Балкан
Судир на кланови во Подгорица – две лица застрелани на кружен тек
Две лица загинаа во престрелка во Подгорица, за која се сомнева дека е дел од конфликт меѓу два криминални клана. Напаѓачите, кои биле маскирани, пукале врз „бе-ем-ве“ и подоцна го запалиле возилото во обид да ги прикријат трагите. Полицијата трага по црн „фолксваген Поло“ во врска со случајот.
Во Подгорица, на кружниот тек кон Никшиќ, две лица загинаа во престрелка кога тројца маскирани напаѓачи отвориле оган врз возило од марката „бе-ем-ве“. Според неофицијални извори за Вијести, се претпоставува дека станува збор за продолжување на конфликтот меѓу кавачкиот и скаљарскиот криминален клан, познати криминални групи од регионот.
Идентификувани жртвите на вооружениот напад
Според информациите, убиените во Подгорица се идентификувани како Ж. Л. и З. П., лица од Цетиње за кои се тврди дека се поврзани со кавачкиот клан. Во моментот на нападот, тие се наоѓале во „бе-ем-ве“ кога напаѓачите, кои биле маскирани, го запреле возилото со „Опел“ и отвориле оган врз нив.
Запалено возило на напаѓачите пронајдено во Подгорица
По нападот, возилото „Опел“ во кое се превезувале напаѓачите било пронајдено запалено во Мареза, област во Подгорица, што укажува на организирана акција за прикривање на трагите. Полицијата продолжува со истрагата и трага по дополнителни докази, вклучително и по црн автомобил „фолксваген Поло“ кој можеби бил поврзан со случајот.
Полицијата трага по осомничените
Се спроведува интензивна истрага, а полицијата во Подгорица трага по црн „фолксваген Поло“ кој е поврзан со нападот. Инцидентот привлече внимание во јавноста поради можноста за повторно оживување на конфликтите меѓу двата криминални клана, кои веќе подолго време водат меѓусебна војна во и околу Подгорица.
Се започнало кога советникот од Локалниот фронт, Владан Славковиќ, се качил на говорницата на Општинското собрание во Краљево. Претседателот на Собранието му упатил две опомени и му наложил да ја напушти салата, пренесува Рина.
Во моментот, влегол обезбедувач, а потоа избувнала тепачка меѓу Славковиќ, советникот Матовиќ и обезбедувачите.
View this post on Instagram
View this post on Instagram
Дури и по 16-тиот обид, косовското собрание не успеа да се конституира. На денешната седница повторно не беше формирана Комисијата за тајно гласање за избор на претседател на Парламентот. Членовите на поранешните опозициски партии не предложија членови на изборната комисија и не гласаа за составот на комисијата, што доведе до одложување на седницата.
За формирање на комисијата гласаа 55 пратеници, а еден глас беше против.
Следната седница е закажана да продолжи на 17 мај.
Поради ситуацијата во која собранието не е конституирано ниту по 16-тиот обид, а на барање на неколку политички партии, претседателот на Косово Вјоса Османи за денеска свика консултативен состанок со лидерите на партиите.
Според експертите по уставно право, претседателот може само да посредува во постигнување политички договор, но нема други овластувања, освен да го упати прашањето до Уставниот суд за решавање на моменталната ситуација.
Пред зградата на судот и обвинителството во Нови Сад утрово се собраа голем број граѓани и студенти, кои бараат ослободување на активистите на организацијата СТАВ и ПСГ, кои веќе два месеци се во притвор во затворот на Клиса, а на кои во вторникот на 13 мај им беше продолжен притворот за уште 30 дена.
На задниот влез на зградата, 50-тина вработени се обиделе да влезат во зградата, и таму се собрала исто така група граѓани, јави Н1. Тука дошло до инцидент, односно туркање меѓу припадниците на интервентната единица на полицијата, која се обидела да им овозможи на вработените да влезат, и собраните граѓани. Кога интервентната единица не успеала да им овозможи на вработените во судот да влезат, на помош им пристигнал голем број припадници на жандармеријата.
На граѓаните кои биле во првите редови им бил фрлен солзавец или бибер спреј, изјави за Н1 една студентка.
Еден граѓанин преку мегафон ѝ викал на полицијата: „Немој на голорак народ, што правите, не на мирни граѓани“.
Граѓаните извикувале „Србија“ и „Пуштете ги сите“. Една студентка преку мегафон ги предупредила граѓаните дека пристигнува полициско засилување, кое ќе им пријде на граѓаните од грб, што предизвикало немир меѓу собраните.
Шестмина активисти и студенти на опозициското Движење на слободни граѓани (ПСГ) и организацијата Студенти против авторитарна власт (СТАВ) се во притвор веќе 60 дена откако се обвинети за обид за уривање на уставниот поредок, а судот во вторникот им го продолжи притворот за уште 30 дена.
Уште шестмина активисти на СТАВ се товарат за исто дело, а тие во моментот на апсењето се наоѓале во странство, каде што се и денес.
Сите се обвинети врз основа на аудио снимка од незаконски прислушуван разговор, кој беше емитуван на режимските телевизии на 14 март. Бранителите на обвинетите во повеќе наврати тврдеа дека Безбедносно-информативната агенција (БИА) разговорот го прислушувала незаконски и додадоа дека аудио снимката не може да биде правно валиден доказ во тој процес.
-
Магазин2 days agoИсповед на една Србинка што работи во Тетово
-
Црна Хроника6 days agoДете се отруло од алкохол во Тетово, во неконтактибилна состојба однесено во болница
-
Република7 days agoЦело село во мрак! Утре ќе нема струја во ова тетовско село – еве кога и зошто
-
Црна Хроника6 days agoОва е излетаното БМВ со кое побегнал убиецот од Штип! (ВИДЕО)
-
Македонија4 days agoПОЛИЦАЕЦ ПРИ СООБРАЌАЈНА КОНТРОЛА ОБЉУБИЛ ДЕВОЈКА ВЛЕГУВАЈЌИ Ѝ ВО КОЛА, Ѝ РЕКОЛ „ЈАС МОРА ДА ПИПНАМ“
-
Црна Хроника5 days agoЕКСКЛУЗИВНИ ИНФОРМАЦИИ на ТВ Стар: Турскиот убиец во Штип дошол од Адана специјално за крвна одмазда
-
Македонија4 days agoНЕ Е СТУДЕНТ: Дали убиецот од Штип е високо професионален убиец? Еве што мисли професорот Хаџи Јанев
-
Македонија4 days agoСе бараат работници – плата 72.000 денари, плус К-15 40.000 денари