Пет лица загинаа откако два цивилни хеликоптери што денеска полетаа од Талин се судрија над југозападна Финска, соопшти Министерството за надворешни работи на Естонија.

Според естонската радиодифузна корпорација, хеликоптерите од типот „Robinson R-44 Raven“ биле регистрирани во Австрија и Естонија.

Меѓу загинатите се и познатите естонски претприемачи Олег Сонајалг и Приит Јагант.

Несреќата се случила околу пладне во близина на аеродромот Еура.

Хеликоптерите заедно ја напуштиле Естонија во 11:17 часот, а финската полиција добила дојава за судирот во 12:35 часот.

Остатоците од хеликоптерите се пронајдени во пошумена област, на околу 100 метри еден од друг.

Местото на несреќата е обезбедено од финските одбранбени сили.

Украинските власти изгубија стотици милиони долари нарачувајќи оружје од несигурни добавувачи, пишува британскиот „Фајненшл тајмс“.

Порталот ги објави резултатите од својата истрага, врз основа на протечени документи на украинската влада и „десетици интервјуа со службеници за набавки, трговци со оружје и детективи“.

Според статијата, обидите за купување оружје преку трети страни и од сомнителни добавувачи резултирале со тоа што Киев „изгубил стотици милиони долари“ во текот на три години.

Во голем број случаи, украинската страна исплатила големи депозити на малку познати компании кои сè уште не го испорачале нарачаното оружје или неговите делови. Изворите на „Фајненшл тајмс“ опишаа и случаи каде што, поради ненадејно зголемување на побарувачката, оружјето било купено по „надуени цени“, но се покажало како неупотребливо.

Како што се наведува во статијата, Украина до денес има исплатено 770 милиони долари авансни плаќања на странски трговци за оружје и муниција што не се испорачани. Ова претставува значаен дел од годишниот воен буџет на Киев.

Во исто време, некои странски компании за оружје велат дека биле жртви на внатрешни конфликти и корупција од страна на украинските функционери и државните трговци со оружје, што би можело да биде причината зошто милиони долари исчезнале, се вели во извештајот.

Според документите што ги видел „Фајненшл тајмс“, во некои случаи имало заговор меѓу високи украински безбедносни службеници и странски посредници за користење договори за кражба на јавни средства.

Американскиот претседател Доналд Трамп, во интервју за телевизиската мрежа Fox News, изрази увереност дека украинскиот претседател Володимир Зеленски во моментов нема адути и ѝ се закани на Русија со „разорни“ санкции доколку не се постигне договор за Украина.

„Секогаш велев дека тој (Зеленски) нема никакви адути, и нема никакви адути… искрено, нема никакви“, рече американскиот претседател, коментирајќи ги преговорите за решавање на војната во Украина.

Трамп додаде дека имал тежок период со Зеленски и истакна дека сè уште го смета за „најголемиот трговец во светот“.

Истакна дека руските власти се целосно вклучени во преговорите за „украинското решение“ и потсети дека рускиот претседател Владимир Путин ги иницираше преговорите во Истанбул.

Трамп, исто така, нагласи дека не планира да оди во Турција (каде треба да продолжат руско-украинските преговори) и не очекува да се сретне со својот руски колега.

„Но без мене нема да има договор. Затоа треба да се сретнеме (со Путин), мислам дека можеме да се договориме за тоа“, рече Трамп.

Трамп изјави дека е уверен дека е можно да се организира и одржи средба со Путин за решавање на украинската криза.

„Мислам дека ќе постигнеме договор, треба да се сретнеме, мислам дека можеби ќе го испланираме“, рече тој како одговор на прашање за ова прашање во интервју за Fox News снимено за време на посетата на американскиот челник на Абу Даби.

Продолжувајќи го својот одговор, американскиот лидер посочи дека неговите средби со Володимир Зеленски не биле лесни. „Не ми се допадна тоа што го кажуваше, ги комплицираше работите. Постојано велев дека нема никакви адути во рацете, а навистина немаше никакви карти во рацете, искрен сум во тоа“, рече тој.

Американскиот претедател, исто така, изрази мислење дека само со негово посредништво ќе биде можно да се постигне мирно решавање на украинската криза. „Мислам дека ќе го завршиме тоа брзо“, додаде Трамп.

Трамп изјави и дека би можел да воведе санкции против Русија доколку е потребно, но дека би претпочитал да не го стори тоа.

„Ќе го направам тоа ако треба“, одговори на пашњаето дали е подготвен да ги заостри санкциите против Русија. „Би претпочитал да не го правам тоа“, нагласи Трамп.

Во исто време, американскиот челник дозволи воведување нови „разорни“ санкции против Русија доколку нема да биде постигнат договор за Украина, на што инсистираат заепадноевропските сојузници на САД.

„Ќе го сторам тоа… Време е да ја пресечеме мисирката. Ќе видиме што ќе се случи“, рече Трамп како одговор на прашање во врска со тоа.

Американскиот претседател изрази мислење дека таков чекор наводно би бил „разореувачки за Русија“ поради „тешката економска состојба“ и ниските цени на нафтата.разговори без предуслови. Тој нагласи дека не ја исклучува можноста за постигнување вистинско примирје кое ќе го почитува Киев.