Connect with us

Магазин

Девојка која живее во близина на Северниот пол, откри како животот во темнина влијае на човековото тело

Иако првобитно планирала да остане само три месеци, нејзината авантура се претворила во трајно селење.

Сесилија Бломдал, која е родена во Шведска, признава дека не очекувала да се заљуби во овој изолиран остров.

“Го сакам повеќе отколку што некогаш мислев дека ќе го сакам”, изјавила за магазинот Пипл (People), додавајќи дека никогаш не планирала ова да го нарече нејзин дом.

https://www.instagram.com/reel/DEK4hYBoLU1/?utm_source=ig_embed&ig_rid=51aeda2d-ef47-419e-8225-612c5b70ea3d

Живот во мрак

Свалбард е едно од најнаселените северни места на светот, а она што го прави посебно е поларната ноќ – временски период каде што сонцето не излегува над хоризонтот, односно ноќта трае 24 часа. Овој феномен трае од средината на ноември до крајот на јануари.

Сесилија Бломдал, која на социјалните мрежи го документира животот на Свалбард, го опиша ова искуство како “живот во бајка”, благодарение на ѕвезденото небо, поларните светла и средбата со локалните ирваси.

Меѓутоа, признава дека долгите месеци поминати во темнина имаат и свои негативни страни.

https://www.instagram.com/reel/DFlB5U6oGyN/?utm_source=ig_embed&ig_rid=50d16359-1979-4928-95a8-b22c06eed985

Влијание врз телото и умот

Сесилија Бломдал проговори за тоа како недостатокот на светлина во текот на трите месеци влијае на нејзиното тело.

“Дефинитивно чувствувам промени. Можеби сум поуморна, се движам со подруго темпо” изјави таа, додавајќи “Будењето со позитивен став кон се што носи денот е пресудно за менталното здравје”.

Освен поларните ноќи, жителите на Свалбард имаат и поларни денови, кога четири месеци по ред 24 часа живеат под дневна светлина.

Од овие две, Сисилија признава дека полесно ја поднесува поларната ноќ.

“Кога ќе ги споредам тие два периода, многу ми е полесно да живеам во поларна ноќ отколку на постојана дневна светлина” призна таа.

https://www.instagram.com/reel/DAbYjeeIW-G/?utm_source=ig_embed&ig_rid=6658808a-7a8f-4449-90cd-3ded97eb9cd9

“Одиме да спиеме додека сонцето е на небото, а кога ќе се разбудиме, уште е таму” изјави таа и откри дека во перидоот на светли месеци користи завеси за целосно затемнување и маска за спиење за да може целосно да се одмори, истајќувајќи дека тие два периоди се исклучително предизвикувачки.

Advertisement

Магазин

Овие симптоми укажуваат дека вашиот црн дроб можеби не е во ред – не ги занемарувајте!

Црниот дроб е еден од најважните органи во телото – го прочистува организмот од токсини, го регулира шеќерот во крвта и го помага варењето. Кога не функционира правилно, симптомите се појавуваат постепено и често се игнорираат, што може да доведе до сериозни последици.

Најчести рани знаци на проблеми со црниот дроб се:

1. Хроничен замор и недостаток на енергија – телото станува исцрпено затоа што црниот дроб не ги разградува токсините ефикасно. Умор кој не поминува ниту со одмор може да биде рано предупредување.

2. Жолтеникава кожа и очи – настанува кога се натрупува билирубин во крвта. Обично е знак за воспаление или оштетување на црниот дроб и бара итен лекарски преглед.

3. Отекување на нозете и зглобовите – поради нарушена рамнотежа на протеини и течности, што често укажува на посериозно оштетување на црниот дроб.

Лекарите советуваат: при појава на овие симптоми, задолжително направете крвни анализи и ултразвук на абдоменот – раната дијагноза е клучна за заштита на црниот дроб.

Continue Reading

Магазин

Дневен хороскоп за петок – 7 ноември: Ова не е ден за опуштање, неколку знаци ги очекуваат сериозни предизвици!

ОВЕН
Не се опуштајте премногу, дури и ако мислите дека имате целосна контрола над ситуацијата. Можно е личност од која најмалку очекувате да ве изненади и да ве стави во непријатна положба. Денот не е идеален за добивки, но е добар за да се заштитите од загуби.

БИК
Сè што е поврзано со учење или нови деловни проекти денес носи можности. Прифатете нови предизвици и не двоумете се да прашувате – така ќе покажете вистински интерес и ќе стекнете поддршка, особено од поискусна личност.

БЛИЗНАЦИ
Не дозволувајте емоциите да ве наведат да реагирате импулсивно. Бидете искрени, но и смирени – така ќе покажете стабилност. Промените ќе бидат неизбежни, иако можеби нема да ви се допаднат, па затоа најдете начин да се прилагодите.

РАК
Избегнувајте нагли реакции и критики кои можат да се сфатат погрешно. Ако нешто не одобрувате, кажете го отворено – молчењето само ќе создаде забуна. Искреноста ќе ви помогне да видите јасно што е вистински важно.

ЛАВ
Обидете се да не се преоптоварувате – денес е подобро да направите помалку, но со повеќе мир. Посветете внимание на семејството и најблиските, покажете им дека ви значат. Организирајте нешто што ќе ве опушти и ќе ве наполни со позитивна енергија.

ДЕВИЦА
Ќе бидете исполнети со енергија и ентузијазам, особено во активности што носат напредок. Продолжете со плановите, но оставете простор за учење и истражување. Не се плашете од успехот – заслужено ве очекува.

ВАГА
Сè оди според планот, но избегнувајте да се потпирате на туѓи идеи или заслуги. Верувајте во себе и во сопствените ставови. Ако сакате да оставите впечаток на работното место, променете нешто во пристапот – свежината ќе ви донесе успех.

ШКОРПИЈА
Ќе ве инспирира личност со силна креативна енергија. Прифатете нови проекти, но останете реални и внимателни во проценките. Важно е да знаете точно што сакате и каде се движите.

СТРЕЛЕЦ
Љубовта и емоциите денес можат да ве одведат во погрешна насока, затоа држете се до вашата визија. Сега не е време за ризични одлуки, туку за стабилност и фокус. Дури и ако се сомневате во себе, не го покажувајте тоа – самодовербата е вашата најсилна алатка.

ЈАРЕЦ
Иако сè изгледа под контрола, бидете внимателни – искреноста е клучна. Ако нешто сте премолчале или погрешно прикажале, време е да го исправите. Со отворен пристап ќе избегнете недоразбирања и ќе добиете нова шанса.

ВОДОЛИЈА
Ќе бидете чувствителни и под влијание на околината. Не дозволувајте емоциите да ве совладаат – подобро е да се повлечете и да размислите што навистина чувствувате. Верувајте во својата интуиција, таа ќе ве насочи правилно.

РИБИ
Избегнувајте остри зборови и прекумерна критика. Денес е ден за трпение и умереност. Оставете ги работите да се развиваат по свој тек – првичниот впечаток може да биде измамен, па затоа набљудувајте внимателно пред да реагирате.

Continue Reading

Магазин

Биомеханичар откри зошто плачеме кога сечеме кромид и како да го избегнеме тоа со едноставен трик

Истражувачи од Универзитетот Корнел во САД открија што точно предизвикува солзи при сечењето кромид и како тоа едноставно може да се спречи. Долго време се верувало дека ладењето на кромидот помага, но новото истражување покажува дека клучот не е во температурата, туку во остриот нож и бавната, внимателна сечка.

Сузите се резултат на хемиска реакција која ослободува пропанетал S-оксид – гас кој ја иритира окото. Тој се создава кога клетките на кромидот се оштетуваат, а потоа реагира со воздухот, создавајќи фина магла која доаѓа во контакт со очите.

Биомеханичарот Зикуан Ву и неговиот тим користеле мини-гиљотина, сензори и камера со висока резолуција за да го следат ослободувањето на микрокапките од кромидот. Резултатите покажале дека остар нож и бавни, внимателни движења значително го намалуваат количеството магла што се создава, со што се намалува иритацијата на очите и се подобрува хигиената во кујната.

Истражувањето покажало дека секој слој кромид има горна и долна мембрана, а при сечење тие се пробиваат и предизвикуваат експлозивно ослободување на капки. Со туп нож, потребната сила е поголема, што ја забрзува појавата на микрокапките – тие можат да достигнат брзина од 144 км/ч и токму тие најмногу ги иритираат очите.

Популарниот мит за ладење на кромидот е демантиран – температурата нема значително влијание, а ладењето може дури и да ја влоши ситуацијата, бидејќи промените во структурата на ткивото ја зголемуваат силата потребна за сечење.

Заклучокот на истражувачите е едноставен: користете остар нож и сечете полека и внимателно. Овој метод не само што ги штити очите, туку и го намалува ширењето на бактерии, правејќи го готвењето посигурно и поугодно.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг