Connect with us

Европа

МАКЕДОНИЈА СИГУРНО ЌЕ Ѝ ПОКАЖЕ ЗАБИ НА ФРАНЦИЈА Дуел за престиж и за искуство

Published

on

За македонската селекција, приоритетот останува што подобра игра и претставување, без преголем резултатски притисок.

Македонската ракометна репрезентација вечерва со почеток во 20:30 часот ќе го одигра последниот натпревар од главната рунда на Светското првенство во Вараждин.

Нашите ракометари ќе се соочат со една од најдобрите селекции во светот – Франција, во рамки на третото коло од оваа фаза.

Иако математички сè уште постои можност за пласман во Топ 8, очекувањата се дека шансите ќе исчезнат по претходниот денешен натпревар во кој Унгарија, како фаворит, ќе се соочи со Катар.

За македонската селекција, приоритетот останува што подобра игра и претставување, без преголем резултатски притисок.

„Натпревар без што да се загуби“

Селекторот Кирил Лазаров е свесен за квалитетот на противникот, но најавува дека македонската репрезентација ќе се обиде да го даде својот максимум.

– Ова ни е најлесниот, не најтешкиот меч на овој мундијал. Знаеме против кого играме, Франција е во самиот врв на светскиот ракомет заедно со Данска. Немаме што да загубиме, а она што ни е потребно за овој дуел е сила и концентрација. Ќе се обидеме да парираме онолку колку што ќе ни биде дозволено – изјави Лазаров.

Последната средба со Франција ја одигравме пред една година на Европското првенство во Германија, кога загубивме со 10 голови разлика.

Тој натпревар остана запаметен и по уникатната атмосфера, бидејќи беше одигран на фудбалски стадион пред над 50.000 гледачи.

Напредокот е очигледен

И покрај силниот ривал, селекцијата на Лазаров се наоѓа во позитивна атмосфера. Промените во играта се видливи, а вечерниот дуел е одлична можност за проверка на формата пред важниот двомеч со Словенија во квалификациите за ЕП 2026.

Голманот Марко Кизиќ нагласува дека тимот ќе игра борбено и ќе даде сè од себе, без разлика на исходот.

– За Франција не треба да се трошат зборови. Играме со една од најдобрите репрезентации. Ќе се бориме за победа, но најважно е да уживаме на теренот и да го покажеме најдоброто од нас. Благодарност до сите фанови за поддршката – тоа ни дава дополнителна мотивација – изјави Кизиќ.

Натпреварот ќе се одигра во арената во Вараждин, а македонските ракометари се подготвени да ја продолжат борбата со гордост и посветеност, без оглед на резултатот.

Секој чекор напред е нова лекција и искуство за идните предизвици.

Европа

ПЕНЗИИТЕ НЕКАДЕ ДОСТИГНУВААТ 78, А НЕКАДЕ САМО 35 ПРОЦЕНТИ ОД ПЛАТАТА: Ризик од сиромаштија за секој шести пензионер во ЕУ

Published

on

Скоро секој шести пензионер во ЕУ е во ризик од сиромаштија, а стапката на сиромаштија кај пензионерите расте.

Пензиите во Европската унија сочинуваат приближно три петтини од приходот од работа во доцните фази од кариерата. Но, во многу европски земји тој процент паѓа под 50 отсто, што им отежнува на пензионерите да одржат пристоен животен стандард. Во многу земји на ЕУ, приходот од пензија е значително помал од приходот остварен пред пензионирањето. Токму затоа на многу постари луѓе им е тешко да го одржат животниот стандард по завршувањето на работниот век, пишува Euronews.

Речиси секој шести пензионер во ЕУ е во ризик од сиромаштија, а стапката на сиромаштија кај пензионерите се зголеми од 12 проценти во 2013 година на 15,5 проценти во 2023 година.

Значи, како се споредуваат пензиите со приходот пред пензионирање во различни делови на Европа? Во кои земји пензионерите добиваат најголем, а во кои најмал дел од приходите од подоцнежните работни години?

Стапка на замена на пензиите: клучен показател за адекватноста на пензискиот систем

Соодносот на збирна замена на Еуростат ја мери ефективноста на пензиските системи за да им се овозможи на постарите луѓе да го одржат својот животен стандард по пензионирањето. Овој индикатор го споредува просечниот износ на пензија на лицата на возраст од 65 до 74 години со просечниот приход од работа на лицата на возраст од 50 до 59 години, без да се земат предвид другите социјални бенефиции. Ова помага во разбирањето на соодветноста на пензиите.

Во 2023 година, просечната стапка на замена во ЕУ беше 58 проценти. Тоа значи дека тој што заработувал по 100 евра месечно на возраст од 50 до 59 години, би добил 58 евра пензија на возраст од 65 до 74 години. Во ЕУ оваа стапка се движеше од 35 отсто во Хрватска до 78 отсто во Грција.

На врвот на листата, покрај Грција, се Шпанија (77 отсто) и Италија (75 отсто), додека Португалија исто така е над просекот на ЕУ со сооднос од 61 отсто. На дното на листата, заедно со Хрватска, се Литванија (36 отсто) и Ирска (39 отсто), со што се трите земји со најниски стапки на замена под 40 отсто во ЕУ.

Помеѓу четирите најголеми економии на ЕУ, Германија имаше најнизок сооднос на пензиите и приходите подоцна во животот (49 проценти), додека Франција (59 проценти) беше малку над просекот на ЕУ.

Од друга страна, Шпанија и Италија беа меѓу трите земји со највисок сооднос на пензиите во однос на претходните приходи (над 75 проценти). Земјите од Јужна Европа имаат највисок приход од пензија во однос на приходите од доцниот работен век, додека источноевропските и балтичките земји се на дното.

Во 11 земји-членки на ЕУ, пензиите сочинуваа помалку од половина од просечниот приход во доцните работни години. Тука спаѓаат Германија (49 проценти), Белгија (48 проценти) и Данска (47 проценти).

Земјите кандидати за членство во ЕУ – Србија (46 проценти), Црна Гора (38 проценти) и Албанија (37 проценти) – исто така имаат пониски стапки на замена, што ги доближува до источноевропските земји.

Во која земја пензиите се највисоки?

Има значителни разлики во пензиите меѓу европските земји.

Во 2021 година, просечниот бруто износ на старосна пензија по корисник се движеше од 226 евра месечно во Бугарија до 2.575 евра во Луксембург, додека просекот на ЕУ беше 1.294 евра.

Номинално највисоки пензии имаат западноевропските и северноевропските земји, а значително помали износи имаат земјите од Источна и Југоисточна Европа.

Кога пензиите се приспособуваат на паритетот на куповната моќ (ППП), опсегот се движи од 437 евра во Бугарија до 1.681 евра во Луксембург, но основниот тренд останува непроменет – Западна и Северна Европа имаат највисоки пензии, додека источните и балканските региони имаат пониски вредности. Интересно е тоа што Швајцарија значително опаѓа на рангирањето кога ќе се земе предвид ППС, додека Романија и Турција значително ја подобруваат својата позиција во споредба со номиналните пензии, пишува Euronews.

Continue Reading

Европа

Продолжува расцепот во ЕУ, и Орбан удри по ,,Стара Европа”

Published

on

Унгарската влада го критикуваше денешниот состанок во Париз на кој ќе се соберат десетина лидери од Европската Унија, Велика Британија и НАТО за да се договорат како да реагираат на американскиот план за крај на војната во Украина во кој нема учество на Европската Унија.

„Денес во Париз, фрустрираните европски лидери, кои се за војна и против Трамп, се собираат за да спречат мировен договор за Украина“, изјавил унгарскиот министер за надворешни работи Петер Сијарто на маргините на прес-конференција во Казахстан, што ја објави на својот фејсбук профил.

„За разлика од нив, ние ги поддржуваме амбициите на Доналд Трамп и за разлика од нив ги поддржуваме преговорите меѓу Русија и САД“, додаде Сијарто.

Унгарскиот премиер Виктор Орбан е еден од ретките лидери на ЕУ кој јавно демонстрира блискост со американскиот претседател Доналд Трамп и рускиот претседател Владимир Путин.

Орбан постојано постојано се залага за прекин на огнот во Украина и почеток на мировни преговори и одбива да испрати воена помош за Киев.

Од враќањето на Трамп во Белата куќа, Орбан верува дека има поддршка за неговите ставови и ја критикува „неспособноста“ на ЕУ да организира преговори за Украина.

Францускиот претседател Емануел Макрон за денеска (17 феврауари) во Париз закажа неформален состанок на европските лидери на кој ќе присуствуваат шефовите на владите на Германија, Велика Британија, Италија, Полска, Шпанија, Холандија и Данска, како и претседателот на Европскиот совет, претседателот на Европската комисија и генералниот секретар на НАТО.

Од сите присутни само Полска е дел од таканаречената,,Нова Европа” а сите други се од основачите или првите членки на ЕУ и НАТО.

Состанокот на европските лидери доаѓа неколку дена по телефонскиот разговор меѓу американскиот претседател Доналд Трамп и неговиот руски колега Владимир Путин и нивната одлука директно да разговараат за Украина на самитот во Саудиска Арабија. 

Трамп вчера изјави дека наскоро би можел да има средба со Путин а државниот секретар Марко Рубио веќе денска е на пат за Ријад каде патува и рускиот министер за надворешни работи Сергеј Лавров.

Преходно ,,Стара Европа +” беше критикувана и од Софија и од Љубљана 

Судир меѓу членките на ЕУ или ,,Пуче пушка ……”

Continue Reading

Европа

Ова е тажно, браќа војуваат меѓу себе: Зеленски откри колку украински, но и колку руски војници го загубиле животот во војната помеѓу Украина и Русија

Published

on

Зеленски: Најмалку 46.000 украински војници загинаа од почетокот на инвазијата.

Украинскиот претседател Володимир Зеленски изјави дека повеќе од 46.000 украински војници се убиени од почетокот на руската инвазија во февруари 2022 година, додека десетици илјади се исчезнати или се во заробеништво.

Тој изјави за NBC News дека исчезнатите може да бидат или мртви или заробени.

Пред десет дена, на 6 февруари, Зеленски изјави дека 45.100 украински војници биле убиени, а околу 390.000 биле ранети. Воените аналитичари во Украина и на Запад веруваат дека реалните бројки се значително повисоки.

Зеленски изјави и дека 19.500 украински деца биле депортирани во Русија.

Русија не ги објавува сопствените жртви, но британското воено разузнавање во декември процени дека Русија во просек трпи 1.523 убиени и ранети војници дневно.

Зеленски тврди дека до 350.000 руски војници се убиени, додека други извори сугерираат дека бројот може да биде поголем.

Continue Reading
Advertisement
Advertisement

Трендинг

Copyright © 2024 Булевар.мк