Економија
ЕЛС ја носи во Македонија најголемата светска платформа за гардероба „Шеин“
Најголемата приватна пошта Еко Логистик Сервис (ЕЛС) на денешната средба со новинарите најави повеќе новини за идните проекти на компанијата. Освен доставата на пратките од двете најголеми шопинг платформи, Али експрес и Тему, директорот на ЕЛС, Игор Гешовски, најави соработка со неколку нови онлајн платформи за нарачки.
Шеин, најголемата платформа во светот за текстил, се очекува да почне да функционира во земјава кон крајот на овој месец, а најдоцна до почетокот на април.
„Шеин годишно изработува 3 милиони модели. Тие го прават целиот процес, преку набавка на платно, ткаење, кроење, шиење, моделирање и продажба. Нема да бидат толку евтини, но се високо квалитетни производи. Очекуваме првата пратка да пристигне во земјава најдоцна до почетокот на следниот месец“, најави Гешовски.
Во меѓувреме, најавена е и соработка со платформите ForDeal и GD, а во тек се преговори со ТикТок и со Амазон.
Што се однесува до популарната платформа Тему, директорот на ЕЛС најави дека месецов веќе граѓаните ќе можат да купуваат и производи до 90 евра, на што ќе се плаќа ДДВ. Досега, максималниот износ за нарачка во Македонија беше 22 евра.
Гешовски најави уште еден новитет, односно отворање на фулфилмент центар што ќе почне со работа наредниот месец. Станува збор за магацин од 1000 квадратни метри каде што ќе им се чува робата на компаниите.
„Сето тоа ќе биде кодирано, сѐ е под камери, робата се евидентира. Компаниите ќе ни пишуваат која роба каде треба да се однесе, ние ќе ја сортираме, пакуваме, бележиме и ќе ја носиме до крајната дестинација. На тој начин компаниите ќе заштедуваат оти инаку секој треба да има магационери, управа, објекти, шофери и сл“, изјави директорот на ЕЛС, Гешовски.
Уште една поволност за македонските компании, како што рече тој, е иницијативата да се направи платформа и да им се помогне на компаниите да направат свои веб-страници и производите да ги пласираат на други пазари, и регионално но и пошироко. Дополнително, се прави кампања заподдршка на старт-ап компании, со промотивни попусти – 30% попуст во првиот месец, 20% попуст во вториот месец и 10% попуст во третиот месец на сите пратки преку ЕЛС.
Гешовски на денешната средба со медиумите информираше дека сега ЕЛС испорачува по 500.000 пратки месечно, а целта е до крајот на годината да се испорачуваат по еден милион пратки. Со оглед на зголемениот обем на работа, планирано е да се воведат пакетомати, уреди кои на корисниците им овозможуваат самопослужување со преземање на својата пратка во кое било време.
ЕЛС дополнително ќе воведе новитет во своето работење,преку достава на пратки за еден ден насекаде низ Македонија. Доколку пратката не биде доставена во рок од два дена, доставата ќе биде бесплатна.
Еко Логистик Сервис е единствената приватна пошта во земјава која ги поседува сите домашни и интернационални лиценци, има повеќе од 250 вработени, располага со повеќе од 200 сопствени возила и има 50 хабови низ државата.
Скопје, 20 март 2025 година – Македонската берза го заврши денешното тргување со вкупен промет од 9.448.723 денари. Индексот МБИ10 забележа пораст од 0,36%, достигнувајќи вредност од 10.620,89 поени, додека индексот ОМБ остана непроменет на 124,48 поени.
Динамика на тргување и пазарни движења
Денешниот трговски ден се карактеризираше со намален обем на тргување, но со позитивни движења на неколку водечки компании. Официјалниот пазар оствари промет од 6.049.150 денари, додека берзанската котација на акциидостигна 1.411.320 денари.
1. Комерцијална банка АД Скопје (KMB) – промет од 6.078.460 денари, со пораст од 1,60%, достигнувајќи просечна цена од 29.796,37 денари.
2. Алкалоид АД Скопје (ALK) – промет од 4.980.660 денари, со пораст од 3,87%, достигнувајќи цена од 28.299,20 денари.
3. Реплек АД Скопје (REPL) – промет од 1.701.000 денари, со пад од 0,61%, достигнувајќи цена од 16.200,00 денари.
Добитници и губитници на денот
Најголеми добитници
1. Макпетрол АД Скопје (MPT) – пораст од 1,90%, достигнувајќи цена од 107.000,00 денари.
2. Стопанска банка АД Скопје (STB) – пораст од 1,47%, достигнувајќи цена од 2.699,00 денари.
3. Комерцијална банка АД Скопје (KMB) – пораст од 0,01%, со последна цена од 29.798,75 денари.
Најголеми губитници
1. Алкалоид АД Скопје (ALK) – пад од 0,26%, со последна цена од 28.226,32 денари.
2. Македонски Телеком АД Скопје (TEL) – пад од 0,15%, со последна цена од 419,08 денари.
Тргувањето со обврзници остана стабилно, без значителни промени во цените.
Денешното тргување на 20 март 2025 година покажа намален вкупен промет, но позитивен тренд кај индексот МБИ10. Макпетрол АД Скопје беше најголемиот добитник со пораст од 1,90%, додека Алкалоид АД Скопјезабележа најголем пад од 0,26%.
Овој извештај е подготвен врз основа на официјалните податоци од Македонска берза, а е изготвен од Илирика Инвестментс АД Скопје.
Скопје, 19 март 2025 година – Македонската берза го заврши денешното тргување со вкупен промет од 15.371.421 денари. Индексот МБИ10 забележа пораст од 1,04%, достигнувајќи вредност од 10.582,35 поени, додека индексот ОМБ остана непроменет на 124,48 поени.
Динамика на тргување и пазарни движења
Денешниот трговски ден се карактеризираше со релативно низок обем на тргување, но со значителни добивки на неколку водечки компании. Официјалниот пазар имаше промет од 6.078.460 денари, додека берзанската котација на акции достигна 4.980.660 денари.
1. Комерцијална банка АД Скопје (KMB) – промет од 6.078.460 денари, со пораст од 1,60%, достигнувајќи просечна цена од 29.796,37 денари.
2. Алкалоид АД Скопје (ALK) – промет од 4.980.660 денари, со пораст од 3,87%, достигнувајќи цена од 28.299,20 денари.
3. Универзална Инвестициска Банка АД Скопје (UIB)– промет од 1.701.00, со пад од 0,61%, достигнувајќи цена од 16.200,00 денари.
Добитници и губитници на денот
Најголеми добитници
1. Алкалоид АД Скопје (ALK) – пораст од 3,87%, достигнувајќи цена од 28.299,20 денари.
2. Комерцијална банка АД Скопје (KMB) – пораст од 1,60%, достигнувајќи цена од 29.796,37 денари.
3. Македонски Телеком АД Скопје (TEL) – пораст од 1,00%, достигнувајќи цена од 419,73 денари.
Најголеми губитници
1. Реплек АД Скопје (RPL) – пад од 0,61%, со последна цена од 16.200,00 денари.
Тргувањето со обврзници остана стабилно, без значителни промени во цените.
Денешното тргување на 19 март 2025 година покажа зголемување на индексот МБИ10, со раст на повеќето водечки акции. Алкалоид АД Скопје беше најголемиот добитник со пораст од 3,87%, додека Реплек АД Скопјебеше единствениот значителен губитник со пад од 0,61%.
Овој извештај е подготвен врз основа на официјалните податоци од Македонска берза, а е изготвен од Илирика Инвестментс АД Скопје.
На девизните пазари, индексот на американскиот долар, кој ги искажува перформансите на американскиот долар во однос на кошницата од шест главни валути, благо порасна, за 0,1 отсто, на 103,39 поени, откако во вторникот го допре најниското ниво во последните пет месеци од 103,19 поени.
Од почетокот на март, доларот падна за речиси 4 отсто под притисок на царинскит потези на американскиот претседател Доналд Трамп и зголемените стравови од рецесија во најголемата светска економија. Политичката одлука на Fed подоцна во текот на денот ќе биде клучна за инвеститорите кои сакаат да знаат што мисли централната банка за политиките на Трамп и нивното влијание врз американската економија, и како тоа ќе се одрази на изгледите за каматните стапки.
Се очекува Fed да ги задржи стапките на сегашното ниво, а учесниците на пазарот сметаат на намалување на каматните стапки во САД за речиси 60 базични поени до крајот на годината.
Курсот на еврото претпладнево се движи околу 1,0934 долари, што е блиску до вчерашното највисоко ниво во последните пет месеци од 1,0955 долари. Инвеститорите ја купуваат европската валута, оптимисти за одлуката на германскиот парламент да го отстрани лимитот за задолжување и да создаде инфраструктурен инвестициски фонд од 500 милијарди евра, верувајќи дека тоа ќе го поттикне економскиот раст на земјата.
„Ова е историска промена во фискалниот режим, веројатно најголема од обединувањето на Германија. Сепак, како и со обединувањето, фискалната експанзија не гарантира успех: новата влада ќе мора да спроведе структурни реформи за да го претвори овој фискален пакет во одржлив раст“, вели Робин Винклер, главен германски економист во „Deutsche Bank Research“.
Курсот на јенот, пак, ослабе за 0,45 отсто во однос на доларот, на 149,72 јени, откако Bank of Japan (BoЈ), како што се очекуваше, ги остави каматните стапки непроменети. ВоЈ ја задржа својата краткорочна каматна стапка на 0,5 отсто во средата, нагласувајќи дека сака повеќе време да процени како растечките глобални економски ризици од повисоките американски царини можат да влијаат на кревкото закрепнување на Јапонија.
На нафтените пазари цената на барелот сурова нафта од типот Brent падна за 0,24 отсто на 70,39 долари, а WTI на американскиот пазар за 0,2 отсто на 66,75 долари.
Цената на златото, пак, изнесува 3.029 долари за унца, што е блиску до историски рекорд, бидејќи геополитичките тензии ги поттикнуваат инвеститорите да инвестираат капитал во безбедни засолништа.
-
Црна Хроника3 days agoВИДЕО: Еден од осомничените ја крши задната врата за да се излегува од диското
-
Македонија2 days agoВлошена состојбата на пациенти на КАРИЛ
-
Македонија4 days agoСопственикот на дискотеката во Кочани приведен
-
Македонија4 days agoПриведен Александар Карадакоски, газда на фирмата што раководела со „Пулс“
-
Македонија4 days agoОсуммина членови на бендот на ДНК загинаа во пожарот во Кочани
-
Македонија4 days agoХеројот што не ја напушти дискотеката: Виктор Јорданов загина спасувајќи животи (Видео)
-
Македонија4 days agoЕве чив потпис стои на последната лиценца за кочанската дискотека
-
Република2 days agoВИДЕО: Тетовската полиција спаси млада девојка од обид за самоубиство