Скопјанка на социјалните мрежи објави видео на кое се гледа како друга нејзина сожителка и го зема паричникот кој таа го заборавила при купување во трафика. Видео снимката е направена од самиот објект каде и двете пазареле, но не се гледа лицето на жената која го зема паричникот.

Таа вели важни и се документите и ги бара назад, а секако следи и пријава за истиов случај во полиција.

„Почитувани пријатели, доколку некој ја препознава женава, се надевам сожителка на општина Бутел, би ве замолила да и пренесете да ми го врати паричникот, документите ми се најбитни, секако ќе биде пријавена и во полиција. Лицето не се гледа но сметам дека по облеката, чадорот и движењето некому е позната!“, стои во написот на Фејсбук.

Видеото може да го погледнете тука

Наесен ќе стартуваат градежните работи за првиот дел од проектот за воведување Градски воз во Скопје, за кој МЖ Инфраструктура по изработката на физибилити студијата подготвува документација за тендерот што најавува дека ќе биде објавен наскоро. Првата линија од Зелениково, преку Драчево, Аеродром и Кисела Вода, па сè до Железничката станица – Скопје, се очекува да биде во функција до крајот на годинава.

Реализацијата на проектот Градски воз ќе се одвива во три дела. Градежните работи на првиот дел од проектот ќе започнат наесен оваа година. Долж трасите ќе бидат изградени нови стојалишта се со цел граѓаните да имаат подобар пристап до превозот со воз, којшто ќе им го олесни движењето од нивното населено место до Скопје. Врз основа на податоците дадени во физибилити студијата се подготвува тендерска документација и наскоро ќе биде објавен тендер за реконструкција на првиот дел од проектот Градски воз, изјави директорот на МЖ Инфраструктура Синиша Ивановски за МИА.

Градежните работи што ќе се одвиваат оваа година се финансираат од буџетот на Владата преку Министерството за транспорт.

Ивановски вели дека во овој момент не може да се каже за исплатливоста на градскиот воз, затоа што треба да се земат предвид не само трошоците за одржување на пругата што е во домен на МЖ Инфраструктура, туку дека тоа ќе зависи и од бројот на возови и патници, за што е надлежен МЖ Транспорт. 

Сепак, вели Ивановски, очекуваме дека градскиот воз ќе биде исплатлив како за двете претпријатија, така и за граѓаните кои ќе го користат овој олеснителен превоз.

Вицепремиерот и министер за транспорт Александар Николоски, претходно објави дека се работи за голема инвестиција од вкупно педесетина милиони евра за трите градски линии.

За да се реализира целиот прстен како што е замислен, со три полукруга, потребни се околу педесет милиони евра. Дел од тие средства се обезбедени во буџетот за оваа година и ЈП „Железници инфраструктура“ наскоро, за еден месец, ќе објави тендер за изградба и рехабилитација на најголемиот дел од инфраструктурата што ќе се користи. Тоа ќе биде линијата од Зелениково, преку населбата Драчево, границата е поставена кон населбите Аеродром и Кисела Вода и завршува на Новата железничка станица. Очекуваме до крајот на годинава да биде готова, имаме многу брза агенда и првата делница Зелениково – Драчево – Аеродром – Кисела Вода – Железничка Скопје да ја имаме пред Нова година. Паралелно, ќе ги работиме и другите два прстена, рече Николоски.

Во железничката инфраструктура најавена е и реконструкција и модернизацијата на пругата на Коридор 10, што, според Ивановски, е од голема важност за МЖ Инфраструктура и со тоа ќе се овозможи зголемување на брзината на возовите како во патничкиот, така и во товарниот сообраќај.

Со зголемување на брзината на возовите, а имајќи го в предвид фактот дека железничкиот сообраќај е најекономичен, најеколошки и најбрз начин на превоз на големи количини на стока, железницата ќе стане најатрактивен начин за превоз и ќе го привлече транспортот којшто моментално се врши со камиони. Со пренасочувањето на превозот преку железница ќе се зголеми обемот на превезена стока и бројот на превезени патници, а тоа ќе донесе голем бенефит не само за железницата туку и за опшеството, смета Ивановски. 

Во однос на изградбата на пругата кон Бугарија на Коридорот 8, од која првата делница Куманово-Бељаковце е во функција од почетокот на годинава, директорот на МЖ Инфраструктура очекува изведувачот да го испочитува рокот и во октомври следната година да заврши изградбата на втората делница, Бељаковце-Крива Паланка“. За третата делница, Крива Паланка-граница со Бугарија, информира дека „се уште нема интерес од бугарска страна за надминување на проблемот“.

Изведувачот на втората делница работи на терен, со нешто позабавена динамика, но очекуваме да го испочитува рокот за изградба. Во врска со третата делница, експропријацијата е завршена за имоти надвор од Крива Паланка и места каде што нема раселување. Во градот Крива Паланка моментално е запрен процесот на експропријација бидејќи треба да се направи одредено репроектирање на трасата, коешто треба да го направи идниот изведувач. Ние сме секогаш отворени за разговор, меѓутоа од бугарската страна сеуште нема изразено интерес за надминување на овој проблем, изјави Ивановски за МИА.

Со Бугарија треба да се постигне договор за тунелот за железничко поврзување на двете држави, за кој македонската страна се изјасни дека според сегашниот проект, „ќе се гради тунел кој не води никаде“, за ревидирање на цената и на самиот проект, како и за завршување на делот од пругата во Бугарија. 

Македонската и бугарската страна досега одржаа две средби, една во Брисел на 16 октомври лани кога се согласија да одржат редовен дијалог на високо ниво и да формираат заедничка работна група за Коридорот 8 и една во Софија на 31 октомври лани по која македонската страна објави дека се прифатени нејзините аргументи: да има заеднички проект за да не се гради тунел кој не води никаде, Бугарија да го заврши својот дел од пругата и да се ревидира цената и на самиот проект. Откако Бугарија достави предлог-договор за изградбата до македонската Влада, се уште нема договор за средба на која, како што изјави неодамна вицепремиерот Николоски, треба да се разговара за спорните работи во предложениот документ.

Официјалните податоци покажуваат дека во патничкиот сообраќај во државава во првите три месеци се реализирани 191,68 илјади возни километри, за 65,5 проценти повеќе споредено со истиот период лани. Тоа, според Извештајот за работењето на МЖ Инфраструктура за првиот квартал годинава, се должи на воведување во сообраќај на патнички возови на релацијата Скопје-Куманово-Скопје.

Патничкиот сообраќај во првиот квартал се одвивал со 1668 воза што е за 65 проценти повеќе во однос на лани. Во однос на Планот за 2025 година реализирани се 20,8 проценти возни километри.Во товарниот сообраќај, пак, сообраќале 587 воза, за 14,3 проценти помалку споредено со истиот период од 2024. Реализирани се 69,12 илјади возни километри, за 8,6 километри помалку во споредба со истиот период лани, како резултат на намалениот обем во товарниот меѓународен и внатрешен сообраќај од хаваријата во Грција.

За изградба на нова и реконструкција на постојната делница Бељаковце Крива Паланка на железничкиот Коридор 8, во должина од 34 километри, реализирани се 82,74 милиони денари, како и 0,13 милиони денари по основ на експропријација. Во првиот квартал железничкото претпријатие исплатило пари и за експропријација на земјиште за третата делница Крива Паланка – граница со Бугарија, во износ од 2,42 милиони денари. Трошоците што МЖ Инфраструктура ги реализирале за надзор на пругата Куманово-Бељаковце-Крива Паланка изнесуваат 25,6 милиони денари, покажува Извештајот на МЖ Инфраструктура.

На 18.05.2025 (недела) во организација на Здружение за спорт и рекреација „Прв до врв – Скопје“, ќе се одржи тринаесеттото издание на традиционалниот спортско рекреативен настан насловен како „Прв до врв“, со почеток во 09:45 часот со траса на движење на велосипедската трка со почеток од пред Музеј на град Скопје – ул.„Св. Кирил и Методиј“, лево по бул.„Св. Климент Охридски“, во продолжение право по бул.„Мајка Тереза“, лево по ул.„Тодор Александров“, во продолжение по локален пат за Средно Водно до врв на Водно („Милениумски Крст“) и траса на движење на планинарите со почеток во 10:00 часот од пред О.У.„Кочо Рацин“ на бул.„Мајка Тереза“, право по ул.„Тодор Александров“ и кај ул.„Салвадор Аљенде“ десно по планинската патека кон Средно Водно, од Средно Водно кон Врв на Водно („Милениумски крст“) во Скопје.

Од тие причини Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.