Брат на 16-годишното девојче кое е повредено во трагедијата во Кочани, сведочеше за ужасните сцени што ги затекнал во болницата. Девојчето било меѓу првите кои успеале да излезат од дискотеката, но имало сериозни изгореници.

„Јас бев на лице место во болницата и тоа беше страшно. Мртви тела лежат по холот, мораше да прескокнуваме мртви тела за да влеземе и да видиме како е сестра ми. Ние ја видовме накратко, а потоа ни рекоа дека ја префрлаат во Скопје поради сериозните повреди“, изјави роднината на повредената девојка.

Тој исто така нагласи дека вратата на дискотеката, која била мала, не им овозможила на сите да избегаат на време.

„Тоа е мала врата, тесен пролаз, сигурно многумина не успеале да излезат. Видов повеќе од 100 повредени во болницата, мислам дека ниеден клинички центар не би можел да прими толкава бројка“, додаде роднината.

Престрелка во Скопје, во село Моране се случи попладнево, дознава „Скопје1“. Според првичните информации, едно лице е погодено и е во болница. Повредениот е примен во болницата св. „Наум Охридски“, каде во моментов му се прават испитувања.

„Пред пет минути е донесен, со прострелна рана, се прават испитувања“, вели директорот на болницата, д-р Небојша Настов за „Скопје1“, кој засега нема детали за тоа дали лицето е во животна опасност, со оглед дека се прават испитување.

Пред или по пукањето, неофицијално, имало бркотница низ Скопје, со две од возилата марка „порше“ и „голф“, додека третото е непознато. Неофицијално, дел од лицата кои се бркале се од Батинци и имале нерасчистени односи од порано. 

Од МВР со детали:

„Денеска во 15.15 часот во СВР Скопје било пријавено дека на влез во с. Моране, скопско било пукано со огнено оружје при што едно лице се здобило со повреди и било пренесено во ГОБ Св. Наум Охридски за укажување помош. Веднаш по пријавата полициски службеници од СВР Скопје се упатени на лице место и се преземаат мерки за пронаоѓање на сторителите и расчистување на случајот“, велат од МВР за „Скопје1“.

Извор: skopje1

Дваесет и седумгодишен тетовец пријавил дека бил напднат од две лица, кога пристигнал во село Арнакија, скопско.

Според информацијата од МВР, тој тука стигнал по претходен договор за средба со женско лице со кое се допишувал преку социјални мрежи, бил физички нападнат од две лица кои му упатувале и закани со огнено оружје, а потоа едниот од нив со тврд предмет (кундак од автоматска пушка) му го оштетил неговото патничко возило „фолксваген голф 5“ со тетовски регистарски ознаки.

Се преземаат мерки за расчистување на случајот.