата слобода, бидејќи никогаш нема да бидеме робови и прости конзументи во милост на финансиските шпекуланти – подвлекува Џорџа, а потоа зборува за нејзината мисија, за огнот и за мечот на кои „им е дојдено времето“:

– Тоа е нашата мисија. Затоа дојдов јас овде денес. Пред повеќе од век, (Гилберт) Честертон напиша: „Огнови ќе се запалат за да сведочат дека два и два се четири. Меч ќе се извади за да се докаже дека лисјата на лето се зелени – театрално завршува Мелони.

– Дојде време, Господа. Спремни сме. Ви благодарам.

Видео:

https://fb.watch/fQcH_4SX5Z/

Up Next

Ескалираат тензиите во Егејското море: Исплови речиси целата грчка флота!

Don't Miss

„Јас сум мајка, Италијанка, христијанка“: Која е идната премиерка на Италија? (Видео)

Европа

Европската епархија купи нова црква за македонските верници во Германија

Европската епархија на Македонската православна црква – Охридска архиепископија (МПЦ-ОА) купи нов објект во Германија, кој ќе стане духовен дом на македонските верници во Штутгарт.

Верниците на црковната општина „Свети Кирил и Методиј“ во овој германски град наскоро ќе имаат свој сопствен храм каде ќе се служат литургиите и ќе се одвиваат сите црковни активности.

Договорот за купопродажба беше потпишан во присуство на надлежниот митрополит Европски г. Пимен.

„Со голема духовна радост, Македонската православна црковна општина од Штутгарт ја известува својата богобојазлива заедница дека денес, во присуство на Неговото Високопреосвештенство, митрополитот Европски г. Пимен, беше и официјално потпишан купопродажниот договор за храмот ‘Свети Кирил и Методиј’. Овој чин претставува значаен духовен и историски момент за македонската православна заедница во Германија. Со ова, верниците добиваат свој сопствен дом на верата, молитвата и заедништвото. Создаваме денес, за утре да имаме историја“, соопштија од МПЦО „Св. Кирил и Методиј“ – Штутгарт.

Храмот ќе биде духовно средиште на Македонците во регионот, каде ќе се одржуваат богослужби, верска настава и културно-духовни активности за младите и за семејствата.

Извор: религија.мк

Европа

Расте стравот во Европа, државите се подготвуваат за најлошото: Вежбаат евакуација, а некои се веќе во засолништа

Европа е во состојба на зголемена тревога. Во Литванија, жителите на Вилнус вежбаат евакуација во случај на ширење на воен конфликт. Стотина граѓани беа евакуирани со автобуси и возови во привремено засолниште, околу сто километри од главниот град.

Последните недели дополнително го зголемија стравот — европското небо е сведок на упади на воени авиони и дронови, сечени се подводни кабли, а мета на кибер-напади беа и аеродроми и изборни системи.

Европските држави ги усогласуваат своите безбедносни чекори, а секоја паралелно ја зајакнува сопствената одбрана. Во Германија, по инцидентот кога над 10.000 патници останаа блокирани на аеродромот во Минхен поради дронови, владата подготви закон со кој полицијата ќе може самостојно да ги урива беспилотните летала доколку претставуваат закана или предизвикуваат штета.

Законот сè уште треба да го потврди германскиот парламент, а слични регулативи веќе се применуваат во Франција, Литванија и Романија.

Европа

МБИ10 останува стабилен, а обврзниците бележат пораст од 0,62%

Изготвен од Илирика Инвестментс АД Скопје врз основа на официјални податоци од Македонска берза.

Во понеделникот, 25 август 2025 година, на Македонската берза беа остварени вкупно 14.309.758 денари промет, преку класични трансакции и блок зделки. Индексот МБИ10 заврши со минимален раст од 0,03%, на ниво од 10.398,49 поени, додека индексот ОМБ кој ги следи државните обврзници порасна за 0,62%, достигнувајќи 128,27 поени.

Најтргувани хартии од вредност

● Комерцијална банка АД Скопје (KMB) – 3.830.840 денари (регуларно) + 2.062.280 денари (блок)

● Алкалоид АД Скопје (ALK) – 4.289.590 денари

● Стопанска банка АД Скопје (STB) – 2.095.110 денари

Топ 3 добитници

● Реплек АД Скопје (RPLK): +2,50%

● Гранит АД Скопје (GRNT): +0,54%

● ВВ Тиквеш АД Кавадарци (TIKV): +0,03%

Топ 3 губитници

● РЖ Услуги Скопје (RZUS): –2,13%

● ТТК Банка АД Скопје (TTK): –1,19%

● Стопанска банка АД Скопје (STB): –0,67%

Обврзнички пазар

На денешната сесија беа евидентирани неколку трансакции со државни обврзници, вклучувајќи ги:

● Денационализација 22: +2,09%, промет 461.950 денари

● DO2019/04-0234: цена 107,10

● DO2018/05-0133dk: цена 112,20

● DO2017/10-0332dk, DO2021/14-0936, DO2017/06-0232dk, DO2020/04-0450dk: сите по цена 100,00

Берзанскиот ден го одбележа висока активност на Комерцијална банка, со доминација во блок и редовен промет. Алкалоид останува стабилен со високо ниво на ликвидност, додека индекси бележат незначителни поместувања. Обврзничкиот пазар покажа позитивен сигнал, што може да укаже на зголемен интерес кај инвеститорите за фиксен принос во услови на стагнирачки акции.