Connect with us

Свет

Премиерот на Гренланд подготвен да разговара со Трамп

Published

on

Премиерот на Гренланд, Муте Боуруп Егеде, во петокот изјави дека е подготвен да разговара со новоизбраниот американски претседател Доналд Трамп, кој рече дека сака контрола на арктичкиот остров, и побара да се почитуваат посакувањата за независност на таа територија.

Трамп, кој ќе биде инаугуриран за претседател на 20-ти јануари, ја опиша контролата врз полуавтономната данска територија Гренланд, за што зборуваше и во својот прв претседателски мандат од 2016 до 2020 година, како „апсолутна неопходност“ за националната безбедност на САД. Притоа, тој не ја исклучи примената на воен или економски притисок, вклучително и воведување царини за Данска.

Егеде им рече на новинарите во Копенхаген дека сè уште не контактирал со Трамп.

„Но, ние сме подготвени да разговараме. Данска и Гренланд се подготвени да го интензивираат дијалогот со САД. Ние соработувавме со САД во минатото и ќе продолжиме да соработуваме“, рече Егеде.

Данската премиерка Мете Фредериксен во четвртокот изјави дека побарала средба со Трамп, но не очекувала тоа да се случи пред инаугурацијата.

Гренланд, дом на 57.000 луѓе, беше данска колонија до 1953 година и сега е самоуправна данска територија. Во 2009 година, Гренланд го доби правото на глас за да ја обезбеди својата независност. Гренланд има право да прогласи независност од Данска од таа 2009 година, но островот кој зависи од значителни годишни трансфери од данскиот буџет, сè уште не го сторил тоа.

Премеирот Егеде истакна дека народот копнее за независност, „да биде господар во својот дом“. „Тоа треба да го почитуваат сите“, рече премиерот, додавајќи дека тоа не значи „прекин на сите врски, соработка и односи со Данска“.

Островот, чиј главен град Нуук е поблиску до Њујорк отколку до данскиот главен град Копенхаген, содржи богати наоѓалишта на минерали, нафта и гас. Сепак, тој се развива бавно, а економијата на островот зависи од риболовот и годишните субвенции од Данска.

Со оглед на воздухопловната база Питуфик, Гренланд е стратешки важен за американската војска и нејзиниот систем за рано предупредување за балистички ракети, бидејќи најкраткиот пат од Европа до Северна Америка минува низ островот.

За време на неговиот претходен мандат, Трамп изрази интерес за купување на Гренланд во 2019 година, но Данска и властите на островот брзо го отфрлија предлогот пред да се одржат официјалните разговори. Данската премиерка Мете Фредериксен и тогаш ја нарече „апсурдна“ понудата на Трамп, а тој нејзиниот однос кон таа идеја го нарече „гаден“ и ја откажа посетата на Копенхаген. Фредериксен сѐ уште е премиерка на Данска.

Трамп во август 2019 годинава ја откажа посетата на Данска и со груби зборови одговори на отфрлањето на неговата идеја САД да го купат Гренлад од страна на данската премиерка Мете Фредерискен, која ваквата замисла на оцени како апсурдна. Како што објави тогаш весникот The Washington Post, функционерите во администрација на американскиот претседател ја разгледувале можноста на данската влада да ѝ понудат 600 милиони долари годишно за предавање на Герланд во неограничена сопственост.

Притоа треба да истакне дека ова не е првиот обид во Вашингтон да ја разгледува можноста да го поседува островот. Имено, набрзо по завршувањето на Втората свеска војна тогашниот претседател Хари Труман ѝ понудил на Данска 100 милиони долари за Гренланд, но бил одбиен. Американскиот Стејт департмент, исто така, разгледувал опција да го купи Гренланд уште во 1867 година. А како што пишуваше своевремено The Wall Street Journal, американскиот сенатор републиканец Тон Котен уште летото 2018 година, му предлагал на данскиот амбасадор Ларс Херт Лозе, купување на Гренланд. Според сенаторот, данскиот дипломат „малку се изненадил“, но дијалогот „продолжил“. Котон годинава во својата изјава за весникот потенцира дека Гренланд е богат со природни ресурси и, во воено-стратешка смисла, неговото купување од страна на САД „би го заштитило островот од Русите и Кинезите“.

Упорноста на Трамп да го купи најголемиот остров на планетата кој има широка автономија во рамките на Кралството Данска, бездруго е сигнал за повторниот американски интерес за Арктикот, подрачјето богато со природни ресурси, но истовремено и дистракција во моментов од американската внатрешна политика. Понудата на Трамп да го купи Гренланд, пред пет години истовремено беше сигнал за Русија, и за другите арктички земји и за Кина, којашто според некои процени во Вашингтон има скриен интерес за Арктикот, дека САД нема да стојат настрана во борбата за контрола над овој дел од светот, каде што со топењето на мразот ќе се отворат нови поморски рути. САД веќе го зајакнаа своето присуство во регионот, отворајќи конзулат во гренландската престолнина Нук, и финансирајќи нови аеродроми, образовни и социјални програми.

Крајната цел на Вашингтон, можеби, и не е да се дојде до поседување на Гренланд, но секако дека е претензија да се поседува одредена територија на него. САД, исто така, може да се свртат кон купувањето на морнаричката база Гронендал на јужен Гренланд, од чијашто продажба Данците се откажаа во 2017 година, бидејќи тогаш единствено заинтерсирани беа Киензите.

Свет

Стејт департментот ја замрзна странската помош поради ревизија

Published

on

Американскиот Стејт департмент во петокот издаде „наредба за суспензија“ на целата постоечка странска помош и ја прекина новата помош, според дописот во кој увид имала агенцијата Reuters, со што се потврди претходната вест на изданието Politico, откако претседателот Доналд Трамп наредил пауза за да се провери дали распределбата на помошта е усогласена со неговата надворешна политика.

Во депешата, составена од Канцеларијата за надворешна помош и одобрена од државниот секретар Марко Рубио, се вели дека се издадени изземања за воено финансирање на Израел и Египет. Не се споменуваат други земји.

Овој потег би можел да негира милијарди долари помош. Соединетите држави се најголемиот донатор на помош на глобално ниво – во фискалната 2023 година, тие исплатиле 72 милијарди долари помош.

Само неколку часа по преземањето на функцијата во понеделникот, Трамп нареди 90-дневна пауза на странската развојна помош во очекување на преглед на ефективноста и конзистентноста со неговата надворешна политика како и можни манипулации, но опсегот на наредбата сè уште не е познат.

Во дописот до своите службеници на Стејт департментот се вели дека високи функционери „ќе се погрижат, во најголема мерка дозволена со закон, да не се преземат нови обврски за странска помош“ додека државниот секретар Рубио не донесе одлука по ревизијата. Во него се наведува дека постојните доелувања на странска помош веднаш ќе бидат ставени под наредби за прекин и откажување додека Рубио не ги прегледа.

„Ова е лудо. Ова ќе убие луѓе. Мислам, ако се изврши како што е напишано во тоа испраќање… многумина ќе умрат“, тврди Џереми Кониндик, поранешен функционер на USAID, кој сега е претседател на Меѓународната организација за бегалци.

Претставник на USAID, кој сакал да остане анонимен, рекол за Reuters dека на функционерите одговорни за проекти во Украина им било кажано да престанат со активностите. Меѓу проектите кои се замрзнати наводно се и поддршката за училиштата и здравствената помош како итна помош за мајки и вакцинација на деца, тврди неименуваниот функционер.

Одлуките за продолжување, менување или прекинување на програмата ќе ги донесе Рубио во следните 85 дена. Дотогаш, Рубио може да одредува изземања. Државниот секретар притоа одобрил ослободување за итна помош во храна, се вели во депешата.

Исто така, се наведува дека е доделено изземање за „странско воено финансирање за Израел и Египет и административни трошоци, вклучително и плати, потребни за управување со странско воено финансирање“. Израел добива околу 3,3 милијарди долари странски воени средства годишно, додека Египет добива околу 1,3 милијарди долари.

Други земји кои беа наменети за такво финансирање во 2025 година се Украина, Грузија, Естонија, Латвија, Литванија, Тајван, Индонезија, Филипини, Тајланд, Виетнам, Џибути, Колумбија, Панама, Еквадор, Израел, Египет и Јордан, според барањето кое беше испратено до претходниот состав на Конгресот од администрацијата на поранешниот претседател Џо Бајден.

Continue Reading

Свет

Конечно ќе ја дознаеме вистината за Кенеди: Трамп нареди да се објават класифицирани документи

Published

on

Новиот американски претседател Доналд Трамп донесе наредба со која се налага да се направи план за објавување на илјадници доверливи владини документи за атентатот на Џон Ф. Кенеди во 1963 година, настан што со децении поттикнува различни теории на заговор, јавуваат светските медиуми.

Извршната наредба што претседателот ја потпиша вчера, исто така, налага да се декласифицираат и преостанатите записи на федералната влада поврзани со атентатите на Роберт Кенеди и свештеникот Мартин Лутер Кинг, еден од главните предводници во борбата за права на афроамериканците во САД во 1960-те години во САД.

„Повеќе од 50 години по атентатите на претседателот Џон Кенеди, сенаторот Роберт Кенеди и свештеникот д-р Мартин Лутер Кинг-Јуниор, федералната влада не ги објави во јавноста сите свои записи поврзани со тие настани. Нивните семејства и американскиот народ заслужуваат транспарентност и вистина. Во национален интерес е конечно да се објават сите записи поврзани со овие атентати без одлагање“, се вели во наредбата на Трамп, пренесува „Гардијан“.  

Говорејќи пред новинарите вчера, новиот американски претседател рече:

„Многу луѓе го чекаат ова долго, со години, со децении. Сè ќе биде откриено“

Трамп за време на неговата изборна кампања најави дека јавно ќе ги објави последните материјали од сè уште доверливите документи за атентатот на Кенеди во Далас. Тој даде слично ветување за време на неговиот прв мандат (2016-2020), но на крајот ги послуша апелите на ЦИА и ФБИ за воздржаност.

Инаку, новиот американски претседател Трамп го номинираше внукот на Кенеди, Роберт Кенеди Јуниор за министер за здравство во неговата нова администрација.

Наредбата што вчера ја потпиша претседателот на САД им налага на директорот на националното разузнавање и јавниот обвинител да развијат план во рок од 15 дена за декласификација на преостанатите записи за атентатот на Џон Ф. Кенеди, а во рок од 45 дена за другите два случаи.

Трамп му го предаде пенкалото што се користеше за потпишување на наредбата на својот помошник и го упати тоа да му биде предадено на Роберт Кенеди Јуниор.

„Мислам дека тоа е одличен потег, бидејќи треба да има поголема транспаретност во нашата влада и тој (Трамп) го одржува своето ветување дека владата ќе ја каже вистината на американскиот народ за сè“, рече Кенеди Јуниор, изразувајќи благодарност до претседателот Трамп во изјава за Ен-би-си њуз“. 

Во меѓувреме, Џек Шлосберг, внук на Кенеди, ја осуди најновата извршна наредба на Трамп нарекувајќи ја „политички реквизит“.

„Вистината е многу потажна од митот – трагедија која не требаше да се случи. Не е дел од неизбежна голема шема. Декласификацијата е користење на ЏФК како политички реквизит, кога тој не е тука да го возврати ударот. Нема ништо херојско во тоа“, вели Шлосберг во објава на Икс.

Неколку илјади од милионите владини записи поврзани со атентатот на Џон Ф. Кенеди допрва треба да бидат целосно декласифицирани. И додека многумина кои го проучувале она што досега беше објавено велат дека јавноста не треба да очекува какви било големи откритија, сепак постои интензивен интерес за детали поврзани со атентатот и настаните околу него.

Кенеди беше застрелан во центарот на Далас на 22 ноември 1963 година, додека неговата поворка минуваше пред зградата на училишниот депозитар, каде што 24-годишниот атентатор Ли Харви Освалд се позиционираше во „снајперско гнездо“ на шестиот кат. Два дена по убиството на Кенеди, сопственикот на ноќен клуб во Далас, Џек Руби го застрела Освалд за време на трансферот во затвор.

Во раните 1990-ти, федералната влада наложи сите документи поврзани со атентатите да бидат сместени во една збирка во Националниот архив на САД.

Документите објавени во последните неколку години нудат детали за начинот на функционирање на разузнавачките служби во тоа време, а вклучуваат телеграми и белешки на ЦИА во кои се разговара за посетите на Освалд на советската и кубанската амбасада, како и неговото патување во Мексико Сити само неколку недели пред атентатот. Поранешниот маринец претходно пребегнал во Советскиот Сојуз пред да се врати дома во Тексас.

Сепак, во колекцијата има некои документи кои истражувачите не веруваат дека претседателот ќе може да ги објави.

Експертите се сомневаат дека во преостанатите тајни архиви има големи работи кои би ја промениле прифатената верзија на настаните. За време на изборната кампања, Трамп вети дека ќе ги декласифицира преостанатите владини документи поврзани со атентатот.

Тој даде слично ветување во неговиот прв мандат, но се повлече на инсистирање на ЦИА и ФБИ, бидејќи овие агенции тврдеа дека некои документи треба да се чуваат од јавноста поради страв од откривање на тајните на националната безбедност.

Трамп рече дека Мајк Помпео, неговиот поранешен директор на ЦИА, го убедил да не ги открива за време на неговиот прв мандат.

„Всушност, Мајк Помпео, државниот секретар, ме замоли да не го правам тоа, а јас се чувствував како да знае нешто што можеби, знаете, кога ве замоли да не го правите, велите „зошто? „Тој не мислеше дека е добро време да ги пушти“, рече Трамп.

Во контекст на оваа одлука, Трамп рече дека е голема.

„Сè ќе се открие, луѓето тоа го чекаат со години. Повеќе од 50 години по атентатите на претседателот Џон Кенеди, сенаторот Роберт Ф. Кенеди и Мартин Лутер Кинг Џуниор, федералната влада не ги објави јавно сите свои записи поврзани со тие настани. Нивните семејства и американскиот народ заслужуваат транспарентност и вистина. Од национален интерес е без одложување конечно да се објават сите записи за овие атентати“.

Continue Reading

Свет

САД ги симнуваат знамињата со ЛГБТ и БЛМ: Трамп воведува „политика на едно знаме“

Published

on

САД ги симнуваат знамињата со ЛГБТ и БЛМ. Државниот департмент на САД, под раководство на Доналд Трамп, во понеделникот ја воведе знаковната „Политика на едно знаме“, со која се забранува издигнување на кое било друго знаме освен американското на дипломатските мисии во САД и странство.

Државниот департмент на Трамп воведе „Политика на едно знаме“

Државниот департмент на САД, под раководство на Доналд Трамп, во понеделник ја воведе знаковната „Политика на едно знаме“, со која се забранува издигнување на кое било друго знаме освен американското на дипломатските мисии во САД и странство.

Новата наредба, копија од која беше објавена на конзервативниот портал Washington Free Beacon, практично ја спречува можноста американските институции да изложуваат знамиња поврзани со левичарски движења, како што се знамето на ЛГБТИ+ заедницата или знамето на движењето Black Lives Matter. Овие знамиња беа поставувани над владини објекти за време на администрацијата на Џо Бајден.

„Од денес, единственото знаме што е дозволено да се издигнува или изложува во американските институции, како во САД, така и во странство, е знамето на Соединетите Американски Држави,“ се наведува во наредбата.

Едно знаме за сите

„Американското знаме ги обединува сите Американци под универзалните принципи на правда, слобода и демократија. Овие вредности, кои се темел на нашата голема земја, ги споделуваат сите американски граѓани – минати и сегашни.“

Во наредбата се предвидуваат дисциплински мерки за секој службеник што ќе ја прекрши оваа политика, вклучително и отпуштање или прераспределба. Единствените други знамиња што ќе бидат дозволени се знамето за воени затвореници и исчезнати во акција (POW/MIA) и знамето за неправедно притворени лица (Wrongful Detainees Flag).

Наредбата беше издадена од новоименуваниот државен секретар, Марко Рубио, кој доби поддршка со 99 гласа „за“ во Сенатот. Оваа одлука е дел од пошироките реформи што администрацијата на Трамп ги спроведува со цел елиминирање на „воук“ политиките од американските институции.

Промени во надворешната политика

Покрај „Политиката на едно знаме“, Трамп најави и серија извршни наредби, меѓу кои повлекување на САД од Парискиот климатски договор и ревизија на федералната бирократија. Белата куќа истакна дека новите мерки ќе го постават американскиот интерес на прво место.

Оваа политика претставува остар контраст со администрацијата на Бајден, која дозволуваше издигнување на знамиња поврзани со месеците на гордост или истакнување на Black Lives Matter знамиња во американските дипломатски претставништва.

Извор: лидер.мк

Continue Reading
Advertisement
Advertisement

Трендинг

Copyright © 2024 Булевар.мк