Градоначалникот на општина Битола, Тони Коњановски, најави нов инвестициски бран во патната инфраструктура, со фокус на изградба и реконструкција на коловози и улици низ руралните и урбаните делови на општината.

Во рамки на инвестициите во рурални средини, се реализираат:
• Изградба на улици во с. Карамани
• Пат до манастирот Св. Меркуриј во с. Барешани
• Локален пат за с. Раштани
• Реконструкција на коловоз во с. Ротино, с. Трн, с. Братин дол
• Локален пат до с. Горно Оревое

Во урбаниот дел од општината, ќе се врши реконструкција на неколку клучни улици и булевари, меѓу кои:
• „Христо Ботев“, „Димитар Тодоровски“, „Бегова чешма“
• Дел од ул. „Васко Карангелески“ и „Романјиди“
• Изградба и реконструкција на булеварот „1-ви Мај“ кај поранешна Треска
• Улиците „Ѓорѓи Димитров“, „Даме Груев“ (крак 1, 2, 3)
• Ул. Дебарска, Караорман, Мукос, Јубилеј 5 во населба Баир

„Инфраструктурата што ја градиме не само што поврзува урбани со рурални заедници, туку ги отвора вратите за економски развој и поквалитетен живот за сите наши сограѓани. Инвестираме во иднината“, порача Коњановски.

Оваа иницијатива е дел од пошироката визија на општината за рамномерен развој на сите населени места и создавање услови за побрз и побезбеден сообраќај.

Центарот за управување со кризи информира дека заклучно со 13 јули 2025 година, до 18:30 часот, низ територијата на Македонија се регистрирани вкупно 21 пожар на отворен простор, од кои 8 се сè уште активни, 1 е под контрола, а 12 се веќе изгаснати.

АКТИВНИ ПОЖАРИ:

Дојран (с. Николич) – низок шумски појас Велес (с. Џидимирци и с. Крушје) – мешана шума Виница (с. Ласки) – нива и ниска вегетација Македонски Брод (с. Локвица) – деградирана шума, трева и лисја Чучер Сандево (с. Горњани – Блаце) – шумски појас Шуто Оризари (ул. Индира Ганди) – отпад Гостивар (с. Чегране) – пченица Куманово–Липково (с. Умин Дол – с. Никуштак) – стрништа и ниска вегетација

ПОД КОНТРОЛА:

Македонски Брод (меѓу с. Црешнево, Крапа, Слатина и Девич) – деградирана дабова шума и ниска вегетација

ИЗГАСНАТИ ПОЖАРИ:

Регистрирани се 12 локации низ Чучер Сандево, Гостивар, Ресен, Куманово, Старо Нагоричане, Крива Паланка, Охрид и Прилеп, каде пожарите биле изгаснати од надлежните служби.

Надлежните институции апелираат на внимание и одговорно однесување, особено при движење во природа, поради високите температури и сувото време што го зголемува ризикот од пожари.

Ситуацијата е сериозна – следете ги препораките на ЦУК и останете безбедни.

Општина Битола со ребалансот на буџетот за 2025 година најави реализација на седум нови инфраструктурни проекти за подобрување на паркирањето во градот. Во план е изградба на шест нови паркинзи и нова улица со современ паркинг во близина на болницата „Плодност“.

Со овие проекти, градот ќе добие над 150 нови паркинг-места на следните локации:

Кај „Ат Пазар“

Кај „Кифлата“

Кај „Овчи пазар“

Кај „Хеликоптерот“

Улица со современ паркинг кај болницата „Плодност“

Во касарна АРМ На улица „Браќа Џаферови“

Од Општината порачуваат дека овие зафати ќе овозможат полесно и побезбедно движење за граѓаните и ќе придонесат кон поурбан и уреден изглед на Битола.

„Заедно за поубава Битола“, порачуваат од Општината.