Скопје
Градоначалникот Ѓорѓиевски со решителна акција за уредување на Кисела Вода: Се отстрануваат хаварисаните возила!
Општина Кисела Вода, под водство на градоначалникот Орце Ѓорѓиевски, започнува голема акција за расчистување на јавните површини од хаварисани и нерегистрирани возила. Оваа иницијатива, спроведена во соработка со GREEN ROAD ДООЕЛ и Министерството за внатрешни работи, има за цел да го подобри квалитетот на животот во општината, ослободувајќи ги паркинзите и јавните простори од напуштените автомобили.
„Крајно време е да ставиме ред и да ги ослободиме паркинзите во Кисела Вода. Ова не е казнена мерка, туку начин да создадеме почиста и поуредена средина за сите граѓани“, истакна градоначалникот Ѓорѓиевски.
Инспекциските служби веќе започнаа со мапирање на хаварисаните возила, а во наредните денови ќе се спроведе постапка за утврдување на нивната сопственост и регистрациски статус. Согласно законските регулативи, сите напуштени и нерегистрирани возила кои нема да бидат отстранети од нивните сопственици во дадениот рок, ќе бидат подигнати и транспортирани до специјални депоа, каде што ќе можат да бидат преземени од нивните сопственици. Доколку тоа не се случи, возилата ќе бидат третирани како отпаден метал.
Дополнително, акцијата посебен акцент става на расчистување на паркинзите во Расадник, каде што нерегистрирани возила често се користат за препродажба, претворајќи ги јавните простори во нелегални авто-плацови.
Градоначалникот Ѓорѓиевски ја истакна важноста на оваа иницијатива, апелирајќи до граѓаните да соработуваат и навреме да ги отстранат своите хаварисани возила.
„Ова е уште еден чекор кон поуредена и поубава Кисела Вода. Наша цел не е казнување, туку создавање ред и подобрување на условите за живот на сите жители“, нагласи Ѓорѓиевски.
Со оваа акција, Кисела Вода прави значителен исчекор во унапредувањето на урбаната средина и ослободувањето на јавните површини од отпадни возила, поставувајќи пример за одговорно управување со просторот и комуналниот ред.
Скопје
Хаос во Скопје: Кршел автомобили и прозорци, па се заканувал на сосетката со остар предмет, заврши во здравствена установа
Вчера во 16.30 часот на подрачјето на Ѓорче Петров во Скопје, полициски службеници од СВР Скопје го привеле Б.Ј.(36) од Скопје.
Тој се сомничи дека околу 14.40 часот со остар предмет се заканувал на неговата сосетка А.С.(26) од Скопје, ги скршил предните ветробрански стакла на нејзиното и уште едно возило, а со тврд предмет скршил прозорци на соседната куќа.
Лицето било пренесено во здравствена установа и по целосно документирање на случајот ќе следува соодветна пријава.
Посебен режим на сообраќај во Скопје
СВР Скопје ги известува граѓаните дека денеска (25.03.2025) со почеток од 20.45 часот поради одржување на меѓународен квалификациски фудбалски натпревар на арената „Тодор Проески“ во Скопје, Единицата за безбедност на патниот сообраќај ќе преземе мерки за посебен режим на сообраќајот.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.
Општина Центар распиша Јавен повик за доделување на поединечна субвенција на жителите на општината за купување велосипеди, е-велосипеди, е-тротинети и за купување на дополнителна опрема, односно детско седиште, кацига, светло, катадиоптри, ѕвонче, безбедна сајла, катанец и слично, за велосипед, е-велосипед и е-тротинет во 2025 година.
Јавниот повик е отворен од денеска (24 март) и ќе трае се до исцрпување на средствата предвидени во Буџетот на Општина Центар – Скопје, по принципот ,„прв дојден, прв услужен“, велат од општината.
„Со Јавниот повик ќе се субвенционира 30% од цената за купување на велосипеди, е-велосипеди, е-тротинети но најмногу до 3.000 денари и 30% од цената за купување на дополнителна опрема, односно детско седиште, кацига, светло, катадиоптри, ѕвонче, безбедна сајла, катанец и слично, за велосипед, е-велосипед и е-тротинет, но најмногу до 1.000 денари“, посочуваат од општината.
Секој полнолетен жител на Општина Центар- Скопје, што купил велосипед, е-велосипед, е-тротинет и дополнителна опрема, односно седишта за деца и/или кациги за велосипед, е-велосипед или е-тротинет, започнувајќи од 21 март, потребно е да ги достави следните документи:
- Барање за субвенција за купување на велосипед, е-велосипед, е-тротинет и дополнителна опрема за велосипед, е-велосипед и е-торитинет (достапно е во Архивата на Општина Центар – Скопје (барака бр.6) и на веб – страницата на Општина Центар – Скопје www.centar.gov.mk
- Копија од лична карта;
- Копија од трансакциска сметка;
- Фискална сметка во оригинал.
Барањата со комплетна документација се доставуваат во архивата на Општина Центар – Скопје, барака бр.6, од 9 часот до 15 часот, почнувајќи од 24 март, велат од општината и додаваат дека по доставувањето на документите, подносителите ќе бидат известени за редниот број на поднесокот и субвенционирањето.
Правото на субвенција е еднократно, а за сите дополнителни информации, граѓаните можат да се обратат на телефонските броеви 02/ 3203-600 и 02/ 3203-693.
-
Македонија6 days agoИма ли ова крај – нова несреќа во Кочани: Се преврте воено возило полно со припадници на АРМ!
-
Македонија3 days ago„А мене со вас ме нема“: Ќе се наежите од снимката на која е Панчо
-
Македонија7 days agoПолицијата почна да одзема возила
-
Црна Хроника6 days agoПрестрелка во Скопје, едно лице застрелано – имало и бркотница низ градот
-
Црна Хроника7 days agoТетовец мислел ќе се сретне со жена со која се допишувал, но го начекале две лица и го нападнале
-
Црна Хроника2 days agoЌерката на газдата на ,,Дискотеката на смртта” ја подигнала лажната лиценца, уапсена е и сопругата
-
Црна Хроника4 days agoПоследната заедничка објава на Андреј и Панчо ќе ви ги НАСОЛЗИ ОЧИТЕ – еве каков човек изгубивме!
-
Македонија6 days agoСопственикот на фирмата која раководела со „Пулс“ во Кочани однесен за Литванија