Актуелниот бранител на шампионскиот трофеј, екипата на МЗТ Скопје Аеродром направи уште еден, втор чекор на пат кон големото финале на плеј-офот и одбрана на титулата во Првата македонска кошаркарска лига.

Скопските „сино-бели“ беа уште еднаш подобри од кумановските, кои оставија многу подобар впечаток во СЦ „Јане Сандански“, но не го изненадија фаворизираниот тим од Аеродром (82:76).

Кај победникот Едвин реализираше 22 поени, потоа 12 запиша Крстевски, а уште 10 додаде Андоноски, кој успешно го замени недоволно закрепнатиот Маслинко.

Во гостинската екипа, Димитриевски имаше 22 поени поени, Радукиќ го следеше со 17, додека Петровиќ забележа 14.

,,Покана до сите љубители на фудбалот, сите ВОЈВОДИ, сите тетовчани, сите што бевте дел од успешната сезона на Тетекс, во среда (14.05) во 17:00ч на натпреварот против Камењане, заедно да бидеме сведоци на успехот од сезонава и заедно да го подигнеме ШАМПИОНСКИОТ ПЕХАР! Се гледаме таму”, повикуваат од ФК Тетекс

Бразилскиот фудбалер Рафиња останува на „Ноу Камп“ и во наредните години, откако постигна договор со Барселона за продолжување на соработката до 2029 година.

Иако неговиот актуелен договор истекува во 2027, каталонскиот клуб сака да го задржи како еден од клучните играчи во тимот, па затоа му понуди нов, подобрен договор.

Рафиња веќе се вбројува меѓу најплатените фудбалери на Барса, а неговата одлука дополнително го воодушеви клубот — тој одби примамлива понуда од Саудиска Арабија и покажа лојалност кон тимот во кој се афирмираше, израснувајќи низ редовите на славната академија „Ла Масија“.