Две пријави за исчезнати малолетни лица биле поднесени на 12 јули во скопските полициски станици, информира МВР.

Во 20:00 часот, во Полициската станица Гази Баба, Л.Ш. (41) од село Трубарево пријавила дека од домот се оддалечил 13-годишниот Н.С., кој ѝ бил доверен на згрижување. Истата вечер, во 22:00 часот, во Полициското одделение Сарај, М.З. (54) од Скопје пријавил дека од домот во село Чајлане се оддалечила неговата 16-годишна внука С.З.

Полицијата презема мерки за пронаоѓање на малолетниците и расветлување на околностите околу нивното исчезнување.

На 12 јули 2025 година, во 01:40 часот, во СВР Скопје бил пријавен физички напад врз 50-годишниот Б.С. од Скопје. Според пријавата, на 11 јули околу 21:00 часот, во дворот од неговата куќа на подрачјето на Радишани, бил нападнат од три непознати лица кои употребиле и тврди предмети.

Полицијата презема мерки за целосно расчистување и документирање на случајот.

На 12 јули 2025 година, во 21:10 часот, во СВР Скопје било пријавено нарушување на јавниот ред и мир во угостителски објект на подрачјето на општина Аеродром. Според пријавата, дошло до физичка пресметка помеѓу Б.Ф. (27) и Г.К. (52), двајцата од Скопје.

Полицијата интервенирала на местото на настанот, а по целосно документирање на случајот ќе следува соодветен поднесок против инволвираните лица.