Американскиот сенатор Берни Сандерс остро го критикуваше израелскиот премиер Бенјамин Нетанјаху, обвинувајќи го дека започнал војна со Иран со еднострани напади, го саботирал дипломатскиот процес и го убил главниот ирански нуклеарен преговарач Али Шамкани.

„Нетанјаху ја започна оваа војна со напад врз Иран. На тој начин ги саботираше преговорите меѓу САД и Иран за нуклеарните прашања,“ изјави Сандерс, повикувајќи ја американската администрација да остане надвор од конфликтот, ниту воено ниту финансиски.

„Соединетите Американски Држави не смеат да бидат вклучени во незаконската војна на Нетанјаху против Иран,“ предупреди сенаторот и најави дека ќе предложи закон со кој ќе се забрани користење на федерални средства за воени акции во или против Иран без јасна согласност од Конгресот, освен во случај на самоодбрана.

Сандерс истакна дека израелските напади го нарушуваат американскиот дипломатски напор и порача: „Не смееме да дозволиме Нетанјаху да не втурне во уште една војна.“

Тој е познат како еден од најголемите критичари на Нетанјаху и израелската политика, а порано повикуваше САД да ја прекинат воената помош за Израел и да го преиспитаат својот пристап кон Блискиот исток.

Авион на „Луфтханза“, кој леташе од Франкфурт до Хајдерабад во Индија, вчера мораше принудно да се врати поради закана за поставена бомба, соопшти германската федерална полиција. Заканата била пријавена од одделот за корпоративна безбедност на авиокомпанијата, по што авионот LH752 се вратил и безбедно слетал на аеродромот во Франкфурт на Мајна околу 18:30 часот по локално време.

Портпаролот на полицијата објасни дека поради заканата за бомба, не било одобрено слетување во Индија, па авионот морал да ја промени рутата и да се врати додека летал над бугарскиот воздушен простор. Патниците биле приморани да ја поминат ноќта во транзитната зона на аеродромот.

„Луфтханза“ го потврди враќањето на летот, но не даде дополнителни информации за инцидентот.

Иранската државна телевизија IRIB беше директно погодена од израелски воздушен напад додека емитуваше програма во живо, јавуваат локални и меѓународни медиуми. Нападот предизвика прекин на сигналот, а засега нема информации за жртви. Станува збор за еден од најдиректните удари врз медиумски објект од почетокот на ескалацијата меѓу Израел и Иран. Израел сè уште официјално не се огласил по повод нападот.

ВИДЕО