Економија
Еве колкава ќе биде минималната плата во април доколку нема поинаков договор меѓу работниците и работодавците
Владата ќе поддржи договор помеѓу работодавачите и работниците во врска со минималната плата, изјави премиерот Христијан Мицкоски. Тој додаде дека во втората половина на март може да се одржи нов состанок на Економско-социјалниот совет.
„И секој оној договор, којшто тие ќе го постигнат, ние како Влада ќе го поддржиме. Предлогот, којшто го слушнав од еден од претставниците на работниците, конкретно претседателот на Сојузот на синдикати на Македонија, се разликува од оној предлог од пред неколку месеци, кога оваа Влада беше избрана како Влада. Не почекаа ниту една недела да биде избрана и излегоа со предлогот 400 евра минимална плата. Сега кога видоа дека законски ќе дојдеме до 400 евра се бара минимална плата од 500 евра. Еве јас велам ни 500 евра не се доволни, можеби треба 1.000, можеби треба 2.000 и тука немам никаква дилема. Јас апсолутно сум работник, како и сите други работници и сакам сите ние да имаме поголеми плати“, изјави Мицкоски.
Тој исто така потсети дека Меѓународниот монетарен фонд и Светска банка инсистирале на зголемување на старосната граница за пензионирање, но Владата реши да ги заштити правата на работниците и граѓаните.
„Меѓународниот монетарен фонд и Светска банка бараа зголемување на прагот на данокот на додена вредност. Ние одлучивме да го штитиме стандардот на граѓаните и да застанеме во одбрана на стандардот на граѓаните. Влеговме во безмилосна борба со оние коишто се богатат на грбот на граѓаните, трговците, дистрибутерите, трговските ланци, каде што ги ограничивме маржите и на дистрибутивната маржа и на маржата во малопродажба“, рече Мицкоски.
Тој истакна дека Владата обезбедила 250 милиони евра за поддршка на стопанството, со најповолен кредит во Европа со каматна стапка од 1,95%, за да се зачуваат постоечките работни места и да се создадат нови.
„Мене ме радува фактот што од тие 250 милиони, според информациите што ги добивам, проектите кои нашето стопанство ги генерираат веќе достигнуваат половина милијарда евра и наместо 5.000 нови работни места, веќе сме до 10.000 нови работни места. Во јануари имаме раст од 5% на извозот, во 2024 ќе бидеме држава со најголем број странски инвестиции по глава на жител на Балканот и меѓу трите на Европскиот континент“, изјави Мицкоски.
Тој исто така нагласи дека во јануари годинава биле постигнати 8,5% поголеми приходи, додека расходите во буџетот биле намалени за 3,5%. Дополнително, кредитирањето пораснало за 11,7%, а растот на индустријата бил 13%.
„Двоцифрен раст од којшто 13% е за индустријата, а сè уште не почнале да се користат унгарските средства… Ние како Влада ќе сториме сè да обезбедиме вистински услови за водење бизнис, а тоа подразбира чесна работа, борба против криминалот и корупцијата е сè што е во интерес на граѓаните, согласно законот и Уставот. Да сумирам, тоа што ќе го договорат работниците и работодавачите, ние ќе го почитуваме. Во меѓувреме имаме јасен закон и ќе постапиме согласно законот“, изјави Мицкоски.
Прашан дали минималната плата од април ќе изнесува 400 евра, Мицкоски потврди дека ако нема поинаков договор меѓу работниците и работодавачите, според законот таа ќе биде околу 24.400 денари.
Дирекцијата за ТИРЗ и понатаму останува посветена на подобрување на услугите и поддршка на инвеститорите, се со цел креирање на уште поатрактивни и поконкурентни услови за странските инвеститори, се наведува во соопштението од ТИРЗ.
По спроведената анкета за задоволство на корисниците за 2024 година, средната оценка од задоволството на сите компании корисници на ТИРЗ изнесува 4.48 од максимум 5.00.
Како што информира денеска Дирекцијата за технолошко-индустриски зони (ТИРЗ), ова претставува позитивен тренд и раст во однос на 2023 година, кога просечната оценка изнесуваше 4.42, што укажува на континуирани подобрувања во квалитетот на услугите и поддршката што ја нуди Дирекцијата за ТИРЗ.
Анкетата ги опфатила сите главни аспекти важни за функционирањето на зоните, вклучувајќи задоволство од услугите на Дирекцијата за ТИРЗ, како и знаењето, вештините и способноста на вработените, точноста на добиените информации и брзината на постапување по доставено барање и оценка на задоволство од начинот на комуникација со вработените.
– Овој пристап овозможи добивање детална слика за потребите и очекувањата на инвеститорите, како и идентификација на клучните области за подобрување. Дополнително, резултатите послужија како основа за креирање конкретни мерки за унапредување на услугите, со цел да се одржи позитивниот тренд на раст на задоволството. Дирекцијата за ТИРЗ и понатаму останува посветена на подобрување на услугите и поддршка на инвеститорите, се со цел креирање на уште поатрактивни и поконкурентни услови за странските инвеститори, се наведува во соопштението од ТИРЗ.
Скопје, 26 март 2025 година – Македонската берза го заврши денешното тргување со вкупен промет од 20.447.875 денари. Индексот МБИ10 забележа пад од 0,26%, достигнувајќи вредност од 10.583,84 поени.
Динамика на тргување и пазарни движења
Денешниот трговски ден се карактеризираше со засилена активност, особено кај акциите со голема ликвидност. На официјалниот пазар се оствари промет од над 19 милиони денари, додека блок трансакции не беа евидентирани. Прометот беше сконцентриран на неколку водечки компании, со умерен број на трансакции.
● Комерцијална банка АД Скопје (KMB) – промет од 10.252.430 денари, со просечна цена од 29.803,56 денари, што претставува минимален пораст од 0,01%.
● Стопанска Банка Скопје (STB) – промет од 5.009.040 денари, со непроменета цена од 38.000,00 денари.
● Алкалоид АД Скопје (ALK) – промет од 978.040 денари, со просечна цена од 27.944,11 денари, што претставува пад од 0,20%.
Добитници и губитници на денот
Најголеми добитници:
● Комерцијална банка АД Скопје (KMB) – пораст од 0,01%, со цена од 29.803,56 денари.
Најголеми губитници:
1. Гранит АД Скопје (GRNT) – пад од 1,02%, со просечна цена од 1.850,00 денари.
2. Макпетрол Скопје (MPT) – пад од 0,72%, со цена од 106.228,57 денари.
3. Макстил АД Скопје (STIL) – пад од 0,47%, со цена од 149,00 денари.
Индексот ОМБ остана непроменет и изнесува 124,48 поени. Активноста на обврзничкиот пазар беше ниска, со симболичен промет и стабилни цени кај тргуваните државни и корпоративни обврзници.
Денешното тргување на 26 март 2025 година беше значително поактивно во однос на претходниот ден. И покрај зголемениот промет, индексот МБИ10 бележи благо намалување поради пад на цените кај неколку поголеми компании. Инвеститорите продолжуваат да ја следат динамиката со претпазливост, но и интерес за водечките сини чипови.
Економија
МФ: Водиме кредибилни и конзистентни макроекономски политики, потврден кредитниот рејтинг ББ+ со стабилен изглед од „Фич“
Македонија води кредибилни и конзистентни макроекономски политики поддржани преку долгогодишната политика на фиксен девизен курс, подобрите показатели за управуање во споредба со други земји со слични економски перформанси, како и посветеноста на реформи во рамки на процесот на пристапување во ЕУ. Ова го констатира кредитната агенција „Фич“ во последниот извештај со кој земјата го задржа и кредитниот рејтинг ББ+ со стабилен изглед.
Агенцијата нотира дека во 2024 година реалниот раст на БДП достигна 2,8% и покрај надворешните потешкотии и дека е над проекциите заради силната јавна потрошувачка и инвестициите. Фич очекува растот на економијата во 2026 година да достигне 4% како резултат на реализација на инвестициите на коридорот 8 и 10д. Посочуваат во извештајот дека инвестициите остануваат силни, но дека слабиот раст на продуктивноста и неповолните демографски движења претставуваат ограничувачки фактори на растот на среден рок. Нотираат дека се забележани силни приливи на странски директни инвестиции. Странските нето директни инвестиции, како што наведуваат, се највисоки во последните 17 години и се искачија на 7,1% од БДП во 2024 година како резултат на високи инвестиции во слободните економски зони. Невработеноста според „Фич“, останува структурно висока поради недостаток на вештини и нерамномерен регионален економски развој. Растот на платите е силен и во периодот 2022-2024 година изнесува во просек 13% годишно и немаше негативен ефект врз конкурентноста.
Во извештајот „Фич“ наведува дека во 2024 година е остварен буџетски дефицит од 4,6% што е помалку од ревидираниот со Ребалансот на ниво од 4,9%, како резултат на повисоките приходи и недоволнотото извршување на капиталните расходи. Во 2025 година „Фич“ не очекува промени кај буџетскиот дефицит заради проектираниот повисок износ на капитални расходи и нормализирање на расходите за пензиите и социјалните фондови. Позитивно влијание врз приходната страна очекува од воспоставувањето на е-фактурата. Агенцијата смета дека грантовите од Планот за раст на Западен Балкан ќе придонесат за намалување на дефицитот на 4% до 2026 година. Долгот според „Фич“ на среден рок ќе надмине ниво од 58% од БДП.
Инфлацијата во 2024 година просечно е на ниво од 4,2% и според „Фич“ главни двигатели се силниот раст на платите, зголемената домашна побарувачка, заедно со силниот кредитен раст на приватниот сектор.
Кредитниот рејтинг се изготвува врз основа на анализи на политиките што ги спроведува земјата. Тој го покажува степенот на ризик од инвестирање и е еден од клучните индикатори коишто потенцијалните инвеститори ги земаат предвид при носењето на нивните одлуки.
Кредитен рејтинг за земјата изготвуваат кредитните агенции „Фич“ и Стандард и пурс“, два пати во годината.
-
Македонија6 days agoИма ли ова крај – нова несреќа во Кочани: Се преврте воено возило полно со припадници на АРМ!
-
Македонија3 days ago„А мене со вас ме нема“: Ќе се наежите од снимката на која е Панчо
-
Македонија7 days agoПолицијата почна да одзема возила
-
Црна Хроника7 days agoПрестрелка во Скопје, едно лице застрелано – имало и бркотница низ градот
-
Црна Хроника7 days agoТетовец мислел ќе се сретне со жена со која се допишувал, но го начекале две лица и го нападнале
-
Црна Хроника2 days agoЌерката на газдата на ,,Дискотеката на смртта” ја подигнала лажната лиценца, уапсена е и сопругата
-
Црна Хроника4 days agoПоследната заедничка објава на Андреј и Панчо ќе ви ги НАСОЛЗИ ОЧИТЕ – еве каков човек изгубивме!
-
Македонија6 days agoСопственикот на фирмата која раководела со „Пулс“ во Кочани однесен за Литванија