Дали обилниот ручек е најважниот оброк во денот? Доколку ги прашате најпознатите светски нутриционисти, најверојатно ќе добиете позитивен одговор.
Една нутриционистка вели дека не е пресуден само изборот на намирници за ручек, туку и времето кога ги конзумираме, што би можело да има значајно влијание на процесот на слабеење.
Според нутриционистката Лена Баковиќ, идеално време за ручек е отприлика четири до чет часа после појадокот.
“Доколку некој се буди во седум часот и јаде хранлив појадок во осум часот, веројатно ќе почувствува глад четири до пет часа подоцна, помеѓу 12 и 13 часот”, објаснува Лена.
Додала и дека доцниот ручек може да ја отежне работата на желудникот во процесот на варење на храната, што може да резултира со прескокнување на вечерата или често посегнување за грицки пред спиење.
Шпанските научници открија дека доцниот ручек ја намалува потрошувачката на калории во состојба на мирување во однос на оброк околу 13 часот. Според истражувањето објавено во Nutrients, лицата кои ручале во 16:30 имале нестабилно ниво на шеќер во крвта и бавна преработка на јаглехидратите во енергија.
Поранешните истражувања исто така покажуваат дека долготрајното гладување може да предизвика ненадеен скок на шеќерот во крвта при следниот оброк, посебно доколку е богат со јаглехидрати.
Нутриционистката за Real Simple истакнува дека прераниот ручек може да го зголеми чувството на глад подоцна во денот, водејќи до лош избор на храна.
“Доцниот ручек близу вечерата може да предизвика прескокнување на вечерата и да ја зголеми желбата за нездрави грицки пред спиење”, предупредува.
Нередовните оброци можат да го пореметат циркадијалниот ритам, клучен за рамнотежата на организмот.
“Како што е важно редовното време на спиење, истото важи и за оброците”, додава таа.
