Спорт

Пелистер со гол во 92. минута го победи Вардар во вечното дерби

Published

1 month ago

November 3, 2024

Вардар беше подобар противник, создаде значително повеќе шанси во текот на второто полувреме, но бодовите останаа во Битола, Пелистер го доби дербито со 1-0, со гол на Мирко Ивановски.

Пелистер и Вардар одиграа дерби како што само може да се посака, со прекрасна атмосфера која ја создадоа двете навивачки групи. Актерите на теренот не беа на тоа ниво, особено не во првото полувреме кога не се случуваше многу.

Натпреварот почна рамноправно, двете екипи се менуваа во иницијативите, така беше во првиот дел во кој речиси и да немаше посериозна шанса и на двете страни.

Работите се променија во вториот дел кога Вардар тргна по погодок, а Пелистер се повлече. Црвено-црните создадоа неколку одлични шанси, особено преку Дианиси кои пропушти најмалку три убави прилики да донесе водство за скопскиот тим.

За неискористените шанси казната стигна во 92. минута кога Мирко Ивановски постигна гол за ерупција во Битола, Пелистер поведе со 1-0, а тоа беше и конечниот резултат.

Ивановски поради начинот на кој го прослави голот доби втор жолт картон и мораше некоја минута предвреме да го заврши натпреварот.

Со оваа победа Пелистер се качи на седмото место со 16 бодови, а Вардар со двојно помалку е последен.

Спорт

Индира Кастратовиќ влезе во „Куќата на славните“ на ЕХФ

Published

1 day ago

December 4, 2024

Арлингтон

Големо признание за поранешната македонска ракометарка, Индира Кастратовиќ е примена во „Куќата на славните“ на Европската ракометна федерација (ЕХФ) како дел од специјалната церемонија што ќе се одржи на 14 декември, пред финалето на ЕХФ ЕУРО 2024 за жени.

Кастратовиќ е втора ракометна личност од Македонија која е во елитното друштво, прв во „Куќата на славни“ влезе Кире Лазаров.

„Среќни сме што им оддаваме почит на легендите на нашата игра преку оваа церемонија. Ова е одлична можност да ги истакнеме нивните успеси и влијанието што го имаат врз спортот, на и надвор од теренот“, изјави претседателот на ЕХФ, Михаел Видерер.

Списокот на ракометари и ракометарки кои сега ќе се приклучат во „Куќата на славните“:

Список на легенди (мажи и жени) кои ќе влезат во „Куќата на славните“:

ГОЛМАНИ
• Андреас Тиел / Германија
• Матс Олсон / Шведска
• Дејан Периќ / Србија
• Луминица Хуцупан Дину / Романија

ЛЕВО КРИЛО
• Герго Иванчик / Унгарија

ЛЕВИ БЕКОВИ
• Никола Карабатиќ / Франција
• Микел Хансен / Данска
• Кармен Амариеи / Романија
• Ања Андерсен / Данска

ЦЕНТРАЛНИ БЕКОВИ
• Љубомир Врањеш / Шведска
• Енди Шмид / Швајцарија
• Миа Хермансон-Хогдал / Шведска
• Стине Офтедал Дамке / Норвешка

ДЕСНИ БЕКОВИ
• Фолкер Цербе / Германија
• Стафан Олсон / Шведска
• Индира Кастратовиќ / Македонија
• Марта Манге / Шпанија

ДЕСНИ КРИЛА
• Лук Абало / Франција
• Иван Чупиќ / Хрватска

ПИКЕРИ
• Игор Вори / Хрватска

ДЕФАНЗИВЦИ

• Виран Морос / Шпанија

Спорт

Мурињо го сака Елмас во Фенербахче

Published

1 day ago

December 4, 2024

Арлингтон

Постои шанса Елиф Елмас да се врати во Фенербахче во јануарскиот преоден рок, Жозе Мурињо дал зелено светло за реализација на трансферот.

Елмас не се изнаигра во Лајпциг откако таму отиде како големо засилување од Наполи за трнсфер вреден дури 25 милиони евра.

Лајпциг е подготвен да го продаде македонскиот репрезентативец, можеби и да го позајми, а еден од кандидатите за неговиот потпис е Фенербахче.

Елмас токму од Фенербахче за 16 милиони евра направи трансфер во Наполи, во турскиот клуб многу добро ги знаат неговите квалитети, а навивачите уште ги пратат неговите игри.

Мурињо дал зелено светло за реализација на трансферот, сака да го засили тимот со Елмас, па останува да се види дали ќе се случи една ваква зделка во јануари.

Спорт

Нашиот Mиовски доби место во тимот на месецот во Шпанија

Published

3 days ago

December 2, 2024

Арлингтон

Maкедонскиот напаѓач Бојан Миовски по нешто послабиот почеток во дресот на Жирона изгледа почнува да прикажува настапи какви што од него се очекува.

Месец ноември беше најдобриот за Миовски откако е во Жирона, а доказ за тоа е изборот во идеалниот тим на месецот.

Помеѓу најдобрите 11 Миовски доби место најмногу поради неговиот настап против Еспањол во кој постигна два гола и запиша една асистенција во победата од 4-1. Покрај Миовски, Жирона има уште тројца претставници во идеалниот тим и тоа: Хил, Мартинез и Гутиерез.

Од останатите тимови Барселона има двајца претстваници (Олмо и Рафиња), исто толку доаѓаат и од Осасуна (Будимир и Херера), додека со по еден фудбалер се: Мајорка (Коста), Реал Сосиедад (Агуеро) и Атлетико Мадрид (Ленгле).