Република

ГРАДОНАЧАЛНИКОТ КОЊАНОВСКИ И МИНИСТЕРОТ ЗА ЗЕМЈОДЕЛИЕ ТРИПУНОВСКИ НА СРЕДБА СО ЗЕМЈОДЕЛЦИТЕ И СТОЧАРИТЕ ОД ПЕЛАГОНИСКО

Во работна посета на општина Битола, денес престојуваше министерот за земјоделство, шумарство и водостопанство Цветан Трипуновски, кој заедно со градоначалникот на општина Битола, остварија средба со земјоделците и сточарите од Пелагонискиот регион.

На средбата се разговараше за актуелните состојби во сите земјоделски и сточарски гранки, за субвенционирањето, како и за актуелните политики за регионот.

Градоначалникот Тони Коњановски, пред присутните ја потенцираше поддршката од локалната самоуправа кон населението од руралните средини, пред се во областа на инфраструктурата и административното работење, согласно Стратегијата за локален економски развој на општина Битола.

Министерот Трипуновски се осврна и на распределбата на земјоделското земјиште во Пелагонискиот регион, како и за заложбата на зголемувањето на сточниот фонд.

Република

Претрес во Гевгелија, пронајдена дрога, лишено од слобода едно лице

На 06.11.2025 во 14:45 часот во Гевгелија, полициски службеници од СВР Струмица-ОВР Гевгелија го лишија од слобода А.К.(45) од Гевгелија. При претрес на неговиот дом, извршен со судска наредба, биле пронајдени кокаин, предмети со остатоци од бела прашкаста материја и предмети со остатоци од растителна материја. Запознаен е јавен обвинител од Основното јавно обвинителство Гевгелија, а по документирање на случајот ќе биде поднесен соодветен поднесок.

Република

Откриен еден од извршителите на убиство во Чашка, поведена истрага

Основното јавно обвинителство Велес донесе Наредба за спроведување истражна постапка против едно лице за кое постои основано сомнение дека бил соизвршител во кривично дело – Убиство од член 123 став 1 од Кривичниот законик.

На 5 ноември, во местото викано Поројница, во близина на земјениот пат од Чашка кон селото Бусилци, осомничениот заедно со уште едно лице кое се уште не е идентификувано, го лишиле од живот велешанецот Ѓело Ѓошев.

Најпрво осомничениот го намамил и со својот автомобил го однел оштетениот на локацијата. Потоа заедно со другото лице пукале во него со огнено оружје, нанесувајќи му прострелна рана во черепот од која жртвата починала.

Осомничениот претходно бил сторител на кривично дело разбојништво, а според дел од доказите кои веќе се обезбедени, по убиството во Чашка се обидел да ги прикрие трагите и со тоа да влијае на постапката.

Од тие причини, за јавниот обвинител јасни се опасноста од бегство, можноста за влијание на сведоците и ризикот да го повтори делото, па достави предлог за определување мерка притвор.

По наредби на јавниот обвинител МВР интензивно работи на откривање и на другиот соизвршител, како и на точните мотиви за убиството.

Република

Расветлено убиството во Чашка, лишен од слобода еден од извршителите, по уште едно лице се трага

Министерството за внатрешни работи го лиши од слобода и до Основното јавно обвинителство Велес поднесе кривична пријава против Д.Ц.(43) поради основано сомнение дека бил соизвршител во кривично дело „убиство“ по член 123 став 1 од Кривичниот законик.

На 05.11.2025 во местото викано Поројница, во близина на земјениот пат од Чашка кон селото Бусилци, осомничениот Д.Ц., заедно со уште едно лице, го убиле Ѓ.Ѓ. од Велес.

Прво Д.Ц. го намамил Ѓ.Ѓ. и со својот автомобил го однел на локацијата. Потоа, заедно со другото лице, пукале во него со огнено оружје, нанесувајќи му прострелна рана во черепот, од која жртвата починала.

Осомничениот Д.Ц. претходно бил сторител на кривично дело „разбојништво“, а според дел од доказите кои веќе се обезбедени, по убиството во Чашка се обидел да ги прикрие трагите и со тоа да влијае на постапката. МВР во координација со јавен обвинител презема мерки и активности за пронаоѓање и на другиот извршител на кривичното дело.