Connect with us

Македонија

Како е повредено 10-месечното бебе во гевгелиската градинка?!

Published

on

Пратеничката Ангелина Петкова од ВМРО-ДПМНЕ обвини дека во вторникот, 22 ноември, годинава, во детската градинка „Цветови“, во Гевгелија, се случи брутален инцидент, по што 10-месечно бебе заврши во општата болница во Гевгелија со тешки телесни повреди и хематом на главата. Според директорката на градинката Елизабета Стефановска се работи за повреда при детска игра, а не за физичко насилство. Директорот на гевгелиската болница д-р Митко Крџов,  за весникот ВЕЧЕР, посочи дека  детето е прегледано во гевгелиската болница при што се констатирани лесни телесни повреди, не е хоспитализирано, пуштено е дома со совет и без терапија. Министерството за труд и социјална политика утре ќе се направи вонредна контрола во гевгелиската градинка

Во вторникот, 22 ноември годинава, во детската градинка „Цветови“, во Гевгелија, се случи брутален инцидент, а 10-месечно бебе заврши во општата болница во Гевгелија со тешки телесни повреди и хематом на главата, обелодени вчера пратеничката Ангелина Петкова од ВМРО-ДПМНЕ и кажа дека директорката на градинката Елизабета Стефановска, која е поставена на оваа функција од министерката Јована Тренчовска, молчи и го крие инцидентот.

-Директорката на градинката се обиде да го прикрие скандалот, наместо да, преземе дејствија за санкционирање и да го пријави случајот во полициската станица во Гевгелија. Случајот во Полиција го пријавува родителот на бебето ден потоа. Актуелната директорка  на градинката е кадар на Социјалдемократскиот сојуз. И покрај големиот број на пропусти во работењето министерката Јована Тренчовска му ги одзема ингеренциите за детските градинки на територија на општина Гевгелија на градоначалникот Андон Сарамандов – вели Петкова.

-Детето е повредено при детска игра, не станува збор за физичко насилство, како што е пренесено во јавноста на пресот на ВМРО-ДПМНЕ. Одговорно тврдам дека повредата е настаната при детска игра, тие се мали дечиња кои се нестабилни кога одат и се случило во моментот кога две дечиња кои држејќи се за рака се потчукнале и при паѓање го повредуваат малото детенце. За среќа кај детето нема телесни повреди или хематом, за што потврдува и лекарскиот наод – вели за весникот ВЕЧЕР, Стефановска, и дополни дека за случајот е информирано и надлежното министерство.

Министерството за труд и социјална политика, утре, ќе се направи вонредна контрола во  гевгелиската градинка.

За случајот го прашавме и директорот на гевгелиската болница д-р Митко Крџов,  кој  за весникот ВЕЧЕР го прочита извештајот на дежурниот лекар кој го направил прегледот. Според него се работи за лесни телесни повреди и затоа детенцето е пуштено дома без да му се даде каква било терапија.

– Околу 4 часот во вторникот, 10-месечното детенце било донесено на лекарски преглед од страна на родителот со податоци дека наводно паднало во градинката. При прегледот од страна на дежурниот хирургот тоа е свесно, контактибилно, нормално реагира, како и зениците на светлост. На десната страна од образот  и носот се гледаат лесни гребнатинки и мало црвенило. Се заклучува дека се работи за лесни телесни повреди, затоа не е примено во болница и пуштено е дома со совет без конкретна терапија – вели д-р Крџов и дополнува дека ова е напишано во извештајот на докторот што го примил детенцето.

Според него ако имало сериозен пад, детето сигурно дека ќе било хоспитализирано и ќе ја добиело потребна терапија.

За случајот е запознаен и градоначалникот  на Општина Гевгелија, Андон Сарамандов, кој за весникот ВЕЧЕР кажа дека бил да го посети детенцето и забележел повреди. Тој реагира зошто  актуелната директорка не го информира советот на општината, бидејќи тој е основач на градинката. Според него одговорност треба да има и затоа смета дека градинката требало да го пријави случајот и во МВР. Тој информираше дека во средата родителите на детенцето настанот го пријавиле во МВР, но немаше информации дали инспекторите излегле на терен и направиле увид.

Македонија

Ќе ве расплаче! Објавена “Кажу да време лечи све” – гласот на нашиот ангел изваден со посебна технологија (ВИДЕО)

Published

on

„Кажу да време, време лечи све, ал шта ми врeди вечност без тебе”… се стиховите од рефренот на последната отпеана песна, која се чинеше никогаш нема да го здогледа светлото на денот.

Имено, со помош на новата АИ технологија е изваден вокалот и пијаното за од демо да се направи студиска снимка, која денес доживеа свое издание.

Песната е оставена како аманет на еден од ретките вистински пријатели кој што Тоше ги имаше во неговиот живот- нашиот познат радио водител, диџеј и продуцент Кирил Зарлинов попознат како Ерик Фокс, кој одлучи оваа демо снимка комплетно аранжмански да ја заврши и да ја даде како подарок од Тоше за сите негови обожаватели по повод неговиот роденден, се со цел неговиот лик и дело никогаш да не бидат заборавени.

Автор на музиката и текстот е Зоран Ѓорѓевиќ, а аражманот и продукцијата се на Кирил Зарлинов (диџеј Ерик Фокс).

Миксот и мастерингот се на нашиот познат микс инженер, кој долги години живее и работи во САД Костадин Камчев – „Студио Моцарт“ од Њу Џерси, кој има три номинации на музичките ГРЕМИ награди за најдобар микс инженер.

https://youtu.be/mpizP1g2dBo

Continue Reading

Македонија

Денеска ќе наполнеше 43 години: На денешен ден е роден Тоше Проески

Published

on

Во Прилеп на денешен ден е роден Тоше Проески.

Музичката кариера ја започна со настапот на „Мелфест“ во 1997 година. Патот кон ѕвездите му го отворија песните „Усни на усни“, „Сонце во твоите руси коси“, „Пушти ме“ (1997) и „Остани до крај“ (1998). Тој беше претставник на Република Македонија за песна на Евровизија во 2004 година во Истанбул, Турција, и го освои 14-то место со песната „Ангел си ти (Life)“.

Во 2004 година, Проески беше именуван за регионален Амбасадор на добра волја на УНИЦЕФ. По тој повод ја издаде песната „За овој свет“. Со песната „Чија си“ во 2003 година Тоше победи на белградскиот музички фестивал „Беовизија“ со што дефинитивно прерасна во најголема регионална музичка ѕвезда на некогашните ЈУ простори.

Тој ги објави албумите „Синот Божји“ (2000), „Некаде во ноќта“ (2001), „Ако ме погледнеш в очи“ (2003), „Ако ме погледаш у очи“ – верзија на српски јазик (2003) „Ден за нас“ (2004), „Дан за нас“ – верзија на српски јазик (2004) „По тебе“ (2005), „Пратим те“ – верзија на српски јазик (2005) „Божилак“ (2006), „Игри без граници“ (2007) и „Игре без границе“ – хрватска верзија (2007).

Сингловите од албумот „По тебе“ по неколку месеци се наоѓаа на највисоките места на музичките топ-листи во Хрватска, Македонија, Србија, Црна Гора, Словенија и Босна и Херцеговина.

Неговото издание „Божилак“ е компилација од преработки на 14 избрани традиционални македонски песни. Објавени се и ДВД-изданија на негови концерти во 2004 и 2006 година.

Речиси секоја негова песна беше хит како што се: „Усни на усни“, „Соба за тага“, „Ако ме погледнеш в очи“, „Тајно моја“, „Немаш ни благодарам“, „Срце није камен“, „Кој ли ти гризе образи“.

Тоше ги привршуваше студиите на Музичката академија во Скопје и работеше на музичката кариера за своја промоција во светски рамки.

Последниот концерт во Македонија го одржа на 5 октомври на Градскиот стадион ( Арената Филип Втори) во Скопје. Концертот беше хуманитарен и наменет за обнова на основните училишта во земјава.

Постхумно државата Република Македонија го прогласи за заслужен граѓанин.

Тоше Проески загина на 16 октомври 2007 година во сообраќајна несреќа кај Нова Градишка во Хрватска. Владата на Република Македонија во негова чест во неговото родно Крушево изгради мавзолеј – Спомен куќата на Тоше, каде низ музејска поставка од восочни фигури со неговиот лик во природна големина, лични предмети, музички инструменти, фотографии, видеа, сувенири… е прикажан целиот негов живот и музичкиот опус во кусата, но пребогата кариера

Continue Reading

Македонија

НОЌТА ПРЕД ВОДИЦИ Е НАЈМОЌНАТА НОЌ ВО ГОДИНАТА

Published

on

Големиот христијански празник – Водици, се слави на 19 јануари, со традиционално фрлање за Светиот крст.

На овој ден се слави споменот на Христовото крштевање на реката Јордан и Божјиот изглед во форма на гулаб и глас: „Ова е мојот Син и Него послушнете го“.

На Богојавление, 19 јануари, завршуваат некрстените денови. На овој ден се осветува вода во сите цркви и храмови. Тоа е свечен обред на кој, скоро редовно, присуствуваат многу луѓе, кои носат осветена вода во своите домови, бидејќи оваа Света вода – Богојавленска, се чува во секој дом во текот на целата година како големо светилиште, и се користи само при голема потреба (болест, вознемирување од зли духови).

Богојавление е еден од најголемите христијански празници и соодветно на тоа, се развиле многу народни обичаи поврзани со самиот ден, како и ноќта пред Богојавление.

1. Отворање на небото

Ова е најпознатиот обичај поврзан со Богојавленската ноќ. Имено, се верува дека еден ден пред Богојавление, точно на полноќ, се отвораат небесата. По тој повод, треба да се погледне во небото и да се замислат желби за кои се верува дека сигурно ќе се остварат.

2. Огледала под перницата

Вообичаено е невенчаните девојки да ставаат огледала под перниците ноќта пред Богојавление, бидејќи се верува дека така ќе го сонуваат младичот со кој ќе стапат во брак.

3. Вода од извор

Во некои делови, вообичаено е младите девојки да одат на недопрен извор на вода утрото на Богојавление, да фрлат неколку зрна пченица или некои други житни култури во неа и да кажат: „Како што поминува водата, така ќе се бере и жетвата на нашите полиња“. Потоа ја полнат водата и ја носат до своето домаќинство. На некои места, сè уште е зачуван обичајот на семејството да пие малку од таа вода преку секира, бидејќи се верува дека на тој начин ќе се избегнат расправии меѓу нив.

4. Предвидување на времето

Обичај е некаде постарите жени да ги земаат предвид временските услови на Богојавление и со тоа да предвидат каква ќе биде годината. Ако, на пример, има мраз и снег на тој ден, се верува дека годината ќе биде плодна, а ведро време најавува сува година.

Continue Reading
Advertisement
Advertisement

Трендинг

Copyright © 2021 Булевар.мк