Ова се убедливо најголемите швалери во хороскопот, не може да им верувате

Овие знаци се познати по тоа што често ги менуваат партнерите, но тоа е само затоа што учат од секоја врска и се стремат да го најдат идеалното љубовно искуство.

Еве за кои хороскопски знаци се работи:

Близнаци (21. мај – 20. јуни)

Близнаците се познати по својата променлива природа и желбата за постојана стимулација. Тие се љубопитни, интелигентни и секогаш во потрага по нови искуства.

Кога станува збор за љубов, Близнаците не сакаат да чувствуваат досада. Тие се подготвени да истражуваат различни врски и да се впуштаат во романтични авантури за да ја најдат својата сродна душа.

Близнаците се многу отворени за нови љубовни можности и секогаш се подготвени да учат од претходните грешки.

Стрелец (22. ноември – 21. декември)

Стрелците се познати по својот авантуристички дух и желбата за слобода. Тие сакаат да го истражуваат светот и да запознаваат нови луѓе.

Кога станува збор за љубов, Стрелците се отворени за сите видови врски и искуства.

Тие често ги менуваат партнерите, но тоа е затоа што сакаат да пробаат различни опции и да најдат личност која ќе им обезбеди слобода и авантура што ја бараат.

Стрелците учат од секоја врска и го користат своето искуство за да ја најдат љубовта која ќе им донесе среќа и задоволство.

Водолија (20. јануари – 18. февруари)

Водолиите се познати по својата неконвенционална природа и желбата да бидат различни од другите. Кога станува збор за љубов, Водолиите не се придржуваат до традиционалните норми и очекувања.

Тие се отворени за различни видови врски и подготвени се да истражуваат нови хоризонти. Водолиите се многу аналитички и учат од секоја врска што ја имаат.

Тие трагаат по длабока емоционална поврзаност и вистинско партнерство, па се подготвени да ги менуваат партнерите.

Туристичка атракција во Крушево: Фреската на Тоше Проески во обновениот манастир

Манастирот „Св. Преображение“ во Крушево, во кој се наоѓа фреската со ликот на Тоше Проески, привлекува туристи од целиот Балкан. Екипата на српскиот „Курир“ неодамна го посети манастирот, кој денес претставува и верска и голема туристичка дестинација, а многумина доаѓаат и да го посетат гробот на легендарниот пејач.

На 18-годишнината од смртта на Тоше, во манастирот беше служен годишен помен, а митрополитот крушевски и демирхисарски Јован го посети и гробот на пејачот, читајќи молитва за покој на неговата душа.

„Тука е мојот мир и знам дека после се ќе завршам тука“, изјави Тоше во едно од своите последни интервјуа, токму во овој манастир, чија обнова беше делумно овозможена благодарение на него.

Српскиот „Курир“ потсети дека порано Македонската православна црква разгледувала можност Тоше да биде прогласен за светител. Поглаварот на МПЦ, г.г. Стефан, истакна дека постапката за прогласување светител е строго регулирана и бара време, но дека Тоше заслужува почит и признание за делата што ги направил за својот народ.

Тоше Проески беше голем верник и голем поддржувач на манастирот. Со своите донации и учество во физичките работи, тој имаше значајна улога во обновата на манастирскиот комплекс, кој беше осветен во септември 2023 година. На Фејсбук страницата на манастирот беа објавени фотографии од новиот фрескоживопис, кој денес го краси храмот и ги привлекува посетителите.

Видеото може да го погледнете тука

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.